ཀྲུང་གོ་བོད་ཀྱི་དྲ་བ།

མིག

ཡོང་ཁུངས། : ཀྲུང་གོ་བོད་ཀྱི་དྲ་བ།   རྩོམ་པ་པོ། : ལྷོ་བུ་དོན་གྲུབ།   སྤེལ་དུས། : 2018-01-11
ཡིག་གཟུགས། :ཆུང་། འབྲིང་། ཆེ།

微信图片_20180111144835.jpg

སྔོན་འགྲོའི་གཏམ།

ངས་རྒྱུན་པར་རང་ཉིད་དཔེ་ཆ་ཀློག་པ་པོ་ངར་བ་ཞིག་ཏུ་འཆག་འདོད་ཡོད།   འཇིག་རྟེན་གྱི་བྱ་དངོས་གང་ལ་ཐུག་རུང་བར་ཆད་མེད་པ་ཞིག་བྱ་འདོད་ཡོད།   དེ་སྒྲུབ་དགོས་ན་དཔེ་ཆ་བཀླག་པ་གལ་ཆེ་ཡི་འདོད། 

ཨ་མྱེ་མེ་ལོ་འདི་ནས་ངས་འཇིག་རྟེན་གྱི་བྱ་དངོས་ཡོད་ཚད་མཐོང་ཐུབ་བམ།   ཆེས་དྭངས་གཙང་གི་གཙང་བོ་དང་རྔམ་བརྗིད་ཀྱིས་ཟིན་པའི་གངས་རི།  ད་རུང་ཡི་གར་འོང་བའི་སྤང་ཐང་གི་མཛེས་པ་ཡོད་ཚད་མཐོང་ཐུབ་བམ།   ཚ་བོ་དེ་རྣམས་མཐོང་བ་ནི་ལས་སླ་མོ་ཞིག་ཡིན་ཡང་། དེ་བས་ཀྱང་ཆེས་རྟོགས་དཀའ་བ་ནི་གཙང་བོ་དང་གངས་རི་སོགས་ཀྱི་ལོ་རྒྱུས་ཡིན།   

ཁྱེད་ཀྱིས་ཐོག་མར་འཇིག་རྟེན་གྱི“མིག་”ཅེས་པ་དེར་བརྟེན་ནས་གཙང་བོ་དང་གངས་རི་དག་ཡུན་གྱིས་བཙལ་དགོས།   ཨ་མྱེ་འཇིག་རྟེན་གྱི་མིག་ཅེས་པ་དེ་གང་རེད།   མིག་ཅེས་པ་དེར་བརྟེན་ན་གཙང་བོ་དང་གངས་རི་སོགས་ཀྱི་ལོ་རྒྱུས་ཤེས་སམ།   ལོས་ཤེས།  འཇིག་རྟེན་གྱི་མིག་ཅེ་ན་ན་གཞོན་རྣམས་ཀྱི་རྒྱུན་དུ་འཚོ་བ་དང་ཁ་ཐག་ཉེ་བའི“དཔེ་ཆ་”ཞེས་པ་དེ་རེད།   དཔེ་ཆ་མང་པོ་ཞིག་ཀློག་ཐུབ་ན་ད་གཟོད་གཙང་བོ་དང་གངས་རི་སོགས་ཀྱི་ལོ་རྒྱུས་ཤེས་ཐུབ།  དུས་དེར་ཁྱེད་ཀྱིས་གཙང་བོ་ཡི་ཕྱོགས་སུ་བལྟས་ཀྱང་གཙང་བོ་སྔར་ལས་དྭངས་གཙང་ཡིན་ལ།   དུས་དེར་ཁྱེད་ཀྱིས་གངས་རི་ཡི་ཕྱོགས་སུ་བལྟས་ཀྱང་གངས་རི་སྔར་ལས་རྔམ་བརྗིད་ལྡན།   དུས་དེར་ཁྱེད་ཀྱིས་སྤང་ཐང་གི་ཕྱོགས་སུ་བལྟས་ཀྱང་སྤང་ཐང་སྔར་ལས་མཛེས་སྡུག་ལྡན།   སྐབས་དེར་ཐོན་ན་དེ་རྣམས་འཇིག་རྟེན་གྱི་ཆེས་མཛེས་ཤོས་དེ་ཚོ་ཡིན།   ད་རུང་ཁྱེད་ཀྱིས་གཙང་བོ་དང་གངས་རི་གང་ཡིན་ན་ཅུང་ཙམ་རེ་མ་གཏོགས་མཐོང་གི་མེད་པས།   མིག་ལ་བརྟེན་ནས་དེ་ཚོར་ཡང་དག་པ་ཞིག་མཐོང་ཐུབ་ན་ད་གཟོད།  ནར་མ་སོན་པ་གང་མང་ཞིག་ནར་སོན་དུ་གཞུག་ཐུབ།  དེ་ནས་བཟུང་།    འདྲི་རྟགས་མང་བའི་ན་གཞོན་དེས་རྒྱུན་དུ་དཔེ་ཆ་ཀློག་པ་དང་མཛེས་ལྗོངས་རོལ་བ་གང་ལྟར་མ་རྙེད་པ་དང་མ་ཐོབ་པ་མང་པོ་ཞིག་འཐོབ་འདོད་སྐྱེ་ནས་ཡོད།   དཔེ་ཆ་མང་མང་ཞིག་བཀླགས་ནས་སླར་ཡང་དཔེ་ཆ་མང་པོ་བཀླག་ཐུབ་པར་སྨོན་འདུན་ཞུ་གིན་ཡོད།   །

རྩོམ་སྒྲིག་པ། : མཁའ་མཚོ་སྐྱིད།