ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨ་མེ་རི་ཁའི་ཨ་ཧྥེ་རི་ཁ་གླིང་དམག་སྤྱི་ཁང་གིས་ཚེས་གཉིས་ཉིན་གྱི་དགོང་མོར་གསལ་སྒྲོག་སྤེལ་ཏེ། ཨ་མེ་རི་ཁའི་དམག་དཔུང་གིས་ཚེས་གཅིག་ཉིན་སོ་མཱ་ལིའི་ལྷོ་ཕྱོགས་ཀྱི་ཞེ་པེ་ལེ་ཞོལ་མ་ཀྲིག་ནས་ན་གཞོན་ཏང་ཞེས་པའི་ཐལ་སྤྱོད་རྩ་འཛུགས་ཀྱི་དམིགས་འབེན་ལ་བར་སྣང་འཇབ་རྒོལ་བྱས་ཏེ། རྩ་འཛུགས་དེའི་དྲག་ཆས་ཉེས་ཅན་བཅུ་གསུམ་བསད་ཟེར།
གསལ་སྒྲོག་ལས་བཤད་རྒྱུར། ཆམ་ཕབ་བཏང་བའི་དམིགས་འབེན་དེ་སོ་མཱ་ལིའི་རྒྱལ་ས་མའོ་ཅཱ་ཏིས་ཧྲ་ལྷོ་ནུབ་ཕྱོགས་ཀྱི་སྤྱི་ལེ་ཞེ་བརྒྱད་ཡོད་པའི་ཀན་ཏཱ་ཨར་ཧྲི་གྲོང་རྡལ་ཉེ་འདབས་སུ་ཡོད། བར་སྣང་འཇབ་རྒོལ་ཁྲོད་མི་སྣར་ཤི་རྨས་ཐེབས་མེད་ཟེར།
གསལ་སྒྲོག་ལས་བཤད་རྒྱུར། ཨ་མེ་རི་ཁའི་དམག་དཔུང་གིས་མུ་མཐུད་དུ་སོ་མཱ་ལི་རུ་སྡོད་པའི་ཨ་ཧྥེ་རི་ཁ་གླིང་མནའ་འབྲེལ་གྱི་ཆེད་མངག་ཚོགས་པ་དང་སོ་མཱ་ལིའི་སྲིད་གཞུང་དམག་དཔུང་བར་མཉམ་ལས་བྱས་ཏེ་ན་གཞོན་ཏང་ཞེས་པའི་ཐལ་སྤྱོད་དྲག་ཆས་པར་ཆམ་ཕབ་གཏོང་རྒྱུ་ཡིན་ཟེར། །