ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཧན་གོའི་རྒྱལ་ཚོགས་ཀྱིས་ཚེས་དགུའི་ཉིན་ཙུང་ཐུང་གི་རང་འཚང་ཐེར་འདོན་ཇུས་གཞིར་བརྡས་ཐག་གཅོད་རྒྱུ་ཡིན་པ་དང་། སྲིད་འཛིན་ཏང་རྒྱལ་ཁབ་ཏང་གིས་ཚེས་བརྒྱད་ཉིན་གྱི་ཕྱི་དྲོར་གྲོས་མིའི་ཚོགས་ཆེན་བསྡུས་ཏེ། ཙུང་ཐུང་གི་རང་འཚང་ཐེར་འདོན་ཇུས་གཞིར་བརྡས་ཐག་མ་བཅད་གོང་། ཙུང་ཐུང་གི་རང་འཚར་ཐེར་འདོན་བྱ་བར་ཇི་ལྟར་གདོང་གཏོད་པར་གྲོས་བསྡུར་བྱེད་རྒྱུ་ཡིན་ཟེར།
སྲིད་འཛིན་ཏང་གིས་ཉིན་དེར་བསྡུས་པའི་གྲོས་མིའི་ཚོགས་ཆེན་སྟེང་། ཏང་གི་བཅོས་བསྒྱུར་ཇུས་གཞི་དང་ཐེར་འདོན་ཇུས་གཞིར་བརྡས་ཐག་བཅད་རྗེས་ཀྱི་ལམ་ཐིག་འཆར་གཞིའི་ཐད་ནས་གྲོས་མིའི་བསམ་འཆར་ལ་ཉན། གྲོས་མིའི་ཚོགས་ཆེན་མ་བསྡུས་གོང་། ཏང་གི་མགོ་ཁྲིད་པས་ཡོངས་བསྒྲགས་མ་ཡིན་པའི་ཆེས་མཐོའི་མགོ་ཁྲིད་ཨུ་ཡོན་ལྷན་ཁང་གི་གྲོས་ཚོགས་བསྡུས་པ་རེད།