ཉིས་སྟོང་བཅོ་བརྒྱད་ལོའི་ཀྲུང་གོ་མཚོ་སྔོན་བོད་ལུགས་ས་གདན་རྒྱལ་སྤྱིའི་འགྲེམ་སྟོན་ཚོགས་འདུའི་རྩ་འཛུགས་ཨུ་ཡོན་ལྷན་ཁང་གི་བྱ་བའི་གྲོས་ཚོགས་བསྡུས།

ཀྲུང་གོ་བོད་ཀྱི་དྲ་བའི་འཕྲིན། ཟླ་ལྔ་བའི་ཚེས་བཅོ་ལྔ་ཉིན། ཉིས་སྟོང་བཅོ་བརྒྱད་ལོའི་ཀྲུང་གོ་མཚོ་སྔོན་བོད་ལུགས་ས་གདན་རྒྱལ་སྤྱིའི་འགྲེམ་སྟོན་ཚོགས་འདུའི་རྩ་འཛུགས་ཨུ་ཡོན་ལྷན་ཁང་གི་བྱ་བའི་གྲོས་ཚོགས་བསྡུས་པ་དང་། ཚོགས་ཐོག་ནས་འགྲེམ་སྟོན་ཚོགས་འདུའི་གྲ་སྒྲིག་འཕེལ་རིམ་གནས་ཚུལ་ཡར་ཞུ་བྱས་པར་ཉན་པ་དང་གོམ་རིམ་རྗེས་མའི་བྱ་བར་བཀོད་སྒྲིག་བྱས། མཚོ་སྔོན་ཞིང་ཆེན་གྱི་ཧྲིན་ཀྲང་གཞོན་པ་ཐེན་ཅིན་ཁྲིན་གྱིས་གྲོས་ཚོགས་ལ་འགོ་འཛིན་བྱས་པར་མ་ཟད་གཏམ་བཤད།

ཚོགས་ཐོག་ནས་བསྟན་དོན། མཚོ་སྔོན་ཞིང་ཆེན་ཏང་ཨུ་དང་སྲིད་གཞུང་གིས་བོད་ལུགས་ས་གདན་རྒྱལ་སྤྱིའི་འགྲེམ་སྟོན་ཚོགས་འདུ་བསྡུ་བར་ཧ་ཅང་མཐོང་ཆེན་བྱེད་བཞིན་ཡོད། ས་གནས་སོ་སོ་དང་འབྲེལ་ཡོད་ལས་ཁུངས་སོ་སོས་མཚོ་སྔོན་ཞིང་ཆེན་ཏང་ཨུ་དང་སྲིད་གཞུང་གི་བཀོད་སྒྲིག་དང་རེ་བ་ལྟར། བཀོད་སྒྲིག་དང་རྩ་འཛུགས་ཞིབ་མོ་བྱེད་པ་དང་རོགས་ལས་དམ་པོ་བྱས་ཏེ། འགྲེམ་སྟོན་བྱེད་ས་དང་ཞབས་ཕྱིའི་སྣེ་ལེན། དྲིལ་སྒྲོག་ཁྱབ་གདལ། ཡུལ་དངོས་ཀྱི་ཞབས་ཕྱི་སོགས་བྱ་བ་སྣ་ཚོགས་བཟང་བོར་སྒྲུབ་ནས། འགྲེམ་སྟོན་གྱི་སྤུས་ཚད་ཇེ་མཐོར་གཏོང་དགོས་པར་མ་ཟད། འགྲེམ་སྟོན་གྱི་བདེ་འཇགས་བྱ་བ་བཟང་བོར་སྒྲུབ་པ་དང་ཧུར་ཐག་སྒོས་སྐབས་འདིའི་འགྲེམ་སྟོན་ཚོགས་འདུ་དེར་ཁྱད་ཆོས་སྔར་ལས་ལྡན་པ་དང་གཞི་ཁྱོན་སྔར་ལས་ཆེ་ལ་སྤུས་ཚད་སྔར་ལས་མཐོ་བ་ཞིག་ཏུ་སྒྲུབ་དགོས་ཟེར། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།