ཀྲུང་གོ་བོད་ཀྱི་དྲ་བ།

ཀྲུང་དབྱང་ཚད་ལྡན་ཡིག་ཆ་དཔེ་སྐྲུན་ཁང་གིས་ཞི་ཅིན་ཕིང་གི་དབུལ་སྐྱོར་རྒྱས་བཤད་བཤུས་སྒྲིག་ཅེས་པའི་དཔེ་ཆ་པར་དུ་བསྐྲུན།

ཡོང་ཁུངས། : མཚོ་སྔོན་བོད་སྐད་རླུང་འཕྲིན།     སྤེལ་དུས། : 2018-08-16
ཡིག་གཟུགས། :ཆུང་། འབྲིང་། ཆེ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གུང་ཀྲུང་དབྱང་ཏང་གི་ལོ་རྒྱུས་དང་ཚད་ལྡན་ཡིག་ཆ་ཞིབ་འཇུག་གླིང་དང་རྒྱལ་སྲིད་སྤྱི་ཁྱབ་ཁང་དབུལ་སྐྱོར་གཞུང་སྒྲུབ་ཁང་གཉིས་ཀྱིས་རྩོམ་བསྒྲིགས་བྱས་པའི་ཞི་ཅིན་ཕིང་གི་དབུལ་སྐྱོར་རྒྱས་བཤད་བཤུས་སྒྲིག་ཅེས་པའི་དཔེ་ཆ་ཉེ་ལམ་ཀྲུང་དབྱང་ཚད་ལྡན་ཡིག་ཆ་དཔེ་སྐྲུན་ཁང་གིས་པར་དུ་བསྐྲུན་ནས་རྒྱལ་ཡོངས་སུ་བཀྲམ།

རྒྱས་བཤད་བཤུས་སྒྲིག་དེ་སྡོམ་པས་ཁག་བརྒྱད་དུ་བགོས་ཡོད། དབུལ་ཐར་མཁྲེགས་གཏོར་འཐབ་ཇུས་ལག་བསྟར་བྱས་ཏེ་རྒྱལ་ཁ་ཕུ་ཐག་ཆོད་པ་བླངས་ནས་འབྱོར་འབྲིང་ཁྱོན་ཡོངས་ནས་མཉམ་སྤྱོད་བྱེད་པ་དང་། ཏང་གི་འགོ་ཁྲིད་རྒྱུན་འཁྱོངས་བྱས་ཏེ་རྩ་འཛུགས་ཁག་ཐེག་ནུས་པ་ཇེ་ཆེར་གཏོང་བ། གནད་ཕིགས་འཐབ་ཇུས་རྒྱུན་འཁྱོངས་བྱས་ཏེ་དབུལ་ཐར་ཕན་འབྲས་ཇེ་མཐོར་གཏོང་བ། དངུལ་གཏོང་ཤུགས་ཚད་ཇེ་ཆེར་གཏོང་བ་རྒྱུན་འཁྱོངས་བྱས་ཏེ་མ་དངུལ་གྱི་རྒྱབ་སྐྱོར་ལ་ཤུགས་སྣོན་པ། སྤྱི་ཚོགས་སྐུལ་སློང་བྱེད་རྒྱུ་རྒྱུན་འཁྱོངས་བྱས་ཏེ་ཕྱོགས་སོ་སོའི་སྟོབས་ཤུགས་གཅིག་སྡུད་བྱེད་པ། རེ་བ་ནན་མོ་འདོན་པ་རྒྱུན་འཁྱོངས་བྱས་ཏེ་དོན་དངོས་ཀྱི་བྱ་བ་སྒྲུབ་པར་སྐུལ་འདེད་གཏོང་བ། མང་ཚོགས་གཙོ་གཞིར་འཛིན་པ་རྒྱུན་འཁྱོངས་བྱས་ཏེ་ནང་བའི་སྒུལ་ཤུགས་ཇེ་ཆེར་གཏོང་བ། ལག་རྡང་སྦྲེལ་ཏེ་དབུལ་ཕོངས་ཀྱི་རྣམ་པ་སེལ་བ་དང་མིའི་རིགས་ཀྱི་ལས་སྐལ་གཅིག་པའི་ཚོགས་པ་མཉམ་སྐྲུན་བྱེད་པ་བཅས་རེད། དཔེ་ཆ་དེའི་ནང་དུ་རྒྱས་བཤད་ཚན་པ་ཉིས་བརྒྱ་དང་ཞེ་གཉིས་བཀོད་ཡོད་པ་དང་། ཞི་ཅིན་ཕིང་གིས་ཉིས་སྟོང་བཅུ་གཉིས་ལོའི་ཟླ་བཅུ་གཅིག་པའི་ཚེས་བཅོ་ལྔ་ཉིན་ནས་ཉིས་སྟོང་བཅོ་བརྒྱད་ལོའི་ཟླ་དྲུག་པའི་བར་གྱི་གསུང་བཤད་དང་སྙན་ཞུ། མཛུབ་སྟོན། མཆན་བཀོད་མཛུབ་སྟོན་སོགས་ཚད་ལྡན་ཡིག་ཆ་དྲུག་ཅུ་ལྷག་ལས་བཤུས་ཤིང་། དེའི་ནང་གི་རྒྱས་བཤད་གང་མང་ཞིག་ཐེངས་དང་པོར་སྤེལ་བ་རེད། ཞི་ཅིན་ཕིང་གི་དབུལ་སྐྱོར་རྒྱས་བཤད་བཤུས་སྒྲིག་ཅེས་པའི་དཔེ་ཆ་པར་བསྐྲུན་འགྲེམ་སྤེལ་བྱས་པ་དེ་རྒྱལ་ཁབ་ཕྱི་ནང་གི་ཀློག་པ་པོས་ཞི་ཅིན་ཕིང་གི་དབུལ་སྐྱོར་སྐོར་གྱི་རྒྱས་བཤད་གལ་ཆེན་དང་ཀྲུང་གོའི་དབུལ་ཐར་མཁྲེགས་གཏོར་གྱི་རླབས་ཆེན་ལག་ལེན་ལ་སློབ་སྦྱོང་དང་ཞིབ་འཇུག་བྱེད་པ་དང་། འབྱོར་འབྲིང་སྤྱི་ཚོགས་ཁྱོན་ཡོངས་ནས་འགྲུབ་པར་བྱེད་པ་དང་མིའི་རིགས་ཀྱི་ལས་སྐལ་གཅིག་པའི་ཚོགས་པ་མཉམ་སྐྲུན་བྱེད་པར་དོན་སྙིང་གལ་ཆེན་ལྡན།  །

རྩོམ་སྒྲིག་པ། : མཁའ་མཚོ་སྐྱིད།