གླིང་གེ་སར་རིག་གནས་ཀྱི་དཔྱད་གླེང་འདུ་འཛོམས་ཆེན་མོ་སྐབས་དང་པོ་གནའ་མཁར་ཟི་ལིང་ནས་བསྡུས།

0000000.jpg

    ཀྲུང་གོ་བོད་ཀྱི་དྲ་བའི་འཕྲིན།(གསར་འགོད་པ། བསམ་འཕེལ་ནོར་བུ། ཚེ་མཁར་རྒྱལ། ཚེ་རིང་རྒྱ་མཚོ།) ཟླ12པའི་ཚེས6ཉིན་གྱི་སྔ་དྲོར། གླིང་གེ་སར་རིག་གནས་ཀྱི་དཔྱད་གླེང་འདུ་འཛོམས་ཆེན་མོ་སྐབས་དང་པོ་གནའ་མཁར་ཟི་ལིང་ནས་གཟབ་རྒྱས་ངང་ཚོགས།

   ཐེངས་འདིའི་གེ་སར་རིག་གནས་དཔྱད་གླེང་ཚོགས་འདུ་སྟེང་མཚོ་སྔོན་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་རིན་ཆེན་རྣམ་རྒྱལ་དང་རྒྱལ་ཡོངས་གེ་སར་རིག་གནས་ཞིབ་འཇུག་ཁང་གི་ཀྲུའུ་རེན་ནོར་བུ་དབང་ལྡན། སི་ཁྲོན་ཞིང་ཆེན་རིག་གནས་ཐིན་གྱི་ཐིན་ཀྲང་ཚེ་བྷོ།མཚོ་སྔོན་ཞིང་ཆེན་གེ་སར་རིག་གནས་ཞིབ་འཇུག་ཁང་གི་འགོ་གཙོ་དབང་གྲགས། མགོ་ལོག་ཁུལ་གེ་སར་ཞིབ་འཇུག་ལྟེ་གནས་ཀྱི་ཚོགས་གཙོ་མཚོ་སྐྱེས་རྡོ་རྗེ། མཚོ་སྔོན་ཞིང་ཆེན་རྩོམ་རིག་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པ་ཟུར་པ་གཅོད་པ་དོན་འགྲུབ། མཁན་ཆེན་ཚུལ་ཁྲིམས་བློ་གྲོས། མཁན་སྤྲུལ་ཀུན་བཟང་རྒྱལ་མཚན་སོགས་པེ་ཅིན་དང་བོད་ལྗོངས། སི་ཁྲོན། ཡུན་ནན། ཀན་སུའུ། ནང་སོག མཚོ་སྔོན་བཅས་ཀྱི་བླ་སྤྲུལ་དང་ཆེད་མཁས་པ་མང་པོ་ཞིག་ཚོགས་འདུར་ཞུགས་ཡོད། ཚོགས་འདུར་མཁན་སྤྲུལ་ཀུན་བཟང་རྒྱལ་མཚན་གྱིས་དབུ་འཛིན་མཛད། 

000222111.jpg

 དཔྱད་གླེང་ཚོགས་འདུའི་སྟེང་མཚོ་སྔོན་ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་སྟག་འབུམ་ཐར་དང་གེ་སར་རིག་གནས་ཀྱི་ཆེད་མཁས་པ་སློབ་དཔོན་འཇམ་དབྱངས་རྒྱ་མཚོ་བཅས་ཀྱིས་སྐུར་ཡོང་བའི་ཤིས་ཚིག་སྒྲོག་འདོན་བྱས། རྒྱལ་ཡོངས་གེ་སར་ཞིབ་འཇུག་ཁང་གི་ཀྲུའུ་རེན་ནོར་བུ་དབང་ལྡན་གྱིས་གསུང་བཤད་གནང་ཞིང་། ཁོང་གིས་ཐོག་མར་ཐེངས་འདིའི་དཔྱད་གླེང་ཚོགས་འདུ་གཙོ་སྒྲུབ་བྱེད་མཁན་གྱི་མཚོ་སྔོན་སེང་འབྲུག་སྟག་རྩེ་བོད་ཀྱི་རིག་གནས་ཁྱབ་སྤེལ་ཚད་ཡོད་སྤྱི་གཉེར་ཁང་ལ་བཀའ་དྲིན་ཞུ་བ་དང་ཆབས་ཅིག གེ་སར་རིག་གནས་ཀྱི་ད་ལྟའི་གནས་བབ་དང་མ་འོངས་བའི་འཕེལ་ཕྱོགས། ད་དུང་གེ་སར་རིག་གནས་ཉམས་པ་སླར་གསོ་དང་། མ་ཉམས་གོང་འཕེལ་བཅས་ནས་བསམ་ཚུལ་བརྗོད་པ་དང་རེ་བ་ནན་མོ་བཏོན།

WechatIMG222.jpeg

      གེ་སར་རྒྱལ་པོའི་སྒྲུང་ནི་བོད་རིགས་མི་དམངས་ཀྱི་ཐུན་མོང་གི་བློ་གྲོས་ཀྱི་རྩལ་ལས་ཐོན་པའི་བྱུང་བརྗོད་སྙན་ངག་རིང་མོ་ཞིག་ཡིན་ཞིང་། རང་རེའི་ཁ་བའི་ཡུལ་འདིར་དུས་སྔ་མོ་ནས་དར་རྒྱ་ཤིན་ཏུ་ཆེ་བ་དང་མང་ཚོགས་ཀྱིས་ཀྱང་དགའ་བསུ་ཆེན་པོ་བྱེད་བཞིན་མཆིས་ལ། གེ་སར་སྒྲུང་གི་བརྗོད་བྱའི་དོན་གྱི་ཆ་ནས་བལྟས་ནའང་བོད་གནའ་རབས་ཀྱི་ཆབ་སྲིད་དང་དམག་དོན། རིག་གནས། ཆོས་ལུགས། དམངས་སྲོལ་བཅས་མཚོན་པའི་དཔའ་བོའི་ལོ་རྒྱུས་བརྗོད་པའི་སྙན་ངག་རིང་མོ་ཞིག་ཡིན། དེར་གླིང་གེ་སར་རྒྱལ་པོས་གཙོ་མཛད་པའི་དཔའ་རྟུལ་སུམ་ཅུས་བཙན་པོ་གཉའ་ནས་གནོན་པ་དང་དབུལ་ཕོངས་མཐའ་ནས་སྐྱོང་སླད། ཕྱོགས་བཞིའི་དགྲ་བཞི་བཏུལ་བ་དང་རྫོང་ཆེན་བཅོ་བརྒྱད་དང་རྫོང་ཕྲན་གྲངས་མེད་ཆམ་ལ་ཕབ་པའི་ལོ་རྒྱུས་དག་གསལ་ལེར་བརྗོད་ཡོད།

WechatIMG220.jpeg

WechatIMG227.jpeg

WechatIMG221.jpeg

WechatIMG219.jpeg

WechatIMG228.jpeg

  ཚོགས་ཡུན་ཉིན་གསུམ་གྱི་རིང་ལ། ཚོགས་ཞུགས་བླ་སྤྲུལ་དང་ཆེད་ལས་མཁས་པ་རྣམ་པས་གེ་སར་རིག་གནས་ཀྱི་རྒྱུད་འཛིན་དང་དར་སྤེལ། མ་འོངས་བའི་ཞིབ་འཇུག་ཁ་ཕྱོགས་བཅས་ཀྱི་ཐད་ཕྱོགས་སོ་སོ་ནས་བགྲོ་གླེང་མཛད་རྒྱུ་རེད།  །

333333.jpg

ཚོགས་ཞུགས་ལྷན་རྒྱས་ཀྱིས་རྗེས་དྲན་གྱི་འདྲ་པར་བསྐྱོན་པ།

རྩོམ་སྒྲིག་པ། ཚེ་རིང་རྒྱ་མཚོ།

དཔྱད་མཆན 0 ཡོད།