ལྷ་ས་འགག་སྒོ་ལས་ཁུངས་ཀྱི་ཕྱིར་གཏོང་ནང་འདྲེན་གྱི་འགག་སྒོ་སྒྲོལ་བའི་དུས་ཚོད་ཐུང་དུ་གཏོང་ཚད50%ལས་བརྒལ་བ།

ཀྲུང་གོ་བོད་ཀྱི་དྲ་བའི་འཕྲིན། 2018ལོར་ལྷ་ས་འགག་སྒོ་ལས་ཁུངས་ཀྱི་ནང་འདྲེན་གྱི་སྤྱི་ཡོངས་ཀྱི་འགག་སྒོ་སྒྲོལ་བའི་དུས་ཚོད་ཆུ་ཚོད33.89ཡིན་པ་དང་དུས་ཚོད་ཐུང་དུ་གཏོང་ཚད56.23%ཟིན་པ་དང་། ཕྱིར་གཏོང་གི་སྤྱི་ཡོངས་ཀྱི་འགག་སྒོ་སྒྲོལ་བའི་དུས་ཚོད་ཆུ་ཚོད3.89ཡིན་པ་དང་དུས་ཚོད་ཐུང་དུ་གཏོང་ཚད65.95%ཟིན་ནས་ལོའི་ནང་དུས་ཚོད་གསུམ་ཆ་གཅིག་ཐུང་དུ་གཏོང་བའི་ལས་འགན་གྱི་དམིགས་ཚད་ཚད་བརྒལ་ངང་ལེགས་སྒྲུབ་བྱས་པ་རེད།

ལྷ་ས་འགག་སྒོ་ལས་ཁུངས་ཀྱིས་འགག་སྒོའི་སྤྱི་ཁྱབ་ཧྲུའུ་ཡི་བཀོད་སྒྲིག་ལ་ནན་པོ་གཞིགས་ནས་འགག་སྒོ་ཞིབ་བཤེར་གྱི་ལྟ་འདོམས་ལག་ཁྱེར་རིགས86ནས་རིགས46བར་ཉུང་དུ་བཏང་བ་དང་། གསང་སྲུང་སོགས་ཀྱི་རེ་བ་ཡོད་པའི་ལག་ཁྱེར་རིགས4ཕུད་དྲ་སྦྲེལ་ཞིབ་བཤེར་ཚང་མ་རྦད་དེ་མངོན་འགྱུར་ཐུབ་སྟེ། ནུས་ཤུགས་ཡོད་རྒུས་ཕྱིར་གཏོང་ནང་འདྲེན་གྱི་བརྒྱུད་རིམ་གྱི་ལུགས་མཐུན་མ་གནས་ཆུང་དུ་གཏོང་རྒྱུར་སྐུལ་འདེད་གཏོང་བ་དང་། གྲོན་བསྡུའི་དཀར་ཆག་གསལ་ཐོ་ཡོངས་བསྒྲགས་བྱེད་པ། བོད་ལྗོངས་འགག་སྒོའི་འགག་སྒོ་སྒྲོལ་བའི་སྟབས་བདེ་ཅན་གྱི་ཆུ་ཚད་བརྟན་པོའི་ངང་མཐོ་རུ་གཏོང་བ་བཅས་བྱས་པས་ཚོང་གཉེར་ཁོར་ཡུག་རིམ་གྱིས་ལེགས་སུ་ཕྱིན་ཡོད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།