ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་དབྱང་དམག་དོན་ཨུ་ཡོན་ལྷན་ཁང་གིས་ཆོག་མཆན་བཀོད་པ་ལྟར། ཉེ་ལམ་ཀྲུང་དབྱང་དམག་དོན་ཨུ་ཡོན་ལྷན་ཁང་གཞུང་སྒྲུབ་ཐིན་གྱིས་བརྡ་ཐོ་བཏང་སྟེ། དམག་ཡོངས་དང་དྲག་ཆས་ཉེན་རྟོག་དམག་དཔུང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཞིང་ཆེན་དང་པུའུ་རིམ་པའི་མགོ་ཁྲིད་ལས་བྱེད་པ་གཙོ་བོའི་ཆེད་དོན་འཛིན་གྲྭའི་སྟེང་གི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་ནན་མོ་དང་ལག་ལེན་མཐར་ཕྱིན་བྱེད་དགོས་པའི་རེ་བ་བཏོན། བརྡ་ཐོ་ལས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་དང་དྲིལ་སྒྲོག ལག་ལེན་མཐར་ཕྱིན་བཅས་བྱེད་པ་ནི་དེང་སྐབས་ཏང་ཡོངས་དང་རྒྱལ་ཡོངས་དམག་ཡོངས་བཅས་ཀྱི་ཆབ་སྲིད་ལས་འགན་གལ་ཆེན་ཡིན་པས། རིམ་པ་སོ་སོས་མདུན་གྲས་སུ་སྐྱོད་པའི་ཚད་གཞི་དང་རེ་བ་ལྟར། ཆབ་སྲིད་ཀྱི་འགན་འཁྲི་ཆེན་པོ་བཅངས་ནས། རྩ་འཛུགས་བཟང་བོ་བྱེད་པ་དང་མྱུར་དུ་བྱེད་ཐབས་སྤྱད་དེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཞིང་ཆེན་དང་པུའུ་རིམ་པའི་མགོ་ཁྲིད་ལས་བྱེད་པ་གཙོ་བོའི་ཆེད་དོན་བགྲོ་གླེང་འཛིན་གྲྭའི་སྟེང་གི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་ནན་མོ་དང་ལག་ལེན་མཐར་ཕྱིན་བྱེད་པའི་མཐོ་རླབས་སློང་དགོས་པའི་རེ་བ་བཏོན།
བརྡ་ཐོ་ལས་ནན་གྱིས་བཀོད་དོན། ཀྲུའུ་ཞི་ཞི་ཅིན་ཕིང་གི་ཀྲུང་གོའི་མི་དམངས་བཅིངས་འགྲོལ་དམག་བཙུགས་ནས་ལོ་འཁོར་དགུ་བཅུ་ལོན་པར་རྟེན་འབྲེལ་ཞུ་བའི་ཚོགས་ཆེན་དང་དམག་དཔུང་ལ་གཟིགས་བཤེར་བྱེད་པའི་སྐབས་ཀྱི་གསུང་བཤད་གལ་ཆེན་ནི་བདུན་པའི་ཚེས་ཉེར་དྲུག་ཉིན་གྱི་གསུང་བཤད་གལ་ཆེན་དེ་རྒྱལ་སྲུང་དང་དམག་དཔུང་འཛུགས་སྐྲུན་བྱེད་པའི་ཐད་ལ་དངོས་སུ་བཀོལ་སྤྱོད་བྱས་པ་ཡིན་པས། གསུང་བཤད་གལ་ཆེན་དེ་དག་ཟུང་འབྲེལ་བྱས་ནས་ཏང་གི་དུས་སྐབས་གསར་བའི་དམག་དཔུང་སྟོབས་ལྡན་དུ་གཏོང་བའི་བསམ་བློ་གཙོ་བོར་བཟུང་སྟེ་སློབ་སྦྱོང་བྱེད་པ་དང་། བྱ་བ་བཟང་བོར་སྒྲུབ་པར་སྐུལ་འདེད་གཏོང་བའི་གཞི་རྩའི་བསྲུང་བྱ་ཁོང་དུ་ཆུད་པར་བྱེད་དགོས་ལ། སྔར་ལས་བློ་བརྟན་འགྱུར་མེད་དང་རང་རྟོགས་སྒོས་ཏང་ཀྲུང་དབྱང་གི་དབང་ཟིལ་ལ་སྲུང་སྐྱོབ་བྱེད་པ་དང་། སྲོག་ཤིང་ལ་སྲུང་སྐྱོབ་བྱེད་པ། དམག་དོན་ཨུ་ཡོན་ལྷན་ཁང་གི་ཀྲུའུ་ཞིའི་འགན་འཁྲི་ལམ་ལུགས་ལ་སྲུང་སྐྱོབ་དང་ལག་བསྟར་བྱས་ནས། བློ་བརྟན་འགྱུར་མེད་སྒོས་ཏང་ཀྲུང་དབྱང་དང་ཀྲུང་དབྱང་དམག་དོན་ཨུ་ཡོན་ལྷན་ཁང་། ཀྲུའུ་ཞི་ཞི་ཅིན་ཕིང་བཅས་ཀྱི་བཀོད་འདོམས་ལ་ཉན་དགོས་ཟེར།