མ་ཁོག་གི་ཕྲུ་གུར་རྒྱུ་ནོར་ཤུལ་འཛིན་དབང་ཆ་ཡོད་དམ།

གྱོད་དཔེ།
Kc0ཀྲུང་གོ་བོད་ཀྱི་དྲ་བ།

ཀླུ་རྒྱལ་དང་གཡང་འཚོ་གཉིས་ནི་བཟའ་ཚང་ཡིན་ཞིང་། ཀླུ་རྒྱལ་གྱི་ཕ་མ་གཉིས་ཀ་ད་དུང་ལོ་ན་ཧ་ཅང་གཞོན། ཉིན་ཞིག་ཀླུ་རྒྱལ་བསམ་ཡུལ་ལས་འདས་པའི་དོན་རྐྱེན་ཞིག་གི་ཁྲོད་དུ་ཚེ་ལས་འདས་ཤིང་། ཀླུ་རྒྱལ་ཚེ་ལས་འདས་སྐབས་ཁོའི་ཆུང་མ་གཡང་འཚོར་མངལ་ཆགས་ཡོད། ཕྱིས་སུ་ཀླུ་རྒྱལ་གྱི་ཤུལ་ནོར་དག་བགོ་བཤའ་རྒྱག་དུས་ཁོའི་ཕ་མ་གཉིས་ཀྱིས་ཤུལ་ནོར་ཚང་མ་མཉམ་བགོ་བྱ་དགོས་པར་སྙམ་ལ། གཡང་འཚོས་ཁོ་མའི་ཁོག་གི་ཕྲུ་གུར་ཡང་རྒྱུ་སྐལ་བགོ་དགོས་བསམ། དེས་ན་བཅའ་ཁྲིམས་ཀྱིས་འདི་འདྲའི་དོན་དག་ལ་ཇི་ལྟར་གཏན་ཁེལ་བྱས་ཡོད་དམ།Kc0ཀྲུང་གོ་བོད་ཀྱི་དྲ་བ།

ཕྲན་དཔྱད།Kc0ཀྲུང་གོ་བོད་ཀྱི་དྲ་བ།

རང་རྒྱལ་གྱི《ཤུལ་འཛིན་བཅའ་ཁྲིམས》དང་འབྲེལ་ཡོད་ཁྲིམས་འཛིན་འགྲེལ་བཤད་ཀྱི་གཏན་ཁེལ་ལྟར་ན། ཤུལ་བཞག་རྒྱུ་ནོར་བགོ་སྐབས། མ་ཁོག་གི་ཕྲུ་གུར་ཤུལ་འཛིན་བྱེད་པའི་རྒྱུ་ནོར་གྱི་ཐོབ་སྐལ་འཇོག་འོས། མ་ཁོག་གི་ཕྲུ་གུར་ཤུལ་བཞག་རྒྱུ་ནོར་འཇོག་ཆེད། གལ་ཏེ་ཕྲུ་གུ་བཙས་རྗེས་ཚེ་ལས་འདས་ཚེ། ཕྲུ་གུའི་རྒྱུ་ནོར་ཤུལ་འཛིན་མིས་ཤུལ་འཛིན་བྱ་དགོས། གལ་ཏེ་ཕྲུ་གུ་བཙས་དུས་ནས་ཤི་ཟིན་པ་ཡིན་ཚེ། དེའི་རྒྱུ་ནོར་ཤུལ་འཛིན་བྱ་ཡུལ་གྱི་ཤུལ་འཛིན་མི་གསུམ་པས་ཤུལ་འཛིན་བྱ་དགོས།Kc0ཀྲུང་གོ་བོད་ཀྱི་དྲ་བ།

གོང་གི་གྱོད་དོན་འདིར་གཞིགས་ན། གཡང་འཚོའི་ཁོག་གི་ཕྲུ་གུར་ཤུལ་འཛིན་རྒྱུ་སྐལ་འཇོག་འོས། ཕྲུ་གུ་བཙས་རྗེས་བྱིས་པའི་ལུས་ཁམས་ཀྱི་གནས་ཚུལ་ལ་གཞིགས་ཏེ་བྱེ་བྲག་གི་ཤུལ་འཛིན་བྱེད་ཐབས་གཏན་ཁེལ་བྱ་དགོས།Kc0ཀྲུང་གོ་བོད་ཀྱི་དྲ་བ།

སྡོང་བོའི་ཡལ་ག་ཆག་ནས་མི་གཞན་ལ་གྱོང་གུད་བཟོས་ན་འགན་སུས་འཁུར་དགོས།Kc0ཀྲུང་གོ་བོད་ཀྱི་དྲ་བ།

གྱོད་དཔེ།Kc0ཀྲུང་གོ་བོད་ཀྱི་དྲ་བ།

ཚེ་འབུམ་གྱིས་གླས་པའི་ཁང་བའི་ར་སྐོར་དུ་ལོ་མང་པོ་འགོར་ཡོད་པའི་སྡོང་རྒན་ཞིག་ཡོད་ལ། ཕར་བལྟས་ཚོད་ཀྱིས་ལོ་གང་མང་ལ་བདག་བྱས་མ་མྱོང་བ་འདྲ། སྡོང་རྒན་གྱི་ཡལ་ག་རྣམས་སྐམ་ཡོད་པས་ཚེ་འབུམ་གྱིས་དེའི་གནས་ཚུལ་ཁང་བདག་ལ་ཐེངས་མང་པོར་བཤད་ཀྱང་། ཁང་བདག་གིས་དེར་དོ་སྣང་ཅི་ཡང་མ་བྱས། ཐེངས་ཤིག་ལ་དྲག་ཆར་འབབ་མཚམས་བཞག་རྗེས། སྡོང་རྒན་སྟེང་གི་ཡལ་ག་ཞིག་ཆག་ནས་མར་ལྷུང་སྟེ། ཕྱི་ནས་ར་སྐོར་དུ་འཛུལ་བཞིན་པའི་ཚེ་འབུམ་གྱི་མགོར་བརྒྱབ་ནས་རྨས་སྐྱོན་བཟོས། དེ་བས་ཚེ་འབུམ་གྱིས་ཁང་བདག་བཙལ་ཏེ་སྨན་རིན་སྐྱིན་ཚབ་གཞལ་དགོས་པའི་རེ་བ་བཏོན་ཡང་། ཁང་བདག་གི་སེམས་སུ་སྡོང་རྒན་སྟེང་གི་ཡལ་ག་ཆག་སྟེ་རྨས་སྐྱོན་བཟོས་པ་ནི་རང་བྱུང་གི་གནད་དོན་ལ་རྐྱེན་བྱས་ནས་བྱུང་བས་ཁོ་ལ་འབྲེལ་བ་ཅི་ཡང་མེད་པར་སྙམ། དེས་ན་བཅའ་ཁྲིམས་ཀྱིས་འདི་ལྟ་བུའི་གནས་ཚུལ་ཇི་ལྟར་གཏན་ཁེལ་བྱས་ཡོད་དམ།Kc0ཀྲུང་གོ་བོད་ཀྱི་དྲ་བ།

ཕྲན་དཔྱད།Kc0ཀྲུང་གོ་བོད་ཀྱི་དྲ་བ།

རང་རྒྱལ་གྱི《དབང་གནོད་འགན་འཁྲིའི་བཅའ་ཁྲིམས》ཀྱི་གཏན་ཁེལ་ལྟར་ན།  “སྡོང་བོའི་ཡལ་ག་ཆག་ནས་མི་གཞན་ལ་གནོད་འཚེ་བཟོས་ཚེ། སྡོང་བོ་དབང་མཁན་ནམ་ཡང་ན་དོ་དམ་མཁན་གྱིས་རང་ཉིད་ལ་ནོར་འཆུག་མེད་པ་བདེན་དཔང་བྱེད་མི་ཐུབ་ཚེ། དབང་གནོད་འགན་འཁྲི་འཁུར་དགོས” ཞེས་བཀོད་ཡོད། འདི་ནི་བཅའ་ཁྲིམས་ཀྱིས་སྡོང་བོའི་ཡལ་ག་ཆག་ནས་མི་གཞན་ལ་གནོད་འཚེ་བཟོས་ཏེ་འགན་འཁུར་དགོས་པའི་ཐད་ཀྱི་གཏན་ཁེལ་ཡིན།Kc0ཀྲུང་གོ་བོད་ཀྱི་དྲ་བ།

གོང་གི་གྱོད་དོན་འདིར་གཞིགས་ན། ཁང་བདག་གིས་སྡོར་བོ་དེར་དུས་ལྟར་དུ་ཡལ་ག་གཅོད་པ་དང་བདག་སྐྱོང་དོ་དམ་བྱས་པ་མི་ལེགས་པས། ཁང་བདག་གིས་ཚེ་འབུམ་གྱི་སྨན་རིན་གཞལ་འགན་འཁུར་དགོས། །Kc0ཀྲུང་གོ་བོད་ཀྱི་དྲ་བ།

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།