ཀྲུང་གོ་བོད་ཀྱི་དྲ་བ།

《ཞི་ཅིན་ཕིང་གིས་རྒྱུད་གཅིག་ལམ་གཅིག་གླེང་བ》ཞེས་པ་པར་འགྲེམ་བྱས་པ།

ཡོང་ཁུངས། : ཀྲུང་གོ་བོད་ཀྱི་དྲ་བ།     སྤེལ་དུས། : 2018-12-12
ཡིག་གཟུགས། :ཆུང་། འབྲིང་། ཆེ།

 ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གུང་ཀྲུང་དབྱང་ཏང་གི་ལོ་རྒྱུས་དང་ཡིག་ཚགས་ཞིབ་འཇུག་ཁང་གིས་རྩོམ་སྒྲིག་བྱས་པའི་༼ ཞི་ཅིན་ཕིང་གིས་རྒྱུད་གཅིག་ལམ་གཅིག་གླེང་བ༽ཞེས་པའི་དཔེ་དེབ་དེ། ཀྲུང་དབྱང་ཡིག་ཚགས་དཔེ་སྐྲུན་ཁང་གིས་དཔེ་སྐྲུན་བྱས་པ་དང་། ཉིན་དེ་ནས་བཟུང་རྒྱལ་ཡོངས་སུ་འགྲེམ་སྤེལ་བྱས་པ་རེད།

ཆེད་དོན་གསུང་རྩོམ་ཕྱོགས་བསྡུས་འདི་ནི་སྤྱི་ལོ2013ལོའི་ཟླ9པའི་ཚེས7ཉིན་བློ་མཐུན་ཞི་ཅིན་ཕིང་གིས་ཧ་སག་སི་ཐན་གྱི་ནཱ་བཀྲ་ཕ་ཡེ་ཧྥུའུ་སློབ་གྲྭ་ཆེན་མོར་གནང་བའི་གསུང་བཤད་ཀྱི་༼ཐུན་མོང་ཐོག་དར་གོས་ལམ་བུའི་དཔལ་འབྱོར་རྒྱུད་འཛུགས་སྐྲུན་བྱེད་༽ཅེས་པས་ནང་དོན་ཁག་ཅིག་གི་འགོ་བརྗོད་ཀྱི་ལེའུ་བྱས་པ་དང་། སྤྱི་ལོ2018ལོའི་ཟླ7པའི་ཚེས10ཉིན་བློ་མཐུན་ཞི་ཅིན་ཕིང་གིས་ཀྲུང་གོ་དང་ཨ་རབ་མཉམ་འབྲེལ་རྒྱལ་ཁབ་ཀྱི་མཉམ་ལས་གླེང་སྟེགས་ཀྱི་སྐབས་བརྒྱད་པའི་པུའུ་ཀྲང་རིམ་པའི་གྲོས་ཚོགས་ཀྱི་འགོ་ཚུགས་མཛད་སྒོའི་ཐོག་གནང་བའི་གསུང་བཤད་ཀྱི་ཁག་ཅིག་སྟེ་༼འཐབ་ཇུས་དང་བྱ་སྤྱོད་ཀྱི་འབྲེལ་མཐུད་ལ་ཤུགས་སྣོན་རྒྱག་པ་དང་། ལག་གདང་སྦྲེལ་ཏེ་རྒྱུད་གཅིག་ལམ་གཅིག་གི་འཛུགས་སྐྲུན་ལ་སྐུལ་འདེད་གཏོང་བ་༽ཞེས་པས་མཇུག་བསྡུའི་ལེའུ་བྱས་ཡོད་ཅིང་། དེའི་ནང་བློ་མཐུན་ཞི་ཅིན་ཕིང་གིས་རྒྱུད་གཅིག་ལམ་གཅིག་གི་འཛུགས་སྐྲུན་སྐོར་ལ་མཐའ་དཔྱོད་གནང་བའི་རྩོམ་ཡིག་གལ་ཆེན42བསྡུས་ཡོད་པ་དང་། ཧ་ལམ་ཡིག་འབྲུ་ཆིག་འབུམ་གསུམ་ཁྲི་ཙམ་ཡོད་པ་རེད།

ཏང་གི་ཚོགས་ཆེན་བཅོ་བརྒྱད་པ་འཚོགས་ནས་བཟུང་། བློ་མཐུན་ཞི་ཅིན་ཕིང་གིས་རྒྱལ་ནང་དང་རྒྱལ་སྤྱིའི་གནས་བབ་ཆེན་མོ་གཉིས་ལ་གཅིག་གྱུར་འཆར་འགོད་གནང་བ་དང་། འཛམ་གླིང་གི་གནས་བབ་ལ་ལྟ་ཞིབ་དང་བསམ་གཞིགས་ཟབ་མོ་གནང་བ། དུས་རབས་ཀྱི་དར་སྲོལ་དང་བསྟུན་པ་དང་། འཕེལ་རྒྱས་ཀྱི་ཆོས་ཉིད་ལ་གོམས་པར་གནང་སྟེ། ཐེངས་དང་པོར་རྒྱུད་གཅིག་ལམ་གཅིག་གི་གྲོས་འགོ་བཏོན་གནང་བ་དང་། རྒྱལ་སྤྱིའི་སྤྱི་ཚོགས་དང་ལྷག་པར་དུ་ལམ་རྒྱུད་རྒྱལ་ཁབ་ཀྱིས་དང་ལེན་གང་ལེགས་བྱས་ཡོད་པ་རེད། སྒོ་འབྱེད་ཀྱི་རྒྱ་སྐྱེད་པའི་འཐབ་ཇུས་ཀྱི་བྱ་ཐབས་གལ་ཆེན་ཞིག་ཡིན་པའི་ཆ་ནས། རྒྱུད་གཅིག་ལམ་གཅིག་མཉམ་སྐྲུན་བྱེད་པ་ནི་རང་རྒྱལ་གོ་ལ་ཧྲིལ་པོའི་སྒོ་འབྱེད་མཉམ་ལས་ནང་ཞུགས་པ་དང་། གོ་ལ་ཧྲིལ་པོའི་དཔལ་འབྱོར་བཅོས་སྐྱོང་མ་ལག་ལེགས་བཅོས་བྱེད་པ། གོ་ལ་ཧྲིལ་པོ་ལྷན་དུ་གོང་འཕེལ་དར་རྒྱས་ཡོང་བར་སྐུལ་འདེད་གཏོང་བ། མིའི་རིགས་ཀྱི་ལས་དབང་གཅིག་མཐུན་མ་ལག་འཛུགས་སྐྲུན་བྱེད་པར་སྐུལ་འདེད་གཏོང་བ་བཅས་ཀྱི་ཀྲུང་གོའི་ཐབས་ཇུས་སུ་འགྱུར་བཞིན་ཡོད། བློ་མཐུན་ཞི་ཅིན་ཕིང་གིས་རྒྱུད་གཅིག་ལམ་གཅིག་འཛུགས་སྐྲུན་གྱི་མཛུབ་སྟོན་རྩ་དོན་དང་། ཕུན་སུམ་ཚོགས་པའི་ནང་དོན། དམིགས་ཡུལ་དང་འགྲོ་ལམ་སོགས་ཀྱི་ཐད་ལ་རྒྱས་གླེང་གང་ལེགས་གནང་ཡོད་པས། རྒྱུད་གཅིག་ལམ་གཅིག་མཉམ་སྐྲུན་བྱེད་རྒྱུ་གཏིང་ཟབ་དངོས་གཉེར་དང་། བརྟན་བགྲོད་རྒྱང་འཁྱོལ་ཡོང་བར་སྐུལ་འདེད་ཀྱིས་ལམ་རྒྱུད་རྒྱལ་ཁབ་ཀྱི་མི་དམངས་ལ་བདེ་སྐྱིད་སྐྲུན་པ། མིའི་རིགས་ཀྱི་ལས་དབང་གཅིག་མཐུན་མ་ལག་འཛུགས་སྐྱོང་ལ་སྐུལ་འདེད་གཏོང་ཆེད། ཡང་དག་པའི་ཁ་ཕྱོགས་གསལ་པོར་བསྟན་ཡོད་པ་དང་། མ་འོངས་པར་འཆར་འགོད་ལེགས་པོ་བྱས་ཡོད་ལ། ཆོས་ཉིད་གལ་ཆེན་འདོན་སྤྲོད་བྱས་ཡོད་པ་རེད། །

རྩོམ་སྒྲིག་པ། : ཀླུ་མོ་མཚོ།