ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨ་མེ་རི་ཁའི་ཕོ་བྲང་དཀར་པོའི་གསར་འགྱུར་དྲུང་ཡིག་ཆེན་མོ་སིང་ཏི་སི་ཡིས་ཚེས་དགུའི་ཉིན་ཁྱབ་སྒྲོག་བྱས་དོན། ཨ་མེ་རི་ཁའི་ཙུང་ཐུང་ཐི་ལིང་ཕུའུ་ཡིས་ད་ལོའི་ཟླ་དང་པོ་ནས་བཟུང་རྒྱལ་སྲུང་པུའུ་ཀྲང་ཚབ་མའི་འགན་ཁུར་བའི་ཧྲ་ནཱ་ཧན་གྱིས་དངོས་སུ་ཟུར་ལྔའི་ཐོག་ཁང་ཆེན་མོར་བདག་དམ་བྱེད་པར་མིང་འདོན་བྱེད་རྒྱུ་རེད་ཟེར།
སིང་ཏི་སི་ཡིས་ཉིན་དེར་གསལ་སྒྲོག་ཅིག་ལས་བཤད་རྒྱུར། ཧྲ་ནཱ་ཧན་གྱིས་འདས་པའི་ཟླ་ངོ་འགའི་ནང་རྒྱལ་སྲུང་བློན་ཆེན་ཚབ་མའི་འགན་ཁུར་བ་ལས་འཇོན་ནུས་ཁྱད་དུ་འཕགས་པ་དང་། ཁོས་རྒྱལ་སྲུང་པུའུ་ལ་མགོ་ཁྲིད་བྱེད་པའི་ནུས་པ་ཡོད་པ་བདེན་དཔང་ཐོབ་ཡོད་པས། ཐི་ལིང་ཕུའུ་ཡིས་ཧྲ་ནཱ་ཧན་དངོས་སུ་རྒྱལ་སྲུང་བློན་ཆེན་དུ་མིང་འདོན་བྱེད་རྩིས་ཡོད་ཟེར། །