དཔེ་ཆར་ཇི་ལྟར་བལྟ་བའི་སྐོར་གྱི་གླེང་མོལ།

དགེ་རྒན་རྒྱ་ཡེ་བཀྲ་བྷོས་གནང་བའི་དཔེ་ཀློག་སྐོར་གྱི་ཚོགས་བཤད་ཅིག་ཟིན་བྲིས་སུ་བཀོད་པ།

རྒྱ་ཡེ་བཀྲ་བྷོ།

ཁ་བྱང་།  དཔེ་ཆར་ཇི་ལྟར་བལྟ་བའི་སྐོར་གྱི་གླེང་མོལ།

མི་སྣ།  མཚོ་སྔོན་དགེ་ཐོན་སློབ་ཆེན་གྱི་འབུམ་རམས་པ།  རྒྱ་ཡེ་བཀྲ་བྷོ།

ས་གནས།  མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་སྨྱན་མང་སློབ་ཁང་།

 

ཚོགས་བཤད་ལ་དབྱེ་ན་གཉིས་ཡོད་དེ།  

  ①རིག་གཞུང་ཚོགས་བཤད།

 ②སྤྱིར་བཏང་ཚོགས་བཤད།

【࿄】དེང་གི་དུས་འདི་ནི་དཔེ་ཆར་བལྟས་ནས་སྡུག་མྱོང་དགོས་པའི་དུས་ཤིག་ཡིན།

དཔེ་ཆ།   ༡  ༽ སྔོན་ཆེད་གང་དག་ལ་བལྟས་ཟིན་པ།

              ༢  ༽ ད་ལྟ་གང་དག་ལ་བལྟ་བཞིན་པ།

              ༣  ༽ མ་འོངས་པར་གང་དག་ལ་བལྟ་དགོས་པ།

དང་པོ།  ཅིའི་ཕྱིར་དཔེ་ཆར་བལྟ་དགོས་པ་ཡིན།

     འཇིག་རྟེན་འདིའི་སྟེང་གི་ཤེས་བྱ་གང་ཞིག་བསླབ་དགོས་ཀྱང་།    དེ་རྟོགས་པའི་ཐབས་ལམ་གཉིས་མ་གཏོགས་མེད་དེ།   དངོས་སུ་བརྒྱུད་ནས་འབྱོར་བ་དང་།   སྦྱངས་ནས་འབྱོར་བ་གཉིས་སོ།  །

༡ ༽  བརྒྱུད་ནས་འབྱོར་བ།

དཔེར་ན།   ཇ་འཐུང་ན་སྐོམ་སེལ་བ་དང་མེ་ལ་རག་ན་ཚ་བ་ལྟ་བུའོ། །མང་ཚོགས་རྣམས་ཀྱི་ཤེས་བྱ་ཕལ་ཆེ་བ་བརྒྱུད་ནས་འབྱོར་བ་ཡིན་ནོ།  །

༢  ༽ སྦྱངས་ནས་འབྱོར་བ། 

   དཔེར་ན།  དཔེ་ཆར་བལྟ་བ་དང་སློབ་ཁྲིད་ལ་ཉན་པ་ལྟ་བུའོ།  །ཤེས་ལྡན་མི་སྣ་རྣམས་ཀྱི་ཤེས་བྱ་ཕལ་ཆེ་བ་སྦྱངས་ནས་འབྱོར་བ་ཡིན་ནོ།  །

      འོ་ན་མི་རེ་འགས་དངོས་སུ་བརྒྱུད་ནས་འབྱོར་ན་ཆོག་པས་ཅིའི་ཕྱིར་སྦྱངས་དགོས་ཞེ་ན། 

① མི་ཚེ་ཧ་ཅང་ཐུང་བས་ཤེས་བྱ་མང་པོ་ཞིག་བརྒྱུད་ནས་རྟོགས་པའི་དུས་ཚོད་མེད་པ།

② རྗེ་པོ་ཏོ་བས་གསུངས་པ་ནང་བཞིན་མི་རྣམས་གཏོད་ཐག་གིས་བཏགས་ཡོད་པ།

གལ་ཏེ།  རྟ་ཞིག་གཏོད་ཐག་གིས་བཏགས་ཡོད་པ་ཡིན་ན།   གཏོད་ཐག་དེའི་རིང་ཐུང་གང་འདྲ་ཡིན་ན།  རྟ་དེས་ཟ་ཐུབ་པའི་རྒྱ་ཁྱོན་ཀྱང་དེ་མཚུངས་ཡིན་ལ།   རྟ་དེས་ཅི་འདྲ་ཞིག་ཟ་ཐུབ་མིན་དེ་གཏོད་ཐག་གི་རིང་ཐུང་གིས་ཐག་བཅད་ཡོད།

གཏོད་ཐག་གི་རིང་ཐུང་།  = མི་ཞིག་གི་ཤེས་རྒྱ།

           ▼

མི་དེ་འགུལ་སྐྱོད་ཀྱི་ཚངས་ཕྱེད།

      

    དཔེར་ན།   ཚེ་གང་བོར་ལུང་པ་གཅིག་ན་འཚོ་བའི་མི་དེས།   དེ་ལས་གཞན་པའི་གནས་ཚུལ་མང་པོ་ཞིག་རྟོགས་མི་ནུས་པ་ལྟ་བུའོ།  །

     【࿄】མིའི་ཚངས་ཕྱེད་ལ་ཚད་ཡོད་པས་ཡོད་ཚད་མྱངས་སུ་ལེན་མི་ནུས་སོ། །

③ དཔེ་ཆས་ཡུལ་དང་དུས་ཀྱི་མ་བསྐལ་བ་བྱེད་ཐུབ།

1)དཔེ་ཆ་ལ་བརྟེན་ནས་ལོ་ངོ་སྟོང་ཕྲག་སྔོན་གྱི་མི་རྣམས་ཀྱི་བསམ་བློ་རྟོགས་ཐུབ་པ་མ་ཟད།    དེ་དག་ལ་ཁ་བརྡ་བྱེད་ཐུབ།   ( དུས། )

2)དཔེ་ཆར་བརྟེན་ནས་ཨ་རི་ན་སྡོད་པའི་མི་རྣམས་ཀྱིས་དེང་སྐབས་ཅི་ཞིག་བསམ་ཀྱིན་པ་དང་བསྒྲུབ་བཞིན་པ་རྟོགས་ཐུབ། ( ཡུལ། )

ཤེས་ཡོན་ཅན་དང་ཡིག་རྨོངས་ཀྱི་ཁྱད་པར།

 ཤེས་ཡོན་ཅན། ——  ཤེས་བྱའི 90%དཔེ་ཆ་ལས་འབྱོར་བ།

 ཡིག་རྨོངས། ——  བརྒྱུད་ནས་འབྱོར་བ།  ( ཐོས་པ་དང་མྱངས་པ།)

 【࿄】མིའི་རིགས་ཀྱི་རྒྱུ་ནོར་གསོག་འཇོག་བྱེད་ས་ནི་མཛོད་ཁང་ཡིན་ལ།   དཔེ་ཆ་ནི་མིའི་རིགས་ཀྱི་ཤེས་རིག་གསོག་འཇོག་བྱེད་སའི་མཛོད་ཁང་ཡིན།

 གཉིས་པ། གནད་དོན་གསུམ་དང་སྦྲེལ་ནས་དཔེ་ཆར་ཇི་ལྟར་

བལྟ་དགོས་ཚུལ་གླེང་བ།

གནད་དོན་གསུམ།

༡  ༽  དཔེ་ཆར་བལྟ་དགོས་དུས་སུ་མི་བལྟ་བ། 

༢  ༽  དཔེ་ཆར་བལྟ་དགོས་མཁན་གྱིས་མི་བལྟ་བ།

༣  ༽  དཔེ་ཆར་བལྟ་དགོས་པ་ལ་མི་བལྟ་བ།

 དེ་དག་གི་དྲི་ལན།

༡ ༽  དཔེ་ཆར་བལྟ་བའི་དུས།

① ཡོན་ཏན་དགོས་དུས་བལྟ་དགོས། —— ཡོན་ཏན་དབུལ་བའི་དུས། 

② ལོ་ཆུང་དུས་བལྟ་དགོས། —— རིག་པ་གསལ་ཞིང་ཡིད་འཛིན་ཆེ་བ།

③ སློབ་མ་ཡིན་དུས་བལྟ་དགོས། —— འདུ་འཛི་མེད་པ།

༢  ༽  དཔེ་ཆར་བལྟ་དགོས་པའི་མི།

   སྤྱིར་ན་མི་རིགས་བྱིངས་ཀྱིས་དཔེ་ཆར་བལྟ་རྒྱུ་དེ་གལ་ཆེན་ཡིན་མོད།  ལྷག་པར་དུ་དེ་བས་གལ་ཆེ་བ་ནི་གྲྭ་བ་དང་དགེ་རྒན།  སློབ་མ་སོགས་ཤེས་ལྡན་མི་སྣ་རྣམས་ཀྱིས་དཔེ་ཆ་མང་བོར་བལྟ་རྒྱུ་དེ་ཧ་ཅང་གལ་ཆེའོ། །

༣  ༽  དཔེ་ཆ་གང་དག་ལ་བལྟ་དགོས།

  མི་ཚེ་གཅིག་ལ་དཔེ་ཆ་མང་པོར་བལྟ་མི་ཐུབ་པས།  ངེས་པར་དུ་ཐོག་མར་དཔེ་ཆ་བཟང་བོ་ལ་བལྟ་རྒྱུ་ཤིན་ཏུ་གལ་ཆེ་སྟེ།  དཔེ་ཆ་བཟང་བོར་བལྟས་པ་ནི་རྟ་བཟང་བོས་སྲན་མ་ཟོས་པ་དང་མཚུངས།

   དཔེ་ཆ་བཟང་ངན་ལ་བརྟག་ཤེས་ན་དཔེ་ཆར་བལྟ་ཤེས་པ་ཡིན་ལ།  དཔེ་ཆ་བཟང་ངན་ལ་བལྟ་རྒྱུ་ནི་དཔེར་ན།  རང་སྡེ་བའི་སྡེ་དཔོན་ཨ་ཁུ་རྒྱ་མཚོ་དང་སློབ་ཆུང་གི་དགེ་རྒན་ཉི་མ།  རྒྱལ་བ་གཉིས་པ་རྗེ་ཙོང་ཁ་པ་གསུམ་གྱིས་དུས་གཅིག་ལ་སློབ་ཁྲིད་བྱེད་དུས།  ཁྱོད་རང་གང་གི་སློབ་ཁྲིད་ལ་ཉན་དུ་འགྲོ་མིན་དང་མཚུངས།

 དཔེ་ཆར་རིགས་གསུམ་ཡོད།

①ཡར་ལ་བལྟ་དགོས་པ།  ②ཐད་ཀྱིས་བལྟ་དགོས་པ།  ③ཐུར་དུ་བལྟ་དགོས་པ།

དཔེ་ཆར་བལྟ་བའི་ཐབས་ཇུས།

①མཁས་པ་གྲགས་ཅན་གྱིས་བརྩམས་པའི་དཔེ་ཆ་ཚད་ལྡན་ལ་བལྟ་དགོས།

②རང་ལ་ངེས་པར་དུ་མཁོ་བ་རྣམས་ལ་བལྟ་དགོས།

③ དུས་ཚོད་ཀྱིས་དཔེ་ཆ་ཉོ་དགོས་ཤིང་།   དཔེ་ཆ་བཟང་བོར་དུས་ཚོད་མང་པོ་དང།  དཔེ་ཆ་འབྲིང་བར་དུས་ཚོད་ཐུང་ངུ་།   དཔེ་ཆ་ངན་པ་ལ་དུས་ཚོད་དེ་ལས་ཀྱང་ཉུང་ངུ་བཀོལ་དགོས།

དཔེ་ཆ་བལྟ་ཚུལ་ལ་རིགས་གསུམ་ཡོད།

①བམ་ཀློག     ②རགས་བལྟ།   ③ ཞིབ་བལྟ།

ཞིབ་ཀློག་གཅིག = རགས་བལྟ་གསུམ།  =  བམ་ཀློག་ལྔ།

དཔེ་ཆར་བལྟ་བའི་ནུས་པ་བསྐྱེད་སྲིང་བྱེད་དགོས།

①དཔེ་ཆར་བལྟས་པའི་ཁ་གྲངས་ཇེ་མང་དུ་གཏོང་དགོས།

②དཔེ་ཆར་བལྟ་བྱའི་རྒྱུ་སྤུས་ཇེ་མཐོ་རུ་གཏོང་དགོས།

དཔེ་ཆ་ངཟང་ངན་ལ་བརྟག་པའི་ཐབས།

①རྩོམ་པ་པོ་གྲགས་ཅན་ཡིན་མིན།  

②དཀར་ཆག

③མགོ་བརྗོད་ལ་རགས་བལྟ་བྱེད་པ།

④དཔེ་ཆ་དེ་རྩོམ་དུས་དཔྱད་གཞིའི་དཔེ་ཆ་གང་དག་ལ་བལྟས་པ།

⑤མཇུག་བྱང་།

⑥དཔར་གྲངས།

⑦དཔེ་སྐྲུན་ཁང་།

དཔེ་ཆར་བལྟ་དུས་མཉམ་འཇོག་བྱེད་དགོས་ས།

  ①མི་ཚེ་གང་བོར་དགོས་པ་རྣམས་རང་གིས་ཉོས་ཏེ་བསྒྲིགས་དགོས།

  ②གཙོ་ཆེ་བ་རྣམས་ལ་རྟགས་རྒྱག་དགོས།

  ③མི་གཉིས་གསུམ་གྱིས་བལྟས་རྗེས་རྩོད་གླེང་བྱེད་དགོས།

  ⑤གནད་འགག་རྣམས་ཟིན་བྲིས་སུ་འགོད་དགོས།

  ④དཔྱད་པ་དང་རིགས་པས་བལྟ་དགོས།

 ⑥དོགས་པ་ཁོང་སློང་བྱེད་དགོས།

དཔེ་ཆའི་རིགས།

①གཞུང་ལུགས་སྐོར་གྱི་དཔེ་ཆ།

②རྩོམ་རིག་སྐོར་གྱི་དཔེ་ཆ།

③འཚོ་བའི་སྐོར་གྱི་དཔེ་ཆ།

  【࿄】 གཞུང་ལུགས་སྐོར་གྱི་དཔེ་ཆ་མང་པོར་བལྟས་ན་རང་ཉིད་ལ་སྦྱོང་བརྡར་ཆེན་པོ་ཐོབ་ཐུབ་པ་ཡིན་ལ།  གཞུང་ལུགས་ཐམས་ཅད་ཀྱི་གཏིང་ན་ཆགས་ཡོད་པ་ནི་ཆོས་ལུགས་དང་མཚན་ཉིད་རིག་པ་ཡིན།

 

 གསལ་བཤད།   འདི་ནི་ང་རང་མཚོ་སྔོན་དགེ་ཐོན་སློབ་ཆེན་གྱི་ལོ་རིམ་གསུམ་པའི་སློབ་མ་ཡིན་དུས།  དགེ་བའི་བཤེས་གཉེན་རྒྱ་ཡེ་བཀྲ་བྷོ་ལགས་ཀྱིས།  སློབ་མ་ཚོར་དཔེ་ཆར་ཇི་ལྟར་བལྟ་དགོས་པའི་སྐོར་ནས་གནང་བའི་ཚོགས་བཤད་ཀྱི་ཟིན་བྲིས་ཡིན་ལ།   རྒྱུ་རྐྱེན་གང་མང་ཞིག་གི་དབང་གིས།  ཁོང་གིས་གནང་བའི་གསུང་ཡོད་ཚད་ཇི་བཞིན་དུ་ཟིན་ཐོ་ལ་འགོད་མ་ཐུབ་ཀྱང་།  དོན་གྱི་གནད་འགག་རྣམས་འདུས་ཡོད་པས།  འདིར་ཐོས་པ་གསོག་འདོད་ཀྱི་སྐལ་ལྡན་གཞན་དག་ལའང་ཅུང་ཟད་ཕན་ན་སྙམ་པའི་ཀུན་སློང་གིས་སྐུལ་ཏེ།  རྒྱ་ཆེ་བའི་དྲ་གྲོགས་རྣམས་ཀྱི་སྤྱན་ལམ་དུ་བསྟར་བ་ཡིན་ལགས།


རྩོམ་སྒྲིག་པ། མཁའ་འགྲོ་ཚེ་བརྟན།

དཔྱད་མཆན 0 ཡོད།