མདུན་ཤོག- གསར་འགྱུར།- རྒྱལ་ནང་ཐོས་གནད།

ལིག་ཡུན་ཧྲན་གྱིས་ཚན་རྩལ་ཆེད་མཁས་པ་གཙོ་བོར་འཚམས་འདྲི་མཛད་པ།

  ཡོང་ཁུངས། མཚོ་སྔོན་བོད་སྐད་རླུང་འཕྲིན།  2014-01-26 10:58

ཟླ་དང་པོའི་ཚེས25ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ལིག་ཡུན་ཧྲན་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕེན་དང་ཏང་ཀྲུང་དབྱང་གི་ཚབ་མཛད་དེ། རྒྱལ་ཁབ་ཆེས་མཐོའི་ཚན་རྩལ་བྱ་དགའ་ཐོབ་མཁན་ཞེ་ཅ་ལིན་དང་ཀྲིན་ཀྲི་མེན། ཝང་ཞའོ་མཱོ་བཅས་ལ་འཚམས་འདྲི་མཛད་དེ། ཁོ་ཚོར་སྨོན་འདུན་བཟང་པོ་ཞུས་པ་དང་། ཚན་རྩལ་བྱ་བ་སྒྲུབ་མཁན་ལ་ལོ་སར་གྱི་རྟེན་འབྲེལ་ཞུས། འདི་ནི་
 
ལིག་ཡུན་ཧྲན་གྱིས་དངོས་ཁམས་རིག་པ་བ། ཀྲུང་གོ་ཚན་རིག་གླིང་གི་ཡོན་ཧྲི་ཞེ་ཅ་ལིན་ལ་འཚམས་འདྲི་མཛད་པའི་ཚུལ་རེད།
འདི་ནི་ལིག་ཡུན་ཧྲན་གྱིས་འགས་གཏོར་ཤུགས་རིག་པའི་ཆེད་མཁས་པ། ཀྲུང་གོ་ཚན་རིག་གླིང་གི་ཡོན་ཧྲི། ཀྲུང་གོ་བཟོ་སྐྲུན་གླིང་གི་ཡོན་ཧྲི་ཀྲིན་ཀྲི་མེན་ལ་འཚམས་འདྲི་མཛད་པའི་ཚུལ་རེད།འདི་ནི་ལིག་ཡུན་ཧྲན་གྱིས་རེག་བརྡ་བཟོ་སྐྲུན་གྱི་ཆེད་མཁས་པ། ཀྲུང་གོ་བཟོ་སྐྲུན་གླིང་གི་ཡོན་ཧྲི་ཝང་ཞའོ་མཱོ་ལ་འཚམས་འདྲི་མཛད་པའི་ཚུལ་རེད།

 

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ལུགས་རྙིང་ལོ་སར་གྱི་སྔོན་ལ། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ལིག་ཡུན་ཧྲན་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕེན་དང་ཏང་ཀྲུང་དབྱང་གི་ཚབ་མཛད་དེ། རྒྱལ་ཁབ་ཆེས་མཐོའི་ཚན་རྩལ་བྱ་དགའ་ཐོབ་མཁན་ཞེ་ཅ་ལིན་དང་ཀྲིན་ཀྲི་མེན། ཝང་ཞའོ་མཱོ་བཅས་ལ་འཚམས་འདྲི་མཛད་དེ། ཁོ་ཚོར་སྨོན་འདུན་བཟང་པོ་ཞུས་པ་དང་། ཚན་རྩལ་བྱ་བ་སྒྲུབ་མཁན་ལ་ལོ་སར་གྱི་རྟེན་འབྲེལ་ཞུས།

ཚེས་ཉེར་ལྔ་ཉིན་གྱི་སྔ་དྲོར། ལིག་ཡུན་ཧྲན་ཐོག་མར་ཞེ་ཅ་ལིན་གྱི་ཁྱིམ་དུ་སོང་ནས། རང་རྒྱལ་གྱི་གཞི་རྡུལ་མྱུར་མགྱོགས་ཆས་ལས་དོན་གྱི་གསར་གཏོད་པ་དང་རྨང་འདིང་མཁན་འདི་ལ་འཚམས་འདྲི་མཛད། ལིག་ཡུན་ཧྲན་གྱིས་ཞེ་ཅ་ལིན་གྱི་ལུས་ཕུང་དང་འཚོ་བའི་གནས་ཚུལ་ཞིབ་འདྲི་བྱས་པ་མ་ཟད། ཁོས་དུས་རབས་ཕྱེད་ཀ་ལྷག་གི་རིང་ལ་དཀའ་ངལ་ཁྱད་དུ་བསལ་ནས་ཀྲུང་གོ་གསར་བ་འཛུགས་སྐྲུན་ཁྲོད་ཞུགས་པར་གུས་འདུད་ཞུས་པ་དང་། ཚན་རྩལ་འཕེལ་རྒྱས་སུ་གཏོང་ན་རང་བདག་གསར་སྐྲུན་གྱི་བགྲོད་ལམ་དུ་བསྐྱོད་དགོས་པས། ཚན་རྩལ་ཆེད་མཁས་པ་རྣམས་སྐྱེ་བོ་གཞན་པ་བགྲོད་མ་མྱོང་བའི་ལམ་དུ་བསྐྱོད་ཕོད་དགོས་ཞེས་གསུངས།

དེའི་རྗེས་སུ། ལིག་ཡུན་ཧྲན་ཀྲིན་ཀྲི་མེན་གྱི་ཁྱིམ་དུ་སོང་ནས། ཀྲིན་ཀྲི་མེན་གྱིས་ལོ་བཅུ་ཕྲག་འགའི་རིང་ལ་བླངས་པའི་གཡུར་དུ་ཟ་བ་བའི་ཚན་ཞིབ་གྲུབ་འབྲས་ལ་གཟེངས་བསྟོད་མཛད་པ་དང་། ཚན་ཞིབ་མི་སྣའི་དཔུང་སྡེའི་འཛུགས་སྐྲུན་སོགས་ཀྱི་གནས་ཚུལ་ཞིབ་འདྲི་བྱས་པ་མ་ཟད། ཚན་རྩལ་ལས་དོན་ལ་རྒན་རབས་ཚན་རིག་པའི་སྣེ་ཁྲིད་མཁོ་བ་དང་། གཞོན་རབས་པའི་འབད་འཐབ་མཁོ་ཞེས་གསུངས།

ཝང་ཞའོ་མཱོ་ལ་འཚམས་འདྲི་མཛད་སྐབས། ལིག་ཡུན་ཧྲན་གྱིས་ཁོས་རང་རྒྱལ་གྱི་ཚན་རྩལ་ལས་དོན་ཐད་བཞག་པའི་འབུར་དུ་ཐོན་པའི་བྱས་རྗེས་ལ་ཁས་ལེན་མཛད།

ཆེད་མཁས་པར་འཚམས་འདྲི་མཛད་སྐབས། ལིག་ཡུན་ཧྲན་གྱིས་ལས་དོན་གོང་འཕེལ་དུ་གཏོང་བ་དང་ཕྱོགས་བསྡུས་རྒྱལ་ཤུགས་ཇེ་ཆེར་གཏོང་ན་གཅིག་ནས་བཅོས་སྒྱུར་ལ་བརྟེན་དགོས་པ་དང་། གཉིས་ནས་ཚན་རྩལ་ལ་བརྟེན་དགོས་པས། བློ་མཐུན་ཞི་ཅིན་ཕེན་སྤྱི་ཁྱབ་ཧྲུའུ་ཅི་ཡིན་པའི་ཏང་ཀྲུང་དབྱང་གིས་ཚན་རྩལ་ལས་དོན་གྱི་གོང་འཕེལ་ལ་ཧ་ཅང་མཐོང་ཆེན་གནང་ནས། བྱེད་ཐབས་གལ་ཆེན་རབ་དང་རིམ་པ་སྤྱད་དེ་ཚན་རྩལ་གསར་སྐྲུན་ལ་སྐུལ་འདེད་གཏོང་བཞིན་ཡོད་ཅེས་གསུངས།

ཞེ་ཅ་ལིན་དང་ཀྲིན་ཀྲི་མེན། ཝང་ཞའོ་མཱོ་བཅས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕེན་དང་ཏང་ཀྲུང་དབྱང་གི་བྱམས་བརྩེའི་ཐུགས་ཁུར་ལ་སྙིང་ཐག་པ་ནས་བཀའ་དྲིན་ཆེ་ཞུས་པ་དང་། མུ་མཐུད་འབད་བརྩོན་བྱས་ཏེ་གསར་སྐྲུན་རང་བཞིན་གྱི་རྒྱལ་ཁབ་འཛུགས་སྐྲུན་བྱེད་པར་ཡང་བསྐྱར་བྱས་རྗེས་འཇོག་རྒྱུའི་ཚུལ་བསྟན།  །

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག