ཟླ་གསུམ་པའི་ཚེས་བཅུ་ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཧྲུའུ་ཅི་ཀྲའོ་ལི་ཅི་རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་དང་པོའི་བོད་ལྗོངས་འཐུས་ཚབ་ཚོགས་པའི་གྲོས་ཞིབ་ལ་ཞུགས།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཧྲུའུ་ཅི་ཀྲའོ་ལི་ཅི་ཚེས་བཅུ་ཉིན་རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་དང་པོའི་བོད་ལྗོངས་འཐུས་ཚབ་ཚོགས་པའི་གྲོས་ཞིབ་ལ་ཞུགས།
འཐུས་མི་ཝུའུ་དབྱིན་ཅེ་དང་བློ་བཟང་རྒྱལ་མཚན། ཆེ་དགྲ་ལྷ་སོགས་ཀྱིས་གཏམ་བཤད་པར་ཉན་རྗེས། ཀྲའོ་ལི་ཅི་ཡིས་གསུངས་རྒྱུར། ཏང་གི་ཀུན་སྤྱོད་ནི་མི་སེམས་ཕྱོགས་སར་འབྲེལ་བ་ཡོད་པ་དང་། ཏང་གི་ཤི་གསོན་ཆགས་འཇིག་དང་འབྲེལ་བ་ཡོད་པས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་དང་ཏང་གི་ཚོགས་ཆེན་བཅུ་དགུ་པའི་ཀུན་སྤྱོད་འཛུགས་སྐྲུན་སྐོར་གྱི་བཀོད་སྒྲིག་དང་བླང་བྱ་ལག་བསྟར་ཟབ་མོ་བྱས་ཏེ། སྲོལ་ངན་བཞི་ཡོ་བསྲང་བྱས་ཏེ་ཀུན་སྤྱོད་བསྒྱུར་བའི་མཚམས་མི་འཇོག་པར། བརྟན་བརླིང་སྒོས་ཡུན་རིང་བོར་དམིགས་བསལ་གྱི་བསམ་བློ་དང་དམིགས་བསལ་གྱི་སྣང་ཚུལ་ལ་མཐའ་གཅིག་ཏུ་ངོ་རྒོལ་བྱེད་པ་དང་། ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཀྱི་གནད་དོན་མཐའ་གཅིག་ཏུ་ལེགས་བཅོས་བྱེད་པ། བྱ་བ་མི་སྒྲུབ་པ་དང་བྱ་བ་འགོར་འགྱངས་བྱས་ཏེ་སྒྲུབ་པ། བྱ་བ་གང་འདོད་ཀྱིས་སྒྲུབ་པ་བཅས་ཀྱི་གནད་དོན་མཐའ་གཅིག་ཏུ་ཡོ་བསྲང་བྱས་ཏེ། ཀྲུང་དབྱང་གི་གཏན་ཁེལ་བརྒྱད་ཀྱི་དགོངས་དོན་དངོས་འབེབས་བྱེད་པའི་གྲུབ་འབྲས་སྲ་བརྟན་དང་རྒྱ་བསྐྱེད་དུ་བཏང་ནས། ཀུན་སྤྱོད་ཀྱི་གནད་དོན་ཡང་བསྐྱར་མི་འབྱུང་བར་བྱེད་དགོས། དམ་འཛིན་ལྷོད་མེད་བྱེད་པ་དང་བཟོད་སྒོམ་ཅི་ཡང་མི་བྱེད་པར་གནད་དོན་རེ་རེ་བཞིན་དུ་ཐག་གཅོད་པ་དང་། དུས་མཚམས་རེ་རེ་བཞིན་དུ་བརྟན་སྲུང་བྱས་ཏེ་དོ་དམ་དེ་གོམས་སྲོལ་དུ་འགྱུར་བར་བྱེད་དགོས། མང་ཚོགས་ཀྱི་བསམ་འཆར་ལ་རྒྱ་ཆེར་ཉན་ནས་གནད་དོན་ཅི་ཞིག་ཡོད་པ་དང་དེ་ཐག་གཅོད་པ་དང་། གནད་དོན་གང་ཞིག་འབུར་ཐོན་ཡིན་ན་དེ་ལེགས་བཅོས་བྱས་ཏེ། ཀུན་སྤྱོད་འཛུགས་སྐྲུན་གྱི་ཕན་འབྲས་གསར་བས་འབྱོར་འབྲིང་སྤྱི་ཚོགས་ཕྱོགས་ཡོངས་ནས་འགྲུབ་པར་བྱེད་པའི་དྲང་ཕྱོགས་ཀྱི་ནུས་ཚད་ཆེན་པོ་གཅིག་སྡུད་བྱེད་དགོས་ཟེར།