ཀྲུང་གོ་བོད་ཀྱི་དྲ་བ།

གྱང་རྩ་ནས་ལངས་ན་དགེ་མཚན་མི་ཉུང་བ་ཞིག་ཡོད།

ཡོང་ཁུངས། : མཚོ་སྔོན་བོད་ཡིག་གསར་འགྱུར།     སྤེལ་དུས། : 2018-10-29
ཡིག་གཟུགས། :ཆུང་། འབྲིང་། ཆེ།

ང་ཚོ་རྒྱུན་དུ་ཟ་མ་རྒྱག་དྲགས་པ་ཞིག་ཟོས་རྗེས་འབོལ་ཁྲིའི་སྟེང་བསྡད་དེ་བརྙན་འཕྲིན་ལ་ལྟ་བ་དང་། ཡང་ན་ཐད་ཀར་ཉལ་ནས་འདུག་རྒྱུར་ཧ་ཅང་དགའ། དེ་ལྟར་བྱས་ན་ཕོ་རྒྱུའི་འཇུ་སྟོབས་ཉམས་པར་མ་ཟད། མིག་ལ་མི་མཛེས་པའི་ཕོ་བ་ཆེན་པོ་ཞིག་གོ་མེད་ཚོར་མེད་ངང་འབུར་ཡོང་བ་རེད། དེ་ལ་འགོག་ཐབས་ཧ་ཅང་སྟབས་བདེ་ཞིག་ཡོད་དེ། ཟ་མ་ཟོས་རྗེས་གྱང་རྩ་ནས་སྐར་མ་བཅུའི་རིང་ལངས་ནས་བསྡད་ན། འཇུ་སྟོབས་ཇེ་ཆེར་འགྲོ་བར་མ་ཟད་ཚོ་བྱང་བར་ཕན་ལ། དེའི་ཕན་ནུས་ནི་ཟོས་རྗེས་སུ་འཆམ་འཆམ་ལ་འགྲོ་བ་དང་ཞོ་འཐུང་བ་ལས་ཀྱང་བཟང་།

གྱང་རྩ་ནས་ལངས་ན་ཕན་པ་གང་དག་ཡོད་པ་དང་།ཇི་ལྟར་ལངས་ན་ད་གཟོད་ནུས་པ་ཐོན་པ་ཡིན་ཞེ་ན།

ཆེས་བཟང་བའི་ཐབས་ལམ་ནི་ཟོས་རྗེས་སུ་ངལ་གསོ་ཅུང་ཙམ་བྱས་རྗེས་ལྷམ་ཕུད་ཅིང་། གྱང་རྩ་ནས་དྲངས་མོར་ལངས་དགོས།ངེས་པར་གཤམ་གྱི་ཆ་རྐྱེན་འདི་དག་འཛོམས་དགོས་ཏེ། ཀླད་པའི་ཕྱི་ལྟག་དང་ཕྲག་རྒྱབ།འཕོངས་རྐུབ། རྐང་བའི་ཉྭ་རིལ། རྐང་བའི་ཕྱི་རྟིང་སོགས་གནས་ལྔ་ཐིག་གཅིག་གི་སྟེང་འབབ་ཏུ་བཅུག་ནས་གྱང་ལ་སྦྱར་བ་དང་། དེ་དང་མཉམ་དུ་ད་རུང་གསུས་པ་ཤེད་ཀྱིས་ཁོག་ཏུ་བསྡུ་དགོས།དེ་ལྟར་ཡུན་རིང་བོར་རྒྱུན་འཁྱོངས་བྱས་ན་ཚོ་བྱང་བར་ཕན་པར་མ་ཟད།སྟོད་སྒུར་གྱི་གོམས་སྲོལ་ངན་པ་སེལ་ཐུབ་པས།སྐྱེས་གཟུགས་ཇེ་ཡག་ལ་ཡོང་བ་རེད།ཐོག་མར་དེ་ལྟར་བྱེད་པའི་སྐབས་སུ་ཧ་ཅང་ཐང་ཆད་ངེས་པས།ཐོག་མར་སྐར་མ་ལྔ་ལ་རྒྱུན་འཁྱོངས་བྱེད་པ་དང་།དེ་ནས་རིམ་གྱིས་དུས་ཡུན་ཇེ་རིང་ལ་བཏང་ནས།མཇུག་མཐར་སྐར་མ30ལ་སླེབས་སུ་འཇུག་དགོས་པ་དང་།དེ་ལྟར་ཟླ་གཅིག་ཡས་མས་ལ་རྒྱུན་འཁྱོངས་བྱས་ན་མངོན་གསལ་གྱི་ཕན་འབྲས་མཐོང་ཐུབ་བོ།   །

རྩོམ་སྒྲིག་པ། : མཁའ་མཚོ་སྐྱིད།