ཀྲུང་གོ་བོད་ཀྱི་དྲ་བ།

ཧན་གོའི་ཕྱི་འབྲེལ་པུའུ་ཡིས་ཁྲའོ་ཞན་གྱིས་ཉིན་རིམ་ལ་བྲེལ་བ་ཆེ་བའི་དབང་གིས་ཁྲའོ་ཞན་དང་ཨ་མེ་རི་ཁའི་མཐོ་རིམ་གྲོས་མོལ་རྗེས་སུ་སྣུར་བར་བཤད།

ཡོང་ཁུངས། : མཚོ་སྔོན་བོད་སྐད་རླུང་འཕྲིན།     སྤེལ་དུས། : 2018-11-09
ཡིག་གཟུགས། :ཆུང་། འབྲིང་། ཆེ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  ཧན་གོའི་ཕྱི་འབྲེལ་པུའུ་ཡིས་ཚེས་བརྒྱད་ཉིན་བཤད་རྒྱུར། ཨ་མེ་རི་ཁ་ཕྱོགས་ཀྱིས་ཧན་གོར་བསྟན་དོན། ཁྲའོ་ཞན་ཕྱོགས་ཀྱིས་ཉིན་རིམ་བྲེལ་བ་ཆེ་བའི་དབང་གིས་སྔོན་ཆད་གཟའ་འཁོར་འདིར་སྤེལ་བར་ཐག་བཅད་ཡོད་པའི་ཨ་མེ་རི་ཁ་དང་ཁྲའོ་ཞན་གྱི་མཐོ་རིམ་གྲོས་མོལ་དེ་རྗེས་སུ་སྣུར་རྒྱུའི་གྲོས་གཞི་བཏོན་ཡོད་ཟེར། 

ཉིན་དེའི་རྒྱུན་ལྡན་གྱི་གསར་འགོད་པའི་སྣེ་ལེན་ཚོགས་འདུའི་སྟེང་། ཧན་གོའི་ཕྱི་འབྲེལ་པུའུ་ཡི་མགྲིན་ཚབ་པ་གཞོན་པ་ཅིན་ཏི་ཧོན་གྱིས་གསར་འགོད་པའི་དྲི་བར་ལན་འདེབས་སྐབས་བཤད་རྒྱུར། ཧན་གོའི་ཕྱོགས་ལ་ཨ་མེ་རི་ཁའི་ཐེངས་འདིའི་ཁྲའོ་ཞན་དང་ཨ་མེ་རི་ཁའི་མཐོ་རིམ་གྲོས་མོལ་རྗེས་སུ་སྣུར་བའི་འབྲེལ་ཡོད་གསལ་བཤད་འབྱོར་ཡོད། ཨ་མེ་རི་ཁ་ཕྱོགས་ཀྱི་གསལ་བཤད་ལྟར་ན། ཁྲའོ་ཞན་གྱིས་ཉིན་རིམ་བྲེལ་བ་ཆེ་བའི་དབབང་གིས་གྲོས་མོལ་རྗེས་སུ་སྣུར་བའི་གྲོས་གཞི་བཏོན་པ་རེད། 
ཨ་མེ་རི་ཁའི་རྒྱལ་སྲིད་སྤྱི་ཁྱབ་ཁང་གིས་ཚེས་བདུན་ཉིན་གསལ་སྒྲོག་སྤེལ་ཏེ། རྒྱལ་སྲིད་བློན་ཆེན་ཕིན་ཕའེ་ཨོ་ཡིས་གཟའ་འཁོར་འདིའི་ནང་ཁྲའོ་ཞན་ངལ་རྩོལ་ཏང་ཀྲུང་དབྱང་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ་ཅིན་དབྱིན་ཀྲེ་དང་མཉམ་དུ་སྤེལ་བར་ཐག་བཅད་ཡོད་པའི་གྲོས་མོལ་དེ་རྗེས་སུ་སྣུར་རྒྱུ་ཡིན་ཟེར། གསལ་སྒྲོག་ལས་རྗེས་སུ་སྣུར་བའི་བྱེ་བྲག་གི་རྒྱུ་རྐྱེན་བཤད་མེད་ལ། ཨ་མེ་རི་ཁ་དང་ཁྲའོ་ཞན་གྱི་མིག་སྔའི་གྲོས་མོལ་ཚོགས་འདུ་མུ་མཐུད་དུ་སྤེལ་རྒྱུ་ཡིན་པ་དང་། ཨ་མེ་རི་ཁས་སྔར་བཞིན་རྒྱལ་ཁབ་གཉིས་ཀྱི་མགོ་ཁྲིད་པས་ཟླ་དྲུག་པར་སིང་ག་ཕོར་གྱི་གྲོས་མོལ་སྐབས་སུ་བཞག་པའི་ཁས་ལེན་དམ་བཅའ་དངོས་འབེབ་བྱེད་པར་བརྩོན་རྒྱུའི་ཚུལ་བསྟན།


རྩོམ་སྒྲིག་པ། : ཚེ་མཁར་རྒྱལ།