ཁྱེད་རང་སོང་ཤུལ་དུ།
ཁྲི་གོང་ཨོ་རྒྱན་ཚེ་རིང་།
ཁྱེད་རང་སོང་ཤུལ་དུ
ཅི་ཡིན་འདི་ཡིན་མེད་པར་སོན་འདེབས་ཀྱི་དུས་ལ་བསླེབས་སོང
ཁ་པར་དང་བརྙན་འཕྲིན ད་དུང་རི་ལུང་ཐམས་ཅད་དུ
ལྕགས་གླང་གི་ངར་སྐད་དང སྐར་ལྔའི་དར་མའི་སྐུལ་སློང་ཁྲོད
ཚང་མ་གྲོ་ནས་སྲན་གསུམ་གྱི་ལས་ལ་བྲེལ་ཞིང
ཅི་ཞིག་ཐོབ་འདོད་ཀྱིས་ཡོད་ཚད་ས་འོག་ལ་སྦས་སོང
ཁྱེད་རང་སོང་ཤུལ་དུ
ངས་ཁ་བའི་འདབ་མ་རེ་རེ་བཏབ་ནས
ཅི་ཞིག་སྐྱེ་བར་ཚོད་ལྟ་ཞིག་བྱེད་འདོད་མོད
ཁ་བ་ཆུ་རུ་གྱུར་ན་ས་བོན་ཅི་ཡིས་བྱེད
ཁྱེད་རང་སོང་ཤུལ་དུ
ཁམ་བུའི་མེ་ཏོག་ས་གཞིར་ཁེབས་ཤིང
ཁ་བར་འདབ་ལོ་རྒྱས་ཏེ་རི་ལུང་ཆར་གྱིས་བརླན
ཁྱེད་རང་སོང་ཤུལ་དུ
ནམ་ཡང་འཇགས་མཐའ་མེད་པའི་དུང་པ་ཞིག་གིས
བཅོ་ལྔའི་ཟླ་བ་བཞིན
ཉིན་མཚན་མེད་པར་ཁོ་བོའི་ནམ་མཁར་བཏེགས་པས
ངས་ཀྱང་རིགས་རུས་ཤིག་གི་ཕ་རོལ་ནས
ཅི་ཞིག་ཐོབ་འདོད་ཀྱིས་ཡོད་ཚད་ས་འོག་ལ་སྦ་འདོད
༢༠༡༨ལོའི་ཟླ་༣ཚེས༢༨ཉིན་གྱི་ཞོགས་པའི་ཆུ་ཚོད་༢སྟེང་ལྷ་ས་ནས།