ཀྲུང་གོ་བོད་ཀྱི་དྲ་བ།

ངལ་རྩོལ་གན་རྒྱ་འཇོག་སྐབས་ནང་དོན་གང་དག་ཚང་དགོས།

ཡོང་ཁུངས། : མཚོ་སྔོན་བོད་ཡིག་གསར་འགྱུར།     སྤེལ་དུས། : 2016-06-21
ཡིག་གཟུགས། :ཆུང་། འབྲིང་། ཆེ།

  བློ་མཐུན་རྩོམ་སྒྲིག་པ་ལགས།

  ང་རང་བཟོ་གྲྭ་ཞིག་གི་ནང་དུ་ལས་ཀར་ཞུགས་ཡོད་ལ།རང་ཉིད་ཀྱི་ཁྲིམས་མཐུན་ཁེ་དབང་ལ་སྲུང་སྐྱོབ་བྱེད་ཆེད།བཟོ་གྲྭ་དང་ངལ་རྩོལ་གན་རྒྱ་འཇོག་རྩིས་ཡོད།འདིར་འདྲི་རྒྱུ་ནི།ངལ་རྩོལ་གན་རྒྱར་ནང་དོན་གང་དག་ཚང་དགོས་པ་དེ་ཡིན།

  ཀློག་པ་པོ་ཚེ་རིང་དོན་གྲུབ་ཀྱིས།

  བློ་མཐུན་ཚེ་རིང་དོན་གྲུབ་ལགས།

  ངལ་རྩོལ་གན་རྒྱ་ཞེས་པ་ནི་ངལ་རྩོལ་པ་དང་མི་བཀོལ་སྡེ་ཁག་གཉིས་ཀྱིས་ངལ་རྩོལ་འབྲེལ་བ་གཏན་འཁེལ་དང་།ཕྱོགས་གཉིས་ཀྱི་དབང་ཆ་དང་འོས་འགན་གསལ་པོ་བྱེད་པའི་གྲོས་མཐུན་ཡི་གེ་ལ་གོངལ་རྩོལ་གན་རྒྱའི་སྟེང་དུ་ངེས་པར་ངལ་རྩོལ་གན་རྒྱའི་དུས་ཡུན་དང་བྱ་བའི་ནང་དོན།ངལ་རྩོལ་སྲུང་སྐྱོབ་དང་ངལ་རྩོལ་ཆ་རྐྱེན།ངལ་རྩོལ་གླ་ཆ།ངལ་རྩོལ་སྒྲིགས་ལམ།ངལ་རྩོལ་གན་རྒྱ་མཚམས་འཇོག་པའི་ཆ་རྐྱེན།ཁ་ཆད་དང་འགལ་བའི་འགན་འཁྲི་སོགས་གསལ་པོར་འགོད་དགོས།དེ་ལས་གཞན་ད་རུང་མི་བཀོལ་སྡེ་ཁག་དང་ངལ་རྩོལ་པ་གཉིས་ཀྱིས་འབྲེལ་ཡོད་བཅའ་ཁྲིམས་དང་ཁྲིམས་སྲོལ་ལ་མི་འགལ་བའི་གནས་ཚུལ་འོགཕྱོགས་གཉིས་ཀས་ཐུགས་ཁུར་བྱེད་ཀྱིན་པའི་ནང་དོན་གཞན་པའི་ཐད་ནས་ཀྱང་གྲོས་མཐུན་དང་ཁ་ཆད་བཞག་ཆོག་པ་སྟེ། དཔེར་ན་ཚོད་ལྟའི་དུས་ཡུན་དང་ཕན་བདེའི་ཐོབ་ཆ། ཁ་ཆད་དང་འགལ་བའི་དངུལ། སྐྱིན་ཚབ་དངུལ་སོགས་གཞི་རྩའི་རྒན་གསོ་དང་གཞི་རྩའི་སྨན་བཅོས།ལས་རྨས་སོགས་ཀྱི་སྤྱི་ཚོགས་འགན་སྲུང་ནི་རྒྱལ་ཁབ་ཀྱིས་བཙན་ཤེད་སྒོས་ལག་བསྟར་བྱེད་ཀྱིན་ཡོད་པས།སྡེ་ཁག་གང་ཞིག་ཡིན་རུང་དེ་ལ་ཞུགས་དགོས།དེའི་རྐྱེན་གྱིས་ངལ་རྩོལ་གན་རྒྱའི་སྟེང་དུ་ཁ་ཆད་མ་བཞག་ནའང་།ངལ་རྩོལ་པས་ཁྲིམས་ལྟར་ངལ་རྩོལ་འགན་སྲུང་དབང་ཆ་འདི་དག་ལོངས་སྤྱོད་བྱེད་ཆོག་གོ

  བློ་མཐུན་རྩོམ་སྒྲིག་པ་ནས།

རྩོམ་སྒྲིག་པ། : ཀླུ་མོ་མཚོ།