ཀྲུང་གོ་བོད་ཀྱི་དྲ་བ།

ཞི་ཅིན་ཕིང་གིས་སློབ་ཆེན་སློབ་མར་ཕུགས་འདུན་ཆེན་པོ་དང་ནན་ནན་ཏནཏན་གྱིས་རྒྱལ་ཁབ་ཀྱི་རྐང་འཛིན་དང་ཀ་བ་བྱེད་དགོས་པའི་སྐུལ་ལྕག་གནང་བ།

ཡོང་ཁུངས། : ཀྲུང་གོ་བོད་ཀྱི་དྲ་བ།     སྤེལ་དུས། : 2019-07-17
ཡིག་གཟུགས། :ཆུང་། འབྲིང་། ཆེ།

ཀྲུང་གོ་བོད་ཀྱི་དྲ་བའི་འཕྲིན། ཚེས་16ཉིན་གྱི་སྔ་དྲོར་ནང་སོག་ཏུ་རྟོག་ཞིབ་གནང་བཞིན་པའི་སྤྱི་ཁྱབ་ཧྲུའུ་ཅི་ཞི་ཅིན་ཕིང་ནང་སོག་སློབ་ཆེན་དུ་ཕེབས་ནས་དཔེ་མཛོད་ཁང་དུ་སློབ་མ་ཚོ་དང་བྱམས་བརྩེའི་གླེང་མོལ་གནང་བ་རེད། ཞི་ཅིན་ཕིང་གིས་གཞོན་ནུ་སྟོབས་ཆེར་ཕྱིན་ན་ཀྲུང་གོ་སྟོབས་ཆེར་འགྲོ་ཐུབ། ན་གཞོན་ཚོར་བདེ་ཐང་དང་སྤྱང་གྲུང་ལྡན་པ་དང་། ཡར་རྒྱས་བརྩོན་ལེན་བྱེད་པ་མཐོང་སྐབས་སེམས་པ་དགའ་སྤྲོས་ཁེངས་བྱུང་། མ་འོངས་པ་ནི་གཞོན་ནུ་རྣམས་ལ་དབང་བ་ཡིན། ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་གྱི་འཕེལ་རིམ་ཁྲོད་ཁྱེད་ཚོའི་དུས་སྐབས་ནི་ཅི་འདྲའི་ལེགས་པ་ཞིག་རེད་ཨང་། ལོ་30སོང་རྗེས་དུས་རབས་འདིའི་དུས་དཀྱིལ་དུ་ལོ་བརྒྱ་གཉིས་པའི་འབད་འཐབ་དམིགས་ཚད་མངོན་འགྱུར་བྱེད་པའི་སྐབས་སུ་ཁྱེད་ཚོ་ནི་རྒྱལ་ཁབ་ཀྱི་རྐང་འཛིན་པ་ཡིན། ཚང་མས་ཕུགས་འདུན་ཆེན་པོ་འཆང་བ་དང་ཤེས་བྱ་ཡག་པོ་སྦྱོང་བ། རྨང་གཞི་ཡག་པོ་འདིང་བ། འཇོན་ཐང་ཆེ་རུ་བཏང་སྟེ། མ་འོངས་པར་ཀྲུང་ཧྭ་མི་རིགས་རླབས་ཆེན་བསྐྱར་དར་ཡོང་ཆེད་རང་ཉིད་ཀྱི་བློ་གྲོས་དང་སྟོབས་ཤུགས་ལེགས་སྐྱེས་སུ་འབུལ་དགོས་པར་བསྟན།

རྩོམ་སྒྲིག་པ། : ཚེ་རིང་དོན་འགྲུབ།