ཞི་ཅིན་ཕིང་གིས་མོང་གོལ་རྒྱལ་ཁབ་ཀྱི་ཙུང་ཐུང་ལ་མཇལ་འཕྲད་གནང་།

1122964883_15286488744981n.jpg

ཟླ6པའི་ཚེས10ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཆིན་ཏོ་ནས་མོང་གོལ་རྒྱལ་ཁབ་ཀྱི་ཙུང་ཐུང་པཱ་ཐི་ཐུའུ་ལི་ཀ་ལ་མཇལ་འཕྲད་གནང་།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཚེས་བཅུའི་ཉིན་ཆིན་ཏོ་ནས་མོང་གོལ་རྒྱལ་ཁབ་ཀྱི་ཙུང་ཐུང་པཱ་ཐི་ཐུའུ་ལི་ཀ་ལ་མཇལ་འཕྲད་གནང་། ཞི་ཅིན་ཕིང་གིས་བསྟན་དོན། ཀྲུང་གོ་དང་མོང་གོལ་རྒྱལ་ཁབ་གཉིས་ནི་རི་ཆུ་གཅིག་ཏུ་འབྲེལ་བའི་ཁྱིམ་མཚེས་རྒྱལ་ཁབ་ཡིན་ལ། རྒྱལ་ཁབ་གཉིས་ཀྱི་འབྲེལ་བའི་འཕེལ་རྒྱས་དེ་རྒྱལ་ཁབ་གཉིས་ཀྱི་མི་དམངས་ཀྱི་རྩ་བའི་ཁེ་ཕན་དང་མཐུན། བདག་གིས་སྐུ་ཞབས་ཙུང་ཐུང་ལགས་ཀྱིས་ཙུང་ཐུང་གི་འགན་བཞེས་རྗེས་ཐེངས་མང་པོར་ཀྲུང་གོ་དང་མོང་གོལ་བར་གྱི་འབྲེལ་བར་མཐོང་ཆེན་ཚད་མཐོན་པོ་བྱས་ཏེ། རྒྱལ་ཁབ་གཉིས་ཀྱི་ཁྱོན་ཡོངས་ཀྱི་འཐབ་ཇུས་གྲོགས་པོའི་འབྲེལ་བ་རྒྱུན་ཆད་མེད་པར་འཕེལ་རྒྱས་སུ་འགྲོ་བར་སྐུལ་འདེད་བཏང་བར་བསྟོད་བསྔགས་བྱས་པ་ཡིན། ཀྲུང་གོ་ཕྱོགས་ཀྱིས་མོང་གོལ་ཕྱོགས་དང་མཉམ་དུ་ཕན་ཚུན་ལ་ཡིད་ཆེས་དང་མཉམ་ལས། གཉིས་རྒྱལ་བཅས་ཀྱི་རྩ་དོན་གཞིར་འཛིན་པ་དང་། གོ་སྐབས་དམ་འཛིན་དང་འགལ་བ་མེད་པར་གཏོང་བ། ཁྱབ་ཁོངས་སོ་སོའི་བརྗེ་རེས་དང་མཉམ་ལས་བཟང་བོར་སྤེལ་བ་དང་རྒྱལ་ཁབ་གཉིས་ཀྱི་ཁྱོན་ཡོངས་ཀྱི་འཐབ་ཇུས་གྲོགས་པོའི་འབྲེལ་བའི་ནང་དོན་ཕུན་སུམ་ཚོགས་པོར་བཏང་སྟེ། རྒྱལ་ཁབ་གཉིས་བར་གྱི་མཉམ་ལས་ལ་རྣམ་པ་གསར་བ་གསར་སྐྲུན་བྱེད་འདོད་ཡོད་ཟེར།

ཞི་ཅིན་ཕིང་གིས་བསྟན་དོན། ཕྱོགས་གཉིས་ཀྱིས་འཐབ་ཇུས་ཀྱི་མཐོ་ཚད་དང་རྒྱང་རིང་ལ་དམིགས་ནས་རྒྱལ་ཁབ་གཉིས་བར་གྱི་མཛའ་མཐུན་མཉམ་ལས་འབྲེལ་བའི་ཁ་ཕྱོགས་ཡང་དག་དམ་འཛིན་བཟང་བོ་བྱེད་པ་དང་། ཕན་ཚུན་བར་གྱི་ཁེ་ཕན་གཙོ་བོ་དང་དོན་དག་གལ་ཆེན་ལ་འབྲེལ་བ་ཡོད་པའི་གནད་དོན་ཐད་ནས་ཕྱོགས་གཉིས་ཀར་རྒྱུས་ལོན་དང་བརྩི་བཀུར་བྱེད་དགོས། ཕྱོགས་གཉིས་ཀྱིས་མཐོ་རིམ་བར་འགྲོ་འོང་བྱེད་པའི་གནས་བབ་བཟང་བོ་རྒྱུན་འཁྱོངས་བྱེད་པ་དང་ཁྱབ་ཁོངས་སོ་སོ་དང་རིམ་པ་སོ་སོའི་འགྲོ་འོང་ལ་ཤུགས་བསྣན་ནས་ཆབ་སྲིད་ཡིད་ཆེས་ཇེ་བརྟན་དུ་གཏོང་དགོས། རང་སོ་སོའི་ཁྱད་སྟོབས་དང་བསྟུན་ནས་གཉིས་ཕན་མཉམ་ལས་བྱེད་པ་དང་ལས་གཞི་ཆེན་པོའི་མཉམ་ལས་ཀྱིས་རྒྱལ་ཁབ་གཉིས་ཀྱི་དངོས་གཉེར་མཉམ་ལས་ཐད་ལ་འདེགས་སྐྱོར་དང་སྣེ་ཁྲིད་ཀྱི་ནུས་པ་བཟང་བོ་འདོན་སྤེལ་གང་ལེགས་བྱས་ཏེ། རྒྱུད་གཅིག་ལམ་གཅིག་གྲོས་གཞི་དང་འཕེལ་རྒྱས་བགྲོད་ལམ་གྲོས་གཞི་གཉིས་སྦྲེལ་མཐུད་དངོས་འབེབ་བྱེད་པའི་འཕེལ་རིམ་ཇེ་མགྱོགས་སུ་གཏོང་དགོས། མི་གཞུང་བརྗེ་རེས་ལ་ཤུགས་བསྣན་ནས་ཉིས་སྟོང་བཅུ་དགུ་ལོའི་ཀྲུང་གོ་དང་མོང་གོལ་རྒྱལ་ཁབ་གཉིས་བར་ལ་འབྲེལ་བ་བཙུགས་ནས་ལོ་འཁོར་བདུན་ཅུ་ལོར་པར་རྗེས་དྲན་བྱེད་པའི་བརྗེ་རེས་བྱ་འགུལ་བཟང་བོར་སྤེལ་དགོས་ཟེར།

པཱ་ཐི་ཐུའུ་ལི་ཀ་ཡིས་བསྟན་དོན། ཀྲུང་གོ་ཕྱོགས་ཀྱིས་ཧྲང་ཧེ་མཉམ་ལས་རྩ་འཛུགས་ཀྱི་ཆིན་ཏོ་མཐོ་རིམ་གྲོས་ཚོགས་རྒྱལ་ཁའི་ངང་བསྡུས་པར་རྟེན་འབྲེལ་ཞུས་པ་ཡིན། མོང་གོལ་ཕྱོགས་ཀྱིས་འབད་བརྩོན་བྱས་ཏེ་ཧྲང་ཧེ་མཉམ་ལས་རྩ་འཛུགས་ཀྱི་མཉམ་ལས་ཆུ་ཚད་མཐོར་འདེགས་བྱེད་འདོད་ཡོད། བདག་གིས་འདིར་ཀྲུའུ་ཞི་ཞི་ཅིན་ཕིང་གིས་དངོས་སུ་དོ་སྣང་མཛད་དེ་རྒྱལ་ཁབ་གཉིས་ཀྱི་འབྲེལ་བའི་འཕེལ་རྒྱས་ལ་སྐུལ་འདེད་བཏང་བར་བཀའ་དྲིན་ཆེ་ཞུས་པ་དང་། ཀྲུང་གོ་ཕྱོགས་ཀྱིས་ཨེ་ཤ་ཡ་ཤར་བྱང་ས་ཁུལ་གྱི་ཞི་བདེ་གཏན་འཇགས་ལ་སྲུང་སྐྱོབ་བྱེད་པའི་ཐད་བཞག་པའི་བྱས་རྗེས་གལ་ཆེན་ལ་བསྟོད་བསྔགས་ཆེན་པོ་བྱས་པ་ཡིན། ཀྲུང་གོའི་བར་གྱི་མཛའ་མཐུན་འབྲེལ་བ་འཕེལ་རྒྱས་སུ་གཏོང་བ་དང་གཉིས་ཕན་མཉམ་ལས་བྱེད་རྒྱུ་ནི་མོང་གོལ་རྒྱལ་ཁབ་ཀྱི་ཆེས་ལེགས་པའི་ཕྱི་འབྲེལ་ཁ་ཕྱོགས་ཡིན། མོང་གོལ་ཕྱོགས་ཀྱིས་ཀྲུང་གོ་གཅིག་གི་རྩ་དོན་བློ་བརྟན་འགྱུར་མེད་ཀྱིས་རྒྱུན་འཁྱོངས་བྱེད་བཞིན་ཡོད་ལ། ཐེ་ཝན་དང་བོད་ལྗོངས་ཀྱི་ལས་དོན་ཚང་མ་ཀྲུང་གོའི་ནང་སྲིད་ཡིན་པར་ངོས་འཛིན་བཞིན་ཡོད་པ་དང་། གོང་གསལ་གྱི་རྩ་དོན་གཞིར་བཟུང་ནས་ཐེ་ཝན་དང་བོད་ལྗོངས་ལ་འབྲེལ་བ་ཡོད་པའི་གནད་དོན་ཚང་མ་ལེགས་བཅོས་བཟང་བོ་བྱེད་འདོད་ཡོད། མོང་གོལ་ཕྱོགས་ཀྱིས་ཀྲུང་གོ་ཕྱོགས་ཀྱི་མཐོ་རིམ་བར་གྱི་འགྲོ་འོང་རྒྱུན་འཁྱོངས་བྱེད་པ་དང་ཁྱབ་ཁོངས་སོ་སོའི་བརྗེ་རེས་དང་མཉམ་ལས་ཇེ་དམ་དུ་བཏང་ནས་དམངས་ཁྲོད་མཛའ་མཐུན་འབྲེལ་བར་ཡར་སྐུལ་གཏོང་འདོད་ཡོད་ཟེར།

རྩོམ་སྒྲིག་པ། ཚེ་མཁར་རྒྱལ།

དཔྱད་མཆན 0 ཡོད།