ཝང་ཆི་ཧྲན། ཕོ། རྒྱ་རིགས། སྤྱི་ལོ1948ལོའི་ཟླ་བ7པར་འཁྲུངས། ཧྲན་ཞི་ཐེན་ཀྲེན་གྱི་མི་ཡིན། སྤྱི་ལོ1969ལོའི་ཟླ་བ་དང་པོར་ཕྱག་ལས་གནང་། སྤྱི་ལོ1983ལོའི་ཟླ་བ2པར་ཀྲུང་གོ་གུང་ཁྲན་ཏང་ནང་ཞུགས། ནུབ་བྱང་སློབ་གྲྭ་ཆེན་མོའི་ལོ་རྒྱུས་ཚན་ཁག་གི་ལོ་རྒྱུས་ཆེད་ལས་ནས་སློབ་མཐར་ཡིན། སློབ་གྲྭ་ཆེན་མོའི་སྤྱིར་བཏང་འཛིན་གྲྭའི་སློབ་གནས་ཡོད། མཐོ་རིམ་དཔལ་འབྱོར་པ་ཆེན་པོ།
ད་ཆ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞི་གཞོན་པ་ཡིན།
སྤྱི་ལོ1969ལོ་ནས་སྤྱི་ལོ1971ལོའི་བར་ཧྲན་ཞི་ཞིང་ཆེན་ཡན་ཨན་རྫོང་ཕེང་ཀྲོང་ཀུང་ཧྲེའི་གཞོན་ནུ་ཤེས་ཡོན་ཅན་ཡིན།
སྤྱི་ལོ1971ལོ་ནས་སྤྱོ་ལོ1973ལོའི་བར་ཧྲན་ཞི་ཞིང་ཆེན་དངོས་མང་བཤམས་མཛོད་ཁང་དུ་ཕྱག་ལས་གནང་།
སྤྱི་ལོ1973ལོ་ནས་སྤྱི་ལོ1976ལོའི་བར་ནུབ་བྱང་སློབ་གྲྭ་ཆེན་མོའི་ལོ་རྒྱུས་ཚན་ཁག་གི་ལོ་རྒྱུས་ཆེད་ལས་སུ་སློབ་སྦྱོང་གནང་།
སྤྱི་ལོ1976ལོ་ནས་སྤྱི་ལོ1979ལོའི་བར་ཧྲན་ཞི་ཞིང་ཆེན་དངོས་མང་བཤམས་མཛོད་ཁང་དུ་ཕྱག་ལས་གནང་།
སྤྱི་ལོ1979ལོ་ནས་སྤྱི་ལོ1982ལོའི་བར་ཀྲུང་གོ་སྤྱི་ཚོགས་ཚན་རིག་ཁང་གི་ཉེ་རབས་ལོ་རྒྱུས་ཞིབ་འཇུག་ཁང་དུ་དངོས་སྦྱོང་ཞིབ་མཇུག་པ་གནང་།
སྤྱི་ལོ1982ལོ་ནས་སྤྱི་ལོ1986ལོའི་བར་ཀྲུང་དབྱང་ཧྲུའུ་ཅི་ཁྲུའི་གྲོང་གསེབ་སྲིད་ཇུས་ཞིབ་འཇུག་ཁང་དང་། རྒྱལ་སྲིད་སྤྱི་ཁྱབ་ཁང་གྲོང་གསེབ་གོང་འཕེལ་ཞིབ་འཇུག་ལྟེ་གནས་ཀྱི་འགོ་འཛིན། ཅུས་རིམ་པ་གཞོན་པའི་ཞིབ་འཇུག་པ། འབྲེལ་གཏུག་ཁང་གི་ཀྲུའུ་རེན་གཞོན་པ་བཅས་ཀྱི་འགན་གནས་བཞེས།
སྤྱི་ལོ1986ལོ་ནས་སྤྱི་ལོ1988ལོའི་བར་ཀྲུང་དབྱང་ཧྲུའུ་ཅི་ཁྲུའི་གྲོང་གསེབ་སྲིད་ཇུས་ཞིབ་འཇུག་ཁང་གི་ཅུས་རིམ་པ་རྒན་པའི་ཞིབ་འཇུག་པ་དང་། རྒྱལ་སྲིད་སྤྱི་ཁྱབ་ཁང་གྲོང་གསེབ་གོང་འཕེལ་ཞིབ་འཇུག་ལྟེ་གནས་ཀྱི་འབྲེལ་གཏུག་ཁང་གི་ཀྲུའུ་རེན་དང་རྒྱལ་ཡོངས་གྲོང་གསེབ་བསྒྱུར་བཅོས་ཚོད་ལྟའི་ཁུལ་གཞུང་ལས་ཁང་གི་ཀྲུའུ་རེན་གཅིག་ལྕོགས། རྒྱལ་སྲིད་སྤྱི་ཁྱབ་ཁང་གྲོང་གསེབ་གོང་འཕེལ་ཞིབ་འཇུག་ལྟེ་གནས་ཀྱི་གོང་འཕེལ་ཞིབ་འཇུག་ཁང་གི་འགོ་འཛིན་ལས་ཚབ་དང་འགོ་འཛིན་བཅས་ཀྱི་འགན་གནས་བཞེས།
སྤྱི་ལོ1988ལོ་ནས་སྤྱི་ལོ1989ལོའི་བར་ཀྲུང་གོའི་གྲོང་གསེབ་ཡིད་རྟོན་མ་འཇོག་ཀུང་སིའི་སྤྱི་ཁྱབ་སྤྱི་གཉེར་དང་ཏང་ཙུའུ་ཡི་ཧྲུའུ་ཅིའི་འགན་གནས་བཞེས།
སྤྱི་ལོ1989ལོ་ནས་སྤྱི་ལོ1993ལོའི་བར་ཀྲུང་གོ་མི་དམངས་འཛུགས་སྐྲུན་དངུལ་ཁང་གི་འགོ་འཛིན་གཞོན་པ་དང་། ཏང་ཙུའུ་ཡི་ཁོངས་མིའི་འགན་གནས་བཞེས་པ་དང་དེའི་རིང་སྤྱི་ལོ1992ལོའི་ཟླ་བ9པ་ནས་སྤྱི་ལོ1992ལོའི་ཟླ་བ11པའི་བར་ཀྲུང་དབྱང་ཏང་གི་སློབ་གྲྭའི་ཞིང་ཆེན་དང་པུའུ་རིམ་པའི་ལས་བྱེད་པའི་ཟབ་སྦྱོང་འཛིན་གྲྭར་སློབ་སྦྱོང་གནང་།
སྤྱི་ལོ1993ལོ་ནས་སྤྱི་ལོ1994ལོའི་བར་ཀྲུང་གོ་མི་དམངས་དངུལ་ཁང་གི་འགོ་འཛིན་གཞོན་པ་དང་ཏང་ཙུའུ་ཡི་ཁོངས་མིའི་འགན་གནས་བཞེས།
སྤྱི་ལོ1994ལོ་ནས་སྤྱི་ལོ1996ལོའི་བར་ཀྲུང་གོ་མི་དམངས་འཛུགས་སྐྲུན་དངུལ་ཁང་གི་འགོ་འཛིན་དང་ཏང་ཙུའུ་ཡི་ཧྲུའུ་ཅིའི་འགན་གནས་བཞེས།
སྤྱི་ལོ1996ལོ་ནས་སྤྱི་ལོ1997ལོའི་བར་ཀྲུང་གོ་འཛུགས་སྐྲུན་དངུལ་ཁང་གི་འགོ་འཛིན་དང་ཏང་ཙུའུ་ཡི་ཧྲུའུ་ཅིའི་འགན་གནས་བཞེས།
སྤྱི་ལོ1997ལོ་ནས་སྤྱི་ལོ1998ལོའི་བར་ཀོང་ཏུང་ཞིང་ཆེན་ཨུ་ཡོན་ལྷན་ཁང་གི་རྒྱུན་ལས་ཨུ་ཡོན་གྱི་འགན་གནས་བཞེས།
སྤྱི་ལོ1998ལོ་ནས་སྤྱི་ལོ2000ལོའི་བར་ཀོང་ཏུང་ཞིང་ཆེན་ཨུ་ཡོན་ལྷན་ཁང་གི་རྒྱུན་ལས་ཨུ་ཡོན་དང་ཞིང་ཆེན་གྱི་འགོ་འཛིན་གཞོན་པའི་འགན་གནས་བཞེས།
སྤྱི་ལོ2000ལོ་ནས་སྤྱི་ལོ2002ལོའི་བར་རྒྱལ་སྲིད་སྤྱི་ཁྱབ་ཁང་དཔལ་འབྱོར་སྒྲིག་གཞི་བསྒྱུར་བཅོས་གཞུང་ལས་ཁང་གི་ཀྲུའུ་རེན་དང་ཏང་ཙུའུ་ཡི་ཧྲུའུ་ཅིའི་འགན་གནས་བཞེས།
སྤྱི་ལོ2002ལོ་ནས་སྤྱི་ལོ2003ལོའི་བར་ཧའེ་ནན་ཞིང་ཆེན་ཨུ་ཡོན་ལྷན་ཁང་གི་ཧྲུའུ་ཅི་དང་ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གྱི་འགན་གནས་བཞེས།
སྤྱི་ལོ2003ལོ་ནས་སྤྱི་ལོ2004ལོའི་བར་པེ་ཅིན་གྲོང་ཁྱེར་ཨུ་ཡོན་ལྷན་ཁང་གི་ཧྲུའུ་ཅི་གཞོན་པ་དང་། གྲོང་སྤྱིའི་ལས་ཚབ། པེ་ཅིན་ཨའོ་རྩལ་འགྲན་ཚོགས་སྒྲིག་འཛུགས་ཨུ་ཡོན་ལྷན་ཁང་གི་ལག་བསྟར་ཀྲུའུ་ཞི། ཏང་ཙུའུ་ཡི་ཧྲུའུ་ཅི་གཞོན་པ་བཅས་ཀྱི་འགན་གནས་བཞེས།
སྤྱི་ལོ2004ལོ་ནས་སྤྱི་ལོ2007ལོའི་བར་པེ་ཅིན་གྲོང་ཁྱེར་ཨུ་ཡོན་ལྷན་ཁང་གི་ཧྲུའུ་ཅི་གཞོན་པ་དང་། གྲོང་སྤྱི། པེ་ཅིན་ཨའོ་རྩལ་འགྲན་ཚོགས་སྒྲིག་འཛུགས་ཨུ་ཡོན་ལྷན་ཁང་གི་ལག་བསྟར་ཀྲུའུ་ཞི་དང་ཏང་ཙུའུ་ཡི་ཧྲུའུ་ཅི་གཞོན་པ་བཅས་ཀྱི་འགན་གནས་བཞེས།
སྤྱི་ལོ2007ལོ་ནས་སྤྱི་ལོ2008ལོའི་བར་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་གྱི་འགན་གནས་བཞེས།
སྤྱི་ལོ2008ལོ་ནས་སྤྱི་ལོ2011ལོའི་བར་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་དང་། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ། ཏང་ཙུའུ་ཡི་ཁོངས་མི་བཅས་དང་། སྤྱི་ལོ2010ལོར་ཧྲང་ཧའེ་འཛམ་གླིང་དངོས་མང་འགྲེམ་ཚོགས་སྒྲིག་འཛུགས་ཨུ་ཡོན་ལྷན་ཁང་གི་ཀྲུའུ་རེན་ཨུ་ཡོན་གྱི་འགན་གནས་བཞེས།
སྤྱི་ལོ2011ལོ་ནས་སྤྱི་ལོ2012ལོའི་བར་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་དང་། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་དང་ཏང་ཙུའུ་ཡི་ཁོངས་མིའི་འགན་གནས་བཞེས།
སྤྱི་ལོ2012ལོ་ནས་སྤྱི་ལོ2013ལོའི་བར་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན་དང་། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཧྲུའུ་ཅི། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ། ཏང་ཙུའུ་ཡི་ཁོངས་མིའི་འགན་གནས་བཞེས།
སྤྱི་ལོ2013ལོ་ནས་སྤྱི་ལོ2017ལོའི་བར་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཧྲུའུ་ཅིའི་འགན་གནས་བཞེས།
སྤྱི་ལོ2018ལོ་ནས་ད་བར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞི་གཞོན་པའི་འགན་བཞེས།
ཁོང་དེ་སྔ་ཀྲུང་གུང་སྐབས་བཅོ་ལྔ་པའི་ཀྲུང་དབྱང་རྗེས་སྣོན་ཨུ་ཡོན་དང་། སྐབས་བཅུ་དྲུག་པ་དང་སྐབས་བཅུ་བདུན་པ། སྐབས་བཅོ་བརྒྱད་པའི་ཀྲུང་དབྱང་ཨུ་ཡོན། སྐབས་བཅུ་བདུན་པའི་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན། སྐབས་བཅོ་བརྒྱད་པའི་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་དང་རྒྱུན་ལས་ཨུ་ཡོན། སྐབས་བཅོ་བརྒྱད་པའི་ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཨུ་ཡོན་དང་། རྒྱུན་ལས་ཨུ་ཡོན། ཧྲུའུ་ཅི་བཅས་ཡིན་པ་དང་། སྐབས་བཅུ་གསུམ་པའི་རྒྱལ་ཡོངས་མི་དམངས་འཐུས་ཚོགས་གྲོས་ཚོགས་ཐེངས་དང་པོའི་ཐོག་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིར་གཞོན་པར་བདམས་ཐོན་བྱུང་། །