ངའི་ཁྱོད་ཀྱིས་བག་ཆགས་ལ་གཏན་ཏུ་རྒོལ་ལན་བསློག་གིན་མེད
ཐ་ན་མིག་ཆུའང་མཚམས་བཞག་ཡོད
ལག་པ་ཧ་ཅང་འཁོབ་དུས
བདག་གིས་ལྗོན་པའི་ཡལ་ག་དག་བྲིས་ནས
ཉི་མར་ལྡེ་བཞིན་ཡོད
མཚན་ཕྱེད་ཀྱི་དུས་ལ་ཡོལ་དུས
ངའི་འཁྲུལ་སྣང་ལ་ཁྱོད་ཀྱི་བག་ཆགས་ཀྱི་ཟྭ་འབྱེད་པའི་ལྡེ་མིག་ཞིག་ལག་ཏུ་ཚུད
འོན་ཏང
ལོ་ཕྱི་མའི་བག་ཆགས་ཀྱི་ནམ་མཁའ་བརྡིབས་སོང
སྐབས་དེར
རོལ་དབྱངས་ཀྱིས་བདག་གི་ཁ་ཤིན་ཏུ་སྐོམ
ཁྱོད་ཀྱི་བག་ཆགས་དང་གཏན་ཏུ་ཁ་བྲལ་ཐེངས་རེ་རེ་ནི
རྔོན་པ་དང་འཕྲད་པའི་སྡུག་བསྔལ་ལས་ཀྱང་ལྕི
ངའི་བག་ཆགས་ལ་ལེ་བདའ་བྱེད་ཀྱིན་མེད
ཁེར་རྐྱང་ལ་མི་གོམས་པའི་རང་ཉིད་ལ་གཤེ་གཤེ་གཏོང་བཞིན་ཡོད
ངའི་ནམ་མཁའ་ལ་ལེ་བདའ་བྱེད་ཀྱིན་མེད
མཚན་མོ་ལ་འཇིགས་པའི་རང་ཉིད་ལ་དམོ་བཞིན་ཡོད
ཆུ་ལས་ཆུ་བུར་བྱུང མཚོ་ལས་སྨུག་པ་ལངས བྲག་ལས་རྦབ་རྡོ་ཆད གངས་ལས་ཆུ་རྒྱུན་འབབ
བག་ཆགས་ཀྱིས་ན་ཟུག་གྱི་ལྭ་བའི་ཕྱི་ནང་དང་སྟེང་འོག་གོ་ལྡོག
ངས་ཐ་ཚིག་གྱི་སྐུད་པ་དཀྲོལ་བཞིན་མལ་ལོ
2017.8.17