བོད་ཤོག་ནི་དུས་རབས་ནས་དུས་རབས་བར་འཛིན་སྐྱོང་སྤེལ་གསུམ་བྱས་པའི་དམངས་ཁྲོད་ཀྱི་བཟོ་རྩལ་ཐོན་རྫས་ཡིན།

༄༅།།བོད་ཤོག་ནི་དུས་རབས་ནས་དུས་རབས་བར་འཛིན་སྐྱོང་སྤེལ་གསུམ་བྱས་པའི་དམངས་
ཁྲོད་ཀྱི་བཟོ་རྩལ་ཐོན་རྫས་ཡིན་པ།

     བོད་ཀྱི་ཤོག་བུ་བཟོ་བའི་ལག་རྩལ་ནི་ལོ་རྒྱུས་ཡུན་རིང་ལྡན་ཞིང་། བོད་རྒྱལ་གདུང་རབས་སོ་གསུམ་པ་སྲོང་བཙན་སྒམ་པོས་བལ་བཟའ་ཁྲི་བཙུན་དང་རྒྱ་བཟའ་ཀོང་ཇོ་གཉིས་བཙུན་མོར་བསུ་དུས་ནས་སྒམ་ཆུང་མང་པོའི་ནང་ཉར་ཚགས་བྱས་ཡོད་པའི་བོད་ཤོག་སྟེང་བྲིས་པའི་འཕྲིན་ཡིག་ཡོད་པ་དང་། བོད་རྒྱལ་སོ་བདུན་པ་ཁྲི་སྲོང་ལྡེ་བཙན་གྱི་སྐབས་སུ། བོད་ཤོག་བཟོ་བའི་བཟོ་རྩལ་ནི་དར་རྒྱས་ཧ་ཅང་ཆེན་པོ་བྱུང་ཡོད་པ་མ་ཟད། དཔར་དུ་བཏབ་པའི་གསུང་རབ་གླེགས་བམ་ཆེན་པོའང་ཡོད་པ་བྱུང་ཞིང་། ཟླ་རེར་ད་དུང་སློབ་དཔོན་དང་། མཁན་པོ། བླ་མ་བཅས་མི་13དང་། སློབ་མ་25 སྒོམ་ཆེན་25བཅས་ལ་བོད་ཤོག་སྤྲོད་ཀྱི་ཡོད་ཅིང་། བོད་ཤོག་སྟེང་དུ་བཙན་པོས་མཛད་པའི་དོན་ཆེན་དང་ཕབ་པའི་བཀའ་རྒྱ་ཐོ་འགོད་བྱས་ནས་ཉར་ཚགས་བྱེད་ཀྱི་ཡོད་པ་རེད། ཕོ་བྲང་པོ་ཏ་ལའི་ཕོ་བྲང་དམར་པོ་བཞེངས་སྐབས་སུ་སྤྱོད་པའི་བོད་ཤོག་ནི་རིགས་8ཟིན་ཡོད་པ་དང་། 《འཛམ་གླིང་རྒྱ་ཕིབས་རྒྱན་གཅིག་》ཅེས་པའི་དཀར་ཆག་ཏུ་བཀོད་པར་ལྟར་ན། ཤོག་བུ་འདི་དག་ནི་བོད་ཁུལ་ས་གནས་ཁག་ནས་བཟོས་པ་ཡིན་པ་དང་། ཤོག་བུ་བཟོ་བའི་རྒྱུ་ཆ་ཡང་བོད་ཁུལ་ནས་ཐོན་པ་ཡིན་ཞིང་། ཚང་མ་དམངས་ཁྲོད་ཀྱི་བཟོ་རྩལ་ལ་བརྟེན་ནས་བཟོས་པ་རེད། དེ་ཡང་བོད་ཤོག་བཟོ་བའི་ལས་རིམ་མང་ཞིང་བཟོ་རྩལ་རྙོག་དྲ་ཆེ་བ་ཞིག་ཡོད། གོང་གི་པར་རིས་ནི་ཚོན་མདོག་སྣ་ལྔའི་བོད་ཤོག་ཡིན། 

རྩོམ་སྒྲིག་པ། མཁའ་འགྲོ་ཚེ་བརྟན།

དཔྱད་མཆན 0 ཡོད།