ཕྲེང་བ་འཆང་ཚུལ།

5582cf05N5dafb7a9.jpg2h1ཀྲུང་གོ་བོད་ཀྱི་དྲ་བ།

       ཕྲེང་བ་འཆང་ཚུལ་ལམ་ཕྲེང་བ་འཆང་བའི་དམ་ཚིག་ནི། ཕྲེང་བ་དེ་གཞན་ལ་རང་དགར་མི་སྟོན་པར་ལུས་དྲོད་དང་མི་འབྲལ་ཞིང་། གཞན་ལག་ཏུ་མི་འཇོག་པ།ཁྱད་པར་དུ་རང་དང་དམ་ཚིག་མི་གཅིག་པ་དང་། དམ་ཉམས་དང་གྲིབ་ཅན་སྡིག་ཅན་གྱི་ལག་ཏུ་འཇོག་མི་རུང་། དུས་མིན་ལ་ལག་སྟོང་དུ་མི་འདྲེན། མོ་རྩིས་ཀྱི་ཆེད་དུ་མི་བཀོལ། རབ་གནས་མེད་པར་མི་འཆང་།ཕྲེང་བ་དེ་ས་སྒྲེ་བོར་མི་འཇོག །ཁྱི་སོགས་ལ་རྡེག་བྱེད་མི་བྱ། གཞན་ལ་མི་སྦྱིན།   2h1ཀྲུང་གོ་བོད་ཀྱི་དྲ་བ།

        གོང་དུ་བཤད་པའི་སྤང་བྱའི་ཕྲེང་བ་དག་མི་འཛིན།ཕྲེང་ཐག་ཆད་ན་ཞག་མ་ལོན་པར་བརྗེ་དགོས། ཕྲེང་བ་རླན་དང་གྲིབ་ལ་འཛེམ།། གསང་བའི་ཕྲེང་བ་སྒྲུབ་པ་དང་ལས་སྦྱོར་གྱི་དུས་མ་གཏོགས་གོས་དང་ལུས་ཀྱི་བར་རམ་ཁུག་སོགས་སུ་སྦ།རིན་ཐང་ཅན་གྱི་ཕྲེང་བ་གཞན་གྱི་མཐོང་ན་རློམ་སེམས་སྐྱེ་བ་དང་ཤིན་ཏུ་དམན་པའི་ཕྲེང་བ་བཟུང་ན་བརྙས་བཅོས་བྱེད་པས་མི་འཆང་བའམ་ཀུན་ལ་མི་སྟོན་པར་སྦ་དགོས་པ་དང་།བླ་མས་གནང་བའི་ཕྲེང་བ་མི་འཆང་བར་རྟེན་དུ་འཆང་དགོས་པ་དང་། གལ་ཏེ་རང་གིས་བཟུང་བའི་ཕྲེང་བ་མཚན་ཉིད་དང་མཐུན་པ་ཉམས་གས་སུ་གྱུར་ན་སྦྱིན་སྲེག་བྱེད་པའམ་ཆུ་ལ་འདོར་དགོས།2h1ཀྲུང་གོ་བོད་ཀྱི་དྲ་བ།

        གཡར་དམ་ཉིད་དུ་འཆང་བ་ཡི། ཕྲེང་བ་གཞན་ལ་མི་སྟོན་ཅིང་། ། ལུས་ཀྱི་དྲོད་དང་མ་བྲལ་ན། །གང་བསྒྲུབ་མྱུར་དུ་འགྲུབ་པར་འགྱུར། ། དེ་བཞིན་གཞན་གྱི་ལག་མི་འགྲིམ། ། ཁྱད་པར་དམ་ཉམས་གྲིབ་ཅན་དང་།། རང་དང་དམ་ཚིག་མི་གཅིག་པའི། ། མི་ཡི་ལག་ཏུ་མི་འགྲིམ་གཅེས། ། བཟླས་པ་བྱེད་དུས་འདྲེན་པ་ལས།། དུས་མི་ལག་ལ་སྟོང་འདྲེན་མིན། ། མོ་རྩིས་སླད་དུ་བཤར་མི་བྱ།། རབ་གནས་མི་ལྡན་ཕྲེང་བ་དེ།། ནམ་ཡང་འཆང་བར་མི་བྱ་ཞིང་། ། རབ་གནས་ལྡན་པའི་ཕྲེང་བ་དེ། ། ལས་གཞན་མི་བྱ་གསང་བར་བྱ།། ས་ལ་མི་བཞག་ཡལ་མི་དོར། ། ”ཞེས་དང་། ཡང་དེ་ཉིད་ལས། “རང་གིས་བཅང་བའི་ཕྲེང་བ་དེ། ། ཉམས་པ་ལས་སོགས་སྐྱོན་ཞུགས་ན།། མེ་ཐབ་ཡེ་ཤེས་ལྷ་ལ་འབུལ། ། ཡང་ན་འབྱུང་བ་ཆུ་ལ་འབུལ། ། ཡང་ན་དམ་ཚིག་གཅིག་ངེས་པའི།། མཆེད་དང་ལྕམ་ལ་བྱིན་ནའང་རུང་། ། རང་གིས་བཅང་བར་མི་བྱའོ། ། ”ཞེས་གསུངས་པ་ལྟར་རོ། །2h1ཀྲུང་གོ་བོད་ཀྱི་དྲ་བ།

རྩོམ་སྒྲིག་པ། ཚེ་རིང་རྒྱ་མཚོ།

དཔྱད་མཆན 0 ཡོད།