ཆབ་འགག་རྡོ་རྗེ་ཚེ་རིང་གི་གཞས་ཚིག་གསར་བ།

132.jpgIqgཀྲུང་གོ་བོད་ཀྱི་དྲ་བ།

         ཆབ་འགག་རྡོ་རྗེ་ཚེ་རིང་ངམ་དབྱངས་ཅན་དགའ་བའི་བློ་གྲོས། སྤྱི་ལོ༡༩༥༨ལོར་ཕ་ཡུལ་ཆབ་འགག་གསེར་གཞོངས་སུ་དལ་འབྱོར་གྱི་མི་ལུས་རིན་པོ་ཆེ་རྙེད་པའོ། ཀྲུང་གོའི་བོད་ཀྱི་ཤེས་རིག་ཞིབ་འཇུག་ལྟེ་གནས་དང་། མཚོ་སྔོན་ཞིང་ཆེན་མི་རིགས་ལས་དོན་ཨུ་ཡོན་ལྷན་ཁང་། མཚོ་སྔོན་མི་རིགས་སློབ་ཆེན། མཚོ་སྔོན་ཞིང་ཆེན་གེ་སར་སྒྲུང་ཞིབ་འཇུག་ཁང་། མཚོ་ལྷོ་ཁུལ་རིག་གནས་ཅུ། མཚོ་ལྷོ་ཁུལ་རིག་གནས་སྒྱུ་རྩལ་ལྷན་ཚོགས་བཅས་སུ་བྱ་བ་ལས། 
        ཉིད་ཀྱིས་བྲིས་པ་དང་། གཙོ་སྒྲིག་བྱས་པ། དག་སྒྲིག་བྱས་པ། མཉམ་འབྲི་བྱས་པར་ཆབ་འགག་རྡོ་རྗེ་ཚེ་རིང་གི་ལྗགས་རྩོམ་ཕྱོགས་བསྒྲིགས《འབོལ་རྩོམ་པད་མའི་སྐྱེད་ཚལ》 །  《སྙན་རྩོམ་ཅོ་ཀའི་དྲུག་འགྱུར》 །  《དཔྱད་རྩོམ་རིག་པའི་རྩེད་འཇོ》 །  《སྒྲུང་རྩོམ་གེ་སར་དགོངས་རྒྱན》 །  《སྒྲིག་རྩོམ་མུ་ཏིག་ཕྲེང་མཛེས》 བཅས་དེབ་ལྔ་དང་།  གཙོ་སྒྲིག་བྱས་པའི་མཚོ་ལྷོའི་དམངས་ཁྲོད་རྩོམ་རིག་དཔེ་ཚོགས་ལ《ཁེད》 །  《བཤད་པ》 །  《རོགས་འཐེན》 །  《མ་ཎི་ཁང་》 །  《བསང་མཆོད》 །  《ལབ་ཙེ》 །  《གཏམ་དཔེ》 །  《ངག་རྒྱུན》 །  《མཆོད་རྟེན》 །  《གཏམ་རྒྱུད》 བཅས་དེབ་བཅུ།  གེ་སར་སྒྲུང་གི་བྱིས་པའི་དཔེ་ཚོགས་ལ《འཇང་ཕྲུག》 །  《ཨ་སྟག་ལྷ་མོ》 །  《ལྷ་གླིང་གབ་ཙེ་དགུ་སྐོར》 །  《རྟ་རྒྱུག་རྒྱལ་འཇོག》 །  《གེ་སར་འཁྲུངས་རབས》 །  《ཤན་འདན་ནང་འཁྲུག》 བཅས་དེབ་དྲུག་དང་། 《ཡ་མཚན་ཆེ་བའི་གླིང་གེ་སར་སྒྲུང་བའི་གསང་བ》 །  《གངས་རིའི་བརྩེ་དུངས》 །  《ཆབ་འགག་ལོ་རྒྱུས》 །  《སྙན་རྩོམ་ངག་གི་ལྷ་མོ་དགྱེས་པའི་མཆོད་པ་མེ་ཏོག་གི་ཕྲེང་བ》 །  《ཆབ་འགག་རྡོ་རྗེ་ཚེ་རིང་གི་དཔྱད་རྩོམ་ཕྱོགས་བསྒྲིགས》 ། 《མཚོ་ལྷོའི་སྣོད་བཅུད་ཀྱི་རིག་གནས》  ། 《བོད་ཀྱི་རྩོམ་རིག་ལོ་རྒྱུས》དང་།  རྒྱ་ཡིག་གི《བླ་མ་ཐུབ་བསྟན་ཉི་མའི་རྟོགས་བརྗོད》 ། 《དག་གཙང་གི་བོད་ཡུལ་མཛེས་སྡུག་གི་མཚོ་ལྷོ》དང་།  སྒྲིག་རྩོམ་ལ་གེ་སར་གྱི་སྒྲུང་《བཀྲ་ཤིས་སྨོན་ལམ་ལྔ》 དང་།  གེ་སར་སྒྲུང་དེབ་སྤུས་ལེགས《སྒ་བདེའི་ཤེས་རབ་རྫོང་》སྟོད་སྨད་ཆ་དེབ་གསུམ་བཅས་དེབ ༣༣ པར་དུ་བསྐྲུན་ཡོད་པ་དང། ད་དུང་འཁྲབ་གཞུང་བོད་རིགས་ཀྱི་གླུ་གར་ཆེན་མོ《འཇང་ཕྲུག》 །  བོད་རིགས་ཀྱི་གླུ་གར་ཆེན་མོ《རྒྱ་ཚ》 །  བོད་རིགས་ཡུལ་སྲོལ་ལོ་རྒྱུས་ཀྱི་གླུ་གར་ཆེན་མོ།  《གསེར་གྱི་ཉི་ཟླ》 །  བོད་པའི་ཡུལ་སྲོལ་ལོ་རྒྱུས་ཀྱི་གླུ་གར《ལྷ་ཆབ་སྔོན་མོའི་མཆོད་པ》 །  གེ་སར་སྒྲུང་གི་ཡུལ་སྲོལ་ལོ་རྒྱུས་ཀྱི་གླུ་གར་ཆེན་མོ《སྐྱ་ལོའི་སྟོན་འཇོག》 །  བོད་རིགས་ཀྱི་གླུ་གར་ཆེན་མོ《མཚོ་སྔོན་པོའི་གཏམ་རྒྱུད》 །  གེ་སར་སྒྲུང་གི་ཡུལ་སྲོལ་ལོ་རྒྱུས་ཀྱི་གླུ་གར《སྐྱ་ལོའི་སྐྲ་སྟོན》བཅས་བྲིས་ཡོད་པ་འདི་དག་ཕ་ཟས་ཡུན་རིང་ཟོས་པའི་རིན་པའོ། །
          ད་ལྟ་རྒྱལ་སྲིད་སྤྱི་ཁྱབ་ཁང་གི་དམིགས་བསལ་གྱི་གྲོན་དངུལ་ལོངས་སུ་སྤྱོད་མཁན་ཆེད་མཁས་པ་དང་།  རིམ་པ་དང་པོའི་རྩོམ་པ་པོའི་ཐོབ་ཐང་ཡོད།
Iqgཀྲུང་གོ་བོད་ཀྱི་དྲ་བ།

༄།དུས་བཞིའི་ལྷ་མོ།Iqgཀྲུང་གོ་བོད་ཀྱི་དྲ་བ།

སླེབས་བྱུང་སླེབས་བྱུང་སླེབས་བྱུང་།།
དཔྱིད་ཀྱི་སྦྲང་ཆར་ལྷ་མོ།།
གཡུ་འབྲུག་རྨི་ལམ་ཁྲོད་ནས།།
གངས་ཅན་ལྗོངས་ལ་སླེབས་བྱུང་།།
རང་བྱུང་སྣོད་ཀྱི་འཇིག་རྟེན།།
ལང་ཚོ་དཔལ་གྱིས་སྒེག་སོང་།།
མཛེས་སྡུག་རྨ་བྱ་སྔོན་མོ།།
ཡིད་འཕྲོག་གར་ལ་རོལ་སོང་།།
ཨ། སླེབས་བྱུང་སླེབས་བྱུང་།།
དཔྱིད་ཀྱི་ལྷ་མོ་སླེབས་བྱུང་།།Iqgཀྲུང་གོ་བོད་ཀྱི་དྲ་བ།


Iqgཀྲུང་གོ་བོད་ཀྱི་དྲ་བ།

སླེབས་བྱུང་སླེབས་བྱུང་སླེབས་བྱུང་།།
དབྱར་གྱི་ཁུ་བྱུག་ལྷ་མོ།།
འཇའ་ཚོན་རྨི་ལམ་ཁྲོད་ནས།།
གངས་ཅན་ལྗོངས་ལ་སླེབས་བྱུང་།།
ནོར་ལུག་མེ་ཏོག་བཞད་ནས།།
འོ་མའི་དྲི་ཞིམ་ཁྱབ་སོང་།།
ལྗང་མྱུག་རྒྱ་མཚོ་ནང་ནས།།
ཡུར་མའི་གླུ་སྐད་སྙན་སོང་།།
ཨ། སླེབས་བྱུང་སླེབས་བྱུང་།།
དབྱར་གྱི་ལྷ་མོ་སླེབས་བྱུང་།།Iqgཀྲུང་གོ་བོད་ཀྱི་དྲ་བ།


Iqgཀྲུང་གོ་བོད་ཀྱི་དྲ་བ།

སླེབས་བྱུང་སླེབས་བྱུང་སླེབས་བྱུང་།།
སྟོན་གྱི་འབྲས་ལྡན་ལྷ་མོ།།
གསེར་གྱི་རྨི་ལམ་ཁྲོད་ནས།།
གངས་ཅན་ལྗོངས་ལ་སླེབས་བྱུང་།།
འོ་ཟོ་གོར་མོ་ཁ་ནས།།
འབྲི་མར་མེ་ཏོག་མཛེས་སོང་།།
སྒོ་ཞིང་གྲུ་བཞིའི་སྟེང་ནས།།
གསེར་སྙེའི་རླབས་ཕྲེང་གཡོ་སོང་།།
ཨ། སླེབས་བྱུང་སླེབས་བྱུང་།།
སྟོན་གྱི་ལྷ་མོ་སླེབས་བྱུང་།།Iqgཀྲུང་གོ་བོད་ཀྱི་དྲ་བ།


Iqgཀྲུང་གོ་བོད་ཀྱི་དྲ་བ།

སླེབས་བྱུང་སླེབས་བྱུང་སླེབས་བྱུང་།།
དགུན་གྱི་དར་དཀར་ལྷ་མོ།།
ཁ་བའི་རྨི་ལམ་ཁྲོད་ནས།།
གངས་ཅན་ལྗོངས་ལ་སླེབས་བྱུང་།།
ས་གཞི་པད་མ་འདབ་བརྒྱད།།
བཀྲ་ཤིས་ཁ་བས་བརྒྱན་སོང་།།
བོད་ཡུལ་ཆོལ་ཁ་གསུམ་ལ།།
གངས་ལྷ་མེ་ཏོག་བཞད་སོང་།།
ཨ། སླེབས་བྱུང་སླེབས་བྱུང་།།
དགུན་གྱི་ལྷ་མོ་སླེབས་བྱུང་།།Iqgཀྲུང་གོ་བོད་ཀྱི་དྲ་བ།

     ༄།དྲིན་ལན་ཤེས་དགོས།Iqgཀྲུང་གོ་བོད་ཀྱི་དྲ་བ།

ཚེ་འདི་ནས་དྲིན་ཆེན་མང་ན་ཡང་།།
དྲིན་ཨ་མའི་ཡན་ན་དྲིན་ཆེན་མེད།།
ཁྱོད་ཆུང་དུས་བྲང་གི་ནུ་མས་གསོས།།
དུས་རྒྱུན་དུ་སེམས་དང་མིག་གིས་འཚོས།།
བཟང་ཤེས་རྒྱ་ཅན་གྱི་བུ་ཕྲུག་ཚོ།།
དྲིན་ཨ་མའི་དྲིན་ལན་འཇལ་ཐབས་མེད།།
དུས་ད་ལྟ་ཨ་མ་རྒས་སོང་ཟིག།
དྲིན་ལོག་འཇལ་མ་བྱེད་བུ་ཕྲུག་ཚོ།།Iqgཀྲུང་གོ་བོད་ཀྱི་དྲ་བ།


ཚེ་འདི་ནས་དྲིན་ཆེན་མང་ན་ཡང་།།
རྟ་འདོ་བའི་ཡན་ན་དྲིན་ཆེན་མེད།།
ཁྱོད་སྐྱིད་དུས་དབུས་གཙང་ཡུལ་ལ་ཁྱེར།།
དུས་རྒྱུན་དུ་སྐྱ་མོ་ལམ་ནས་ཞོན།།
སེམས་སྙིང་རྗེ་ཅན་གྱི་སྟག་ཤར་ཚོ།།
རྟ་འདོ་བའི་དྲིན་ལན་འཇལ་ཐབས་མེད།།
དུས་ད་ལྟ་འདོ་བ་རྒས་སོང་ཟིག།
དྲིན་ལོག་འཇལ་མ་བྱེད་རྟ་བདག་ཚོ།།Iqgཀྲུང་གོ་བོད་ཀྱི་དྲ་བ།


ཚེ་འདི་ནས་དྲིན་ཆེན་མང་ན་ཡང་།།
འབྲི་ཐུལ་མའི་ཡན་ན་དྲིན་ཆེན་མེད།།
ཁྱོས་དབྱར་གསུམ་ཞོ་དང་འོ་མ་འཐུངས།།
དུས་རྒྱུན་དུ་་མར་དང་ཆུར་བ་ཟོས།།
ལས་རྒྱུ་འབྲས་ཅན་གྱི་བདག་མོ་ཚོ།།
འབྲི་ཐུལ་མའི་དྲིན་ལན་འཇལ་ཐབས་མེད།།
དུས་ད་ལྟ་འབྲི་མོ་རྒས་སོང་ཟིག།
དྲིན་ལོག་འཇལ་མ་བྱེད་བདག་མོ་ཚོ།།Iqgཀྲུང་གོ་བོད་ཀྱི་དྲ་བ།

       ༄།ཕ་ཡུལ་བྱ་མདོ།Iqgཀྲུང་གོ་བོད་ཀྱི་དྲ་བ།

ཨ་མདོ་ཡུལ་ལ་ཆགས་པའི་བྱ་མདོ།།
བུ་ངའི་ལྟེ་ཐག་ལྷུང་ས་བྱ་མདོ།།
ཆུང་ཆུང་ལུ་གུ་འཚོ་ས་བྱ་མདོ།།
ཡང་ཆུང་མེ་ཏོག་འཐུ་ས་བྱ་མདོ།།
ཨ།བུ་ང་ས་ཆ་གང་ལ་སོང་རུང་།།
ཕ་ས་ཕ་ཡུལ་བརྗེད་ཐབས་མི་འདུག།
སྐལ་བཟང་གནམ་ལོ་གསར་བའི་ནང་ལ།།
ཕ་ཡུལ་བྱ་མདོ་བཀྲ་ཤིས་བདེ་ལེགས།།Iqgཀྲུང་གོ་བོད་ཀྱི་དྲ་བ།


ཨ་མདོ་ཡུལ་ལ་ཆགས་པའི་བྱ་མདོ།།
རྒན་པ་ཚེ་ཐག་རིང་ས་བྱ་མདོ།།
གཞོན་པ་འདབ་ལག་རྒྱས་ས་བྱ་མདོ།།
གླུ་གར་་རིག་གནས་དར་ས་བྱ་མདོ།།
ཨ།བུ་ང་ས་ཆ་གང་ལ་སོང་རུང་།།
ཕ་ས་ཕ་ཡུལ་བརྗེད་ཐབས་མི་འདུག།
སྐལ་བཟང་གནམ་ལོ་གསར་བའི་ནང་ལ།།
ཕ་ཡུལ་བྱ་མདོ་བཀྲ་ཤིས་བདེ་ལེགས།།
    གླུ་བ་པད་མ་རྒྱལ་གྱི་རེ་བ་ལྟར་བྲིས་པའི་གླུ་ཚིགIqgཀྲུང་གོ་བོད་ཀྱི་དྲ་བ།

    ༄།དབྱངས་ཀྱི་མཆོད་པ།Iqgཀྲུང་གོ་བོད་ཀྱི་དྲ་བ།

ཙོང་ཁ་པད་མོའི་སྟེང་ལ།།
སྐུ་འབུམ་དགོན་ཆེན་བཞེངས་ཡོད།།
ཞྭ་སེར་བསྟན་པའི་གནས་མཆོག།
མདོ་སྔགས་ཆོས་ཀྱི་དགའ་ཚལ།།
གཙུག་ལག་ཁང་བཟངས་རེ་རེ།།
དག་པའི་ཞིང་ཁམས་རེ་རེ།།
ངུར་སྨྲིག་དགེ་འདུན་རེ་རེ།།
ཚུལ་ཁྲིམས་རྒྱལ་མཚན་རེ་རེ།།
ཚེ་གཅིག་ལུས་གཅིག་འདི་ལ།།
འགྲོ་བ་སེམས་ཅན་དོན་དུ།།
ཐལ་མོ་ཐོད་ལ་བཀུར་ནས།།
དད་པས་ཕྱག་གསུམ་བཙལ་ཡོད།།Iqgཀྲུང་གོ་བོད་ཀྱི་དྲ་བ།


ཙོང་ཁ་པད་མོའི་ནང་ནས།།
བློ་བཟང་གྲགས་པ་འཁྲུངས་སོང་།།
ཞྭ་སེར་བསྟན་པའི་བདག་པོ།།
མདོ་སྔགས་ཆོས་ཀྱི་རྒྱལ་པོ།།
གསེར་སྡོང་ལོ་མ་རེ་རེ།།
སངས་རྒྱས་སྟོང་སྐུ་རེ་རེ།།
ལྟ་སྒོམ་སྤྱོད་གསུམ་རེ་རེ།།
རྒྱལ་བའི་དགོངས་པ་རེ་རེ།།
ཚེ་གཅིག་ལུས་གཅིག་འདི་ལ།།
སངས་རྒྱས་བསྟན་པའི་དོན་དུ།།
སྙིང་ནས་གསོལ་བ་བཏབ་ན།།
ཐུགས་རྗེའི་བྱིན་གྱིས་བརླབ་རོགས།།Iqgཀྲུང་གོ་བོད་ཀྱི་དྲ་བ།

  ༄།བཀྲ་ཤིས་རྨི་ལམ།Iqgཀྲུང་གོ་བོད་ཀྱི་དྲ་བ།

ཐོ་རངས་སྐར་ཆེན་འཆར་དུས།།
རྨི་ལམ་ཡག་པོ་རྨིས་བྱུང་།།
བདག་སེམས་རི་གསུམ་རྩེ་ལ།།
གསེར་གྱི་ཁ་བ་བབས་བྱུང་།།
འདབ་མ་རེ་རེའི་སྟེང་ནས།།
འོད་ཟེར་སྟོང་ལྡན་འཕྲོས་སོང་།།
བཀྲ་ཤིས་རྨི་ལམ་ཡག་པོ།།
རྟེན་འབྲེལ་གསེར་གྱི་ཁ་བ།།Iqgཀྲུང་གོ་བོད་ཀྱི་དྲ་བ།


ཐོ་རངས་སྐར་ཆེན་འཆར་དུས།།
རྨི་ལམ་ཡག་པོ་རྨིས་བྱུང་།།
བདག་སེམས་སྤང་ལྗོངས་ཐང་ལ།།
གསེར་གྱི་སྦྲང་ཆར་བབས་བྱུང་།།
གསེར་ནག་ཐིགས་པ་རེ་རེའི།།
འཇའ་ཚོན་རི་མོ་མཛེས་སོང་།།
བཀྲ་ཤིས་རྨི་ལམ་ཡག་པོ།།
རྟེན་འབྲེལ་གསེར་གྱི་སྦྲང་ཆར།།Iqgཀྲུང་གོ་བོད་ཀྱི་དྲ་བ།

     ༄།སྙིང་གི་རྨི་ལམ།Iqgཀྲུང་གོ་བོད་ཀྱི་དྲ་བ།

དབྱར་ཟླ་དྲུག་པའི་ནང་དུ།།
རྔམ་བརྗིད་མཁའ་ལ་འགྱིང་བའི།།
སྙིང་གི་སྐྱེས་རི་སྟེང་ལ།།
སྨུག་ཞག་ན་བུན་འཁྱིལ་ཡོད།།
ང་ཡི་སེམས་ཀྱི་རྨི་ལམ།།
སྟག་སེང་ཁྱུང་འབྲུག་འཁྱུག་པའི།།
བཀྲ་ཤིས་རླུང་རྟ་ལྷན་དུ།།
ཉི་ཟླའི་ཁམས་ལ་འཕུར་སོང་།།Iqgཀྲུང་གོ་བོད་ཀྱི་དྲ་བ།


དབྱར་ཟླ་དྲུག་པའི་ནང་དུ།།
རྩེ་མོ་དགུང་ལ་ཟུག་པའི།།
སེམས་ཀྱི་སྐྱེས་རི་མགོ་ལ།།
སྤྲིན་དཀར་འདབ་མ་འཁྱིལ་ཡོད།།
ང་ཡི་སྙིང་གི་རྨི་ལམ།།
བཟང་དྲུག་དྲི་ཞིམ་ཁྱབ་པའི།།
བཀྲ་ཤིས་ལྷ་བསང་ལྷན་དུ།།
ལྷ་ཡུལ་ཁམས་ལ་འཕུར་སོང་།།Iqgཀྲུང་གོ་བོད་ཀྱི་དྲ་བ།

༄།དྲན་པའི་རྨི་ལམ།Iqgཀྲུང་གོ་བོད་ཀྱི་དྲ་བ།

དྲན་གདུང་འདབ་དྲུག་ཁ་བ།།
ཡ་ཆུང་སེམས་ལ་བབས་ཡོད།།
ང་དང་གངས་ལྷ་མེ་ཏོག།
མ་མཇལ་ཡུན་རིང་འགོར་སོང་།།
མི་རྟག་སྒྱུ་མའི་འགྱུར་ལྡོག།
དུས་ཀྱི་ཆོས་ཉིད་ཡིན་རུང་།།
མེ་ཏོག་དྲན་པའི་རྨི་ལམ།
ཚར་རྒྱུ་མེད་ན་འདོད་ཡོད།།Iqgཀྲུང་གོ་བོད་ཀྱི་དྲ་བ།


དམ་ཚིག་རྡོ་རྗེའི་མདུད་པ།།
དམར་ཆུང་སྙིང་ལ་ཐེབས་ཡོད།།
ང་དང་ཆུང་འདྲིས་མཛའ་མོ།།
མ་མཇལ་ཡུན་རིང་འགོར་སོང་།།
མི་རྟག་འཇིག་རྟེན་འཁོར་བ།།
སྡུག་བསྔལ་ཡིན་པ་ཤེས་རུང་།།
མཛའ་མོ་དྲན་པའི་རྨི་ལམ།།
ཚར་རྒྱུ་མེད་ན་འདོད་ཡོད།།    Iqgཀྲུང་གོ་བོད་ཀྱི་དྲ་བ།

   ༄།གེ་སར་མཆོད་སྤྲིན།Iqgཀྲུང་གོ་བོད་ཀྱི་དྲ་བ།

གེ་སར་རྒྱལ་པོའི་སྐུ་ལུས།།
ཁྲི་གདུགས་གསེར་གྱི་ཉི་འོད།།
གངས་ཅན་ལྗོངས་སུ་འཕྲོས་ནས།།
དཔྱིད་ཀྱི་དཔལ་མོ་དགའ་ཡོད།།Iqgཀྲུང་གོ་བོད་ཀྱི་དྲ་བ།


གེ་སར་རྒྱལ་པོའི་གསུང་སྐད།།
གཡུ་འབྲུག་སྔོན་མོའི་སྒྲ་དབྱངས།།
གངས་ཅན་ལྗོངས་སུ་ཁྱབ་ནས།།
དབྱར་གྱི་ལང་ཚོ་རྒྱས་ཡོད།།Iqgཀྲུང་གོ་བོད་ཀྱི་དྲ་བ།


གེ་སར་རྒྱལ་པོའི་ཐུགས་དགོངས།།
སྟོང་གསུམ་སྣོད་ཀྱི་འཇིག་རྟེན།།
རིན་ཆེན་གསེར་ལ་འདྲེས་ནས།།
སྟོན་གྱི་འབྲས་བུ་སྨིན་ཡོད།།Iqgཀྲུང་གོ་བོད་ཀྱི་དྲ་བ།

༄།ཨ་མ་སྒྲོལ་མ།Iqgཀྲུང་གོ་བོད་ཀྱི་དྲ་བ།

སྐྱིད་སྡུག་གཉིས་ཀྱི་མ་མ།།
རྗེ་བཙུན་ཨ་མ་སྒྲོལ་མ།།
ཁྱོད་སྐུ་པད་མའི་ལང་ཚོ།།
འཇའ་ཚོན་ལས་ཀྱང་མཛེས་སོང་།།
འཇིགས་པ་བརྒྱད་ལ་ཐུག་ན།།
འཕྲིན་ལས་གློག་ལྟར་མྱུར་བའི།།
ཨ་མ་སྒྲོལ་མ་མཆོག་ལ།།
སེམས་ནས་གསོལ་བ་འདེབས་སོ།།Iqgཀྲུང་གོ་བོད་ཀྱི་དྲ་བ།


ཞི་ཁྲོ་གཉིས་ཀྱི་མ་མ།།
རྗེ་བཙུན་ཨ་མ་སྒྲོལ་མ།།
ཁྱོད་གསུང་མགུར་མའི་སྒྲ་དབྱངས།།
ཚངས་སྲས་གླུ་ལས་སྙན་སོང་།།
མི་མཐུན་ཀླན་ཀ་ཞི་སྟེ།།
གང་འདོད་དངོས་གྲུབ་སྩོལ་བའི།།
ཨ་མ་སྒྲོལ་མ་མཆོག་ལ།།
སྙིང་ནས་གསོལ་བ་འདེབས་སོ།།Iqgཀྲུང་གོ་བོད་ཀྱི་དྲ་བ།


འདི་ཕྱི་གཉིས་ཀྱི་མ་མ།།
རྗེ་བཙུན་ཨ་མ་སྒྲོལ་མ།།
ཁྱོད་ཐུགས་གཏིང་མཐའ་མེད་པའི།།
རྒྱ་མཚོ་ལས་ཀྱང་ཟབ་སོང་།།
བགེགས་དང་བར་ཆད་སེལ་ཏེ།།
ཚེ་དང་བསོད་ནམས་བསྐྲུན་པའི།།
ཨ་མ་སྒྲོལ་མ་མཆོག་ལ།།
རྟག་ཏུ་གསོལ་བ་འདེབས་སོ།།Iqgཀྲུང་གོ་བོད་ཀྱི་དྲ་བ།

༄།ཟླ་བའི་ཞིང་ཁམས།Iqgཀྲུང་གོ་བོད་ཀྱི་དྲ་བ།

སེམས་པ་ལྷན་དུ་འཛོམས་ས།།
སེམས་ཀྱི་ཟླ་བའི་ཞིང་ཁམས།།
དྲི་མེད་ཁ་བཏགས་རེ་རེ།།
བཀྲ་ཤིས་རྟེན་འབྲེལ་རེ་རེ།།
མཛེས་སྡུག་ཞབས་བྲོ་རེ་རེ།།
གར་གྱི་མཆོད་པ་རེ་རེ།།
སྐྱིད་པོ་ཟླ་བའི་ཞིང་ཁམས།།
སེམས་ཀྱི་ལྷ་ཡུལ་ཡིན་སོང།།
ཨ།   ཟླ་བའི་ཞིང་ཁམས།།
ཨ།  སེམས་ཀྱི་ལྷ་ཡུལ།།Iqgཀྲུང་གོ་བོད་ཀྱི་དྲ་བ།


སེམས་པ་ལྷན་དུ་འཛོམས་ས།།
སེམས་ཀྱི་ཟླ་བའི་ཞིང་ཁམས།།
སྙན་མོ་གླུ་སྐད་རེ་རེ།།
བཀྲ་ཤིས་དབྱངས་རྟ་རེ་རེ།།
དཀར་ཡོལ་འབྲུག་མ་རེ་རེ།།
བདུད་རྩིའི་མཆོད་པ་རེ་རེ།།
སྐྱིད་པོ་ཟླ་བའི་ཞིང་ཁམས།།
སེམས་ཀྱི་རྨི་ལམ་ཡིན་སོང་།།
ཨ།   ཟླ་བའི་ཞིང་ཁམས།།
ཨ།  སེམས་ཀྱི་རྨི་ལམ།།
   ཆབ་འགག་ཟླ་བའི་ཞིང་ཁམས་གླུ་གར་གླིང་ལ་ཆེད་དུ་བྲིས་པའི་གླུ་ཚིགIqgཀྲུང་གོ་བོད་ཀྱི་དྲ་བ།

  ༄།དྲིན་ཆེན་ཨ་མ་རྒས་སོང་།Iqgཀྲུང་གོ་བོད་ཀྱི་དྲ་བ།

དབུ་སྐྲ་ལྕང་ལོའི་སྟེང་ལ།།
ལོ་ཟླའི་སེ་བརྡ་ལྷུང་སོང་།།
སྤྱན་མིག་སྐར་ཆེན་གཉིས་ཀྱི།།
ཡིད་འཕྲོག་གཟི་མདངས་ཉམས་སོང་།།
དྲིན་ཆེན་ཨ་མ་རྒས་སོང་།།
ཡ་ཆུང་སེམས་པ་སྐྱོ་སོང་།།
སྐྱབས་གནས་དཀོན་མཆོག་གསུམ་པོས།།
སྙིང་རྗེའི་སྤྱན་གྱིས་གཟིགས་རོགས།།Iqgཀྲུང་གོ་བོད་ཀྱི་དྲ་བ།


ཞལ་རས་མེ་ཏོག་པད་མའི།།
མཛེས་སྡུག་འདབ་མ་རྙིད་སོང་།།
དུང་སོ་མུ་ཏིག་ཕྲེང་བ།།
ཕྲེང་ཐག་ཟད་ནས་ཐོར་སོང་།།
དྲིན་ཆེན་ཨ་མ་རྒས་སོང་།།
ཡ་ཆུང་སེམས་པ་སྐྱོ་སོང་།།
རྗེ་བཙུན་འཕགས་མ་སྒྲོལ་མས།།
ཐུགས་རྗེའི་བྱིན་གྱིས་བརླབ་རོགས།།Iqgཀྲུང་གོ་བོད་ཀྱི་དྲ་བ།


དགོད་སྒྲ་དངུལ་དཀར་དྲིལ་ཆུང་།།
དྲིལ་ལྕེའི་མདུད་པ་ལྷོད་སོང་།།
སྐུ་གཟུགས་སྨྱུག་མ་ཚིགས་དྲུག།
སྒལ་ཚིགས་ནང་ནས་སྒུར་སོང་།།
དྲིན་ཆེན་ཨ་མ་རྒས་སོང་།།
ཡ་ཆུང་སེམས་པ་སྐྱོ་སོང་།།
མགོན་པོ་འོད་དཔག་མེད་ཀྱིས།།
དགྱེས་འཛུམ་ཞལ་རས་སྟོན་རོགས།།Iqgཀྲུང་གོ་བོད་ཀྱི་དྲ་བ།

          ༄།རྡོ་རྗེའི་མདུད་པ།Iqgཀྲུང་གོ་བོད་ཀྱི་དྲ་བ།

གཡུ་མདོག་ཨ་སྔོན་དགུང་གི།
ཉི་ཟླ་སྐར་གསུམ་གྲལ་ནས།།
བཅོ་ལྔའི་ལྷ་ཟླའི་འཛུམ་མདངས།།
དབྱར་ཁའི་འཇའ་ལས་མཛེས་སོང་།།
དུས་ཀྱི་ཆོས་ཉིད་དབང་གིས།།
ལྷན་ཅིག་འཆར་དབང་མེད་རུང་།།
དུངས་སེམས་མཛེས་སྡུག་མེ་ཏོག།
རང་རང་སེམས་ལ་བཞད་ཡོད།།Iqgཀྲུང་གོ་བོད་ཀྱི་དྲ་བ།


འཇིག་རྟེན་འཁོར་བ་ནང་གི།
ཁ་ཡ་ན་ཟླའི་གྲལ་ནས།།
ཆུང་འདྲིས་མཛའ་མཐུན་བུ་མོའི།།
ཞལ་རས་ལྷ་ལས་མཛེས་སོང་།།
ལས་དང་བསོད་ནམས་དབང་གིས།།
ལྷན་ཅིག་འདུག་དབང་མེད་རུང་།།
འཁྲེང་སེམས་རྡོ་རྗེའི་མདུད་པ།།
རང་རང་སེམས་ལ་བརྒྱབས་ཡོད།།Iqgཀྲུང་གོ་བོད་ཀྱི་དྲ་བ།

    ༄།འགྱུར་བ་མེད་པ།Iqgཀྲུང་གོ་བོད་ཀྱི་དྲ་བ།

དབྱར་གསུམ་སྤྲིན་པ་དཀར་པོ།།
ང་ཡི་སེམས་པ་ཡིན་སོང་།།
ཆུང་འདྲིས་རྩེད་རོགས་དྲན་པའི།།
སྐྱོ་གདུང་སྦྲང་མའི་ཆར་བ།།
ཐུན་གསུམ་རྨི་ལམ་འགྲོགས་ནས།།
ཁྱོད་ཀྱི་སེམས་ལ་བབས་ཡོད།།
ནམ་ཡང་འགྱུར་བ་མེད་པ།།
ཐོག་མའི་བརྩེ་དུང་ཡིན་སོང་།།Iqgཀྲུང་གོ་བོད་ཀྱི་དྲ་བ།


དགུན་གསུམ་སྤྲིན་པ་དཀར་པོ།།
ང་ཡི་སེམས་པ་ཡིན་སོང་།།
ཆུང་འདྲིས་རྩེད་རོགས་དྲན་པའི།།
སྐྱོ་གདུང་འདབ་དྲུག་ཁ་བ།།
ཐུན་གསུམ་རྨི་ལམ་འགྲོགས་ནས།།
ཁྱོད་ཀྱི་སེམས་ལ་བབས་ཡོད།།
ནམ་ཡང་བརྗེད་རྒྱུ་མེད་པ།།
སྙིང་གི་མཛའ་མོ་ཡིན་སོང་།།
        ན་ཆུང་གཞོན་ནུ་ཞིག་གི་རེ་བ་ལྟར་བྲིས་པའི་གཞས་ཚིགIqgཀྲུང་གོ་བོད་ཀྱི་དྲ་བ།

༄།མཛེས་སྡུག་གི་ཕ་ཡུལ།Iqgཀྲུང་གོ་བོད་ཀྱི་དྲ་བ།

རྩེ་མོ་མཁའ་ལ་ཟུག་པའི།།
གངས་རི་ཨ་མྱེས་རྨ་ཆེན།།
ལྷ་རི་བློན་པོ་གསེར་ཆེན།།
ཙོང་ཁའི་སྐྱེས་རི་མཐོན་པོ།།
གངས་ཅན་བོད་ཀྱི་བླ་རི།།
ཨ་མདོ་ཚང་གི་སྐྱེས་རི།།
བསྟད་ན་དགྲ་ལྷ་འཁོར་ས།།
མཆོད་ན་འཕྲིན་ལས་མྱུར་ས།།
ཨ། མཛེས་སྡུག་གི་ཕ་ཡུལ།།
ཨ། རྨི་ལམ་གྱི་ཞིང་ཁམས།།Iqgཀྲུང་གོ་བོད་ཀྱི་དྲ་བ།


ཨ་སྔོན་ཐང་ལ་ལྷུང་འདྲའི།།
དབུས་ཀྱི་ཚྭ་མཚོ་དཀར་མོ།།
མཚོ་སྔོན་ཁྲི་ཤོར་རྒྱལ་མོ།།
སྟོང་རི་ལྷ་མཚོ་ཕྱུག་མོ།།
གངས་ཅན་བོད་ཀྱི་བླ་མཚོ།།
ཨ་མདོ་ཚང་གི་ནོར་མཚོ།།
བསྟད་ན་དངོས་གྲུབ་གནང་ས།།
མཆོད་ན་བྱིན་རླབས་ཆེ་ས།།
ཨ། མཛེས་སྡུག་གི་ཕ་ཡུལ།།
ཨ། རྨི་ལམ་གྱི་ཞིང་ཁམས།།Iqgཀྲུང་གོ་བོད་ཀྱི་དྲ་བ།


རླབས་དཀར་ཟེགས་མ་འཕྱོ་བའི།།
སྟོད་ཀྱི་རྨ་ཆུ་དལ་མོ།།
བར་གྱི་ཙོང་ཆུ་རིང་མོ།།
སྨད་ཀྱི་འབྲུག་ཆུ་སྔོན་མོ།།
གངས་ཅན་བོད་ཀྱི་བླ་ཆུ།།
ཨ་མདོ་ཚང་གི་འཐུང་ཆུ།།
བསྟད་ན་ཚེ་ཐག་རིང་ས།།
མཆོད་ན་བསམ་དོན་འགྲུབ་ས།།
ཨ། མཛེས་སྡུག་གི་ཕ་ཡུལ།།
ཨ། རྨི་ལམ་གྱི་ཞིང་ཁམས།།Iqgཀྲུང་གོ་བོད་ཀྱི་དྲ་བ།

༄།ཨ་ལ་ཆུང་འདྲིས་བྱམས་པ།Iqgཀྲུང་གོ་བོད་ཀྱི་དྲ་བ།

ཆུང་འདྲིས་བྱམས་པའི་འཛུམ་མདངས།།
མཛེས་སྡུག་མེ་ཏོག་སེར་ཆེན།།
ང་ཡི་རྣམ་ཤེས་ཕྲ་མོ།།
མེ་ཏོག་ཁྱོད་ལ་ཆགས་ཡོད།།
ཨ་ལ་ཆུང་འདྲིས་བྱམས་པ།།
ཚེ་གཅིག་ལུས་གཅིག་འདི་ལ།།
ཉིན་མོའི་བདེ་སྐྱིད་ཁྱོད་ཡིན།།
མཚན་མོའི་རྨི་ལམ་ཁྱོད་ཡིན།།
ཨ་ལ་ཆུང་འདྲིས།།
ཨ་ལ་བྱམས་པ།།
ཨ་ལ་མེ་ཏོག །
ཨ་ལ་སེར་ཆེན།།Iqgཀྲུང་གོ་བོད་ཀྱི་དྲ་བ།


ཆུང་འདྲིས་བྱམས་པའི་སེམས་པ།།
དྲི་མེད་གངས་ལྷ་མེ་ཏོག།
ང་ཡི་རྣམ་ཤེས་ཕྲ་མོ།།
མེ་ཏོག་ཁྱོད་ལ་ཆགས་ཡོད།།
ཨ་ལ་ཆུང་འདྲིས་བྱམས་པ།།
ཚེ་གཅིག་ལུས་གཅིག་འདི་ལ།།
ཉིན་མོའི་བདེ་སྐྱིད་ཁྱོད་ཡིན།།
མཚན་མོའི་རྨི་ལམ་ཁྱོད་ཡིན།།
ཨ་ལ་ཆུང་འདྲིས།།
ཨ་ལ་བྱམས་པ།།
ཨ་ལ་མེ་ཏོག།
ཨ་ལ་གངས་ལྷ།།Iqgཀྲུང་གོ་བོད་ཀྱི་དྲ་བ།


ཆུང་འདྲིས་བྱམས་པའི་བརྩེ་འདང་།།
དྲི་ཞིམ་སྐལ་བཟང་མེ་ཏོག།
ང་ཡི་རྣམ་ཤེས་ཕྲ་མོ།།
མེ་ཏོག་ཁྱོད་ལ་ཆགས་ཡོད།།
ཨ་ལ་ཆུང་འདྲིས་བྱམས་པ།།
ཚེ་གཅིག་ལུས་གཅིག་འདི་ལ།།
ཉིན་མོའི་བདེ་སྐྱིད་ཁྱོད་ཡིན།།
མཚན་མོའི་རྨི་ལམ་ཁྱོད་ཡིན།།
ཨ་ལ་ཆུང་འདྲིས།།
ཨ་ལ་བྱམས་པ།།
ཨ་ལ་མེ་ཏོག་།
ཨ་ལ་སྐལ་བཟང་།།Iqgཀྲུང་གོ་བོད་ཀྱི་དྲ་བ།

རྩོམ་སྒྲིག་པ། རྡོ་རྗེ་བསམ་འགྲུབ།

དཔྱད་མཆན 0 ཡོད།