ཀྲུང་གོ་བོད་ཀྱི་དྲ་བ།

ཡུན་ནན་གྱིས་མངོན་མིན་རིག་གནས་ཤུལ་བཞག་སྲུང་སྐྱོང་ལ་ཤུགས་སྣོན་རྒྱག་དགོས་པའི་བསམ་འཆར་བཏོན་པ།

ཡོང་ཁུངས། : བོད་ལྗོངས་ཉིན་རེའི་ཚགས་པར།     སྤེལ་དུས། : 2018-02-13
ཡིག་གཟུགས། :ཆུང་། འབྲིང་། ཆེ།

ཀྲུང་གོ་བོད་ཀྱི་དྲ་བའི་འཕྲིན། ཉིན་ཤས་གོང་ཡུན་ནན་ཞིང་ཆེན་མི་དམངས་སྲིད་གཞུང་གིས《མངོན་མིན་རིག་གནས་ཤུལ་བཞག་གི་སྲུང་སྐྱོང་ལས་དོན་ལ་སྔར་བས་ཤུགས་སྣོན་རྒྱག་རྒྱུའི་སྐོར་གྱི་བསམ་འཆར》(གཤམ་དུ《བསམ་འཆར》ཞེས་བསྡུ་རྒྱུ)བཏོན་ཏེ། 2020ལོར་སླེབས་སྐབས་རང་རེའི་ཞིང་ཆེན་གྱི་རྒྱལ་ཁབ་རིམ་པ་དང་ཞིང་ཆེན་རིམ་པའི་མངོན་མིན་རིག་གནས་ཤུག་བཞག་སྲུང་སྐྱོང་གི་མིང་ཐོ་དང་དེ་བཞིན་འཐུས་ཚབ་རང་བཞིན་གྱི་རྒྱུན་འཛིན་པར་ཡིག་ཚགས་བཟོ་བའི་ལས་དོན་ཕྱོགས་ཡོངས་ནས་ལེགས་སྒྲུབ་བྱ་རྒྱུ་དང་། མངོན་མིན་རིག་གནས་ཤུལ་བཞག་གི་ཟིན་ཐོ་དང་གྲངས་གཞི་ཅན་གྱི་སྲུང་སྐྱོང་འདུ་འགོད་ཕྱོགས་ཡོངས་ནས་ལག་ལེན་བསྟར་རྒྱུ། རྒྱལ་ཁབ་རིམ་པའི་རིག་གནས་སྣོད་བཅུད་སྲུང་སྐྱོང་ཚོད་ལྟ་ཁུལ་གྱི་འཛུགས་སྐྲུན་ལ་སྐུལ་འདེད་བརྟན་པོ་གཏོང་རྒྱུ། ཞིང་ཆེན་རིམ་པའི་མི་རིགས་སྲོལ་རྒྱུན་རིག་གནས་ཀྱི་སྣོད་བཅུད་སྲུང་སྐྱོང་ཁུལ་ཕྱོགས་ཡོངས་ནས་སྐྲུན་འགོ་འཛུགས་རྒྱུ་བཅས་དང་། རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་སྲུང་སྐྱོང་མིང་ཐོའི་རྣམ་གྲངས130བར་མང་དུ་གཏོང་རྒྱུ་དང་། ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་གི་སྲུང་སྐྱོང་མིང་ཐོའི་རྣམ་གྲངས500ཡན་མང་དུ་གཏོང་རྒྱུ། རྒྱལ་ཁབ་རིམ་པའི་འཐུས་ཚབ་རང་བཞིན་གྱི་རྒྱུན་འཛིན་པ་ངོས་འཛིན་བྱས་པའི་མི་གྲངས100ཟིན་པ་བྱ་རྒྱུ། ཞིང་ཆེན་རིམ་པའི་འཐུས་ཚབ་རང་བཞིན་གྱི་རྒྱུན་འཛིན་པ་ངོས་འཛིན་བྱས་པའི་མི་གྲངས1500ཟིན་པ་བྱ་རྒྱུ་བཅས། རྒྱལ་ཁབ་རིམ་པ་དང་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་གི་ཐོན་སྐྱེད་རང་བཞིན་གྱི་སྲུང་སྐྱོང་རྟེན་གཞི་25ཟིན་པ་བྱ་རྒྱུ། ཞིང་ཆེན་རིམ་པའི་མི་རིགས་ཀྱི་སྲོལ་རྒྱུན་རིག་གནས་ཀྱི་སྣོད་བཅུད་སྲུང་སྐྱོང་ཁུལ100ཟིན་པ་བྱ་རྒྱུ། ཞིང་ཆེན་ཡོངས་ཀྱི་མངོན་མིན་རིག་གནས་ཤུལ་བཞག་གི་རྒྱུན་འཛིན་རྟེན་གཞི་དང་ཁྲིད་སྦྱོང་ཁང(སུའོ)གི་གྲངས་འབོར300ཡན་ཟིན་པ་བྱ་རྒྱུ་བཅས་ཁ་གསལ་བཏོན་ཡོད།

《བསམ་འཆར》ནང་དཔྱད་ཞིབ་དོ་དམ་ལ་ཤུགས་སྣོན་བརྒྱབ་ནས་སྲུང་སྐྱོང་གི་ཆ་རྐྱེན་དང་འཚམ་པའི་རྣམ་གྲངས་ཞིང་ཆེན་དང། ཀྲོའུ་གྲོང་ཁྱེར་། རྫོང་བཅས་རིམ་གསུམ་མངོན་མིན་རིག་གནས་ཤུལ་བཞག་གི་སྲུང་སྐྱོང་མིང་ཐོའི་མ་ལག་ཏུ་སོ་སོར་བཅུག་སྟེ་སྲུང་སྐྱོང་གི་རིན་ཐང་ཆེན་པོ་ལྡན་པའི་མངོན་མིན་རིག་གནས་ཤུལ་བཞག་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་འཐུས་ཚབ་རང་བཞིན་གྱི་རྣམ་གྲངས་མིང་ཐོ་དང་མཉམ་འབྲེལ་རྒྱལ་ཚོགས་ཀྱི“མིའི་རིགས་ཀྱི་མངོན་མིན་རིག་གནས་ཤུལ་བཞག་གི་འཐུས་ཚབ་རང་བཞིན་གྱི་མིང་ཐོའི”ནང་རེ་ཞུ་བྱེད་པར་འོས་སྦྱོར་ཧུར་ཐག་བྱ་རྒྱུ་ཡིན་པ་ཁ་གསལ་བཏོན་ཡོད།   །

རྩོམ་སྒྲིག་པ། : མཁའ་མཚོ་སྐྱིད།