མདུན་ཤོག- གསར་འགྱུར།- རྒྱལ་སྤྱིའི་ཐོས་གནད།

མཱ་ལེ་ཞི་ཡཱའི་འགྲིམ་འགྲུལ་བློན་ཆེན་གྱིས་རྒྱལ་ཁབ་ཀྱི་བདེ་འཇགས་ལ་བསམ་བློ་བཏང་སྟེ་བརྡ་འཕྲིན་རེ་འགའ་གསང་རྒྱ་བྱས་པ་ཁས་ལེན་མ་བྱས་པ།

རྩོམ་པ་པོ། བསོད་ནམས་ཚེ་རིང་།  ཡོང་ཁུངས། མཚོ་སྔོན་བོད་སྐད་རླུང་འཕྲིན།  2014-03-19 11:05

3月18日,在马来西亚吉隆坡国际机场附近的酒店,马来西亚代理交通部长希沙姆丁(右二)出席新闻发布会。.jpg

    ཟླ་གསུམ་པའི་ཚེས་བཅོ་བརྒྱད་ཉིན་མཱ་ལེ་ཞི་ཡཱའི་ཅི་ལུང་ཕའོ་རྒྱལ་སྤྱིའི་གནམ་གྲུའི་ཐང་གི་ཉེ་འདབས་ཀྱི་མགྲོན་ཁང་དུ། མཱ་ལེ་ཞི་ཡཱའི་འགྲིམ་འགྲུལ་བློན་ཆེན་ཚབ་མ་ཞེ་ཧྲ་མུའུ་ཏེན་གསར་འགྱུར་སྒྲོག་སྤེལ་ཚོགས་འདུར་ཞུགས་པ།

    ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། མཱ་ལེ་ཞི་ཡཱའི་འགྲིམ་འགྲུལ་བློན་ཆེན་ཚབ་མ་ཞེ་ཧྲ་མུའུ་ཏེན་གྱིས་ཚེས་བཅོ་བརྒྱད་ཉིན་གསར་འགྱུར་སྒྲོག་སྤེལ་ཚོགས་འདུའི་སྟེང་། གར་སོང་མ་རྙེད་པའི་འགྲུལ་སྐྱེལ་གནམ་གྲུའི་སྔོག་བཤེར་་གནད་དོན་ཐད་ནས་མཱ་ལེ་ཞི་ཡཱ་རྒྱལ་ཁབ་ཀྱིས་རྒྱལ་ཁབ་ཀྱི་བདེ་འཇགས་ལ་བསམ་བློ་བཏང་སྟེ་བརྡ་འཕྲིན་རེ་འགའ་གསང་རྒྱ་བྱས་ཡོད་པ་ཁས་ལེན་མ་བྱས།

    གསར་འགོད་པས་མཱ་ལེ་ཞི་ཡཱ་ཡིས་རྒྱལ་ཁབ་རང་གི་བདེ་འཇགས་ལ་བསམ་བློ་བཏང་སྟེ་བརྡ་འཕྲིན་རེ་འགའ་གསང་རྒྱ་བྱས་ཡོད་མེད་ཀྱི་གནས་ཚུལ་འདྲི་སྐབས་ཞེ་ཧྲ་མུའུ་ཏེན་གྱིས་བཤད་རྒྱུར། མཱ་ལེ་ཞི་ཡཱ་ཡིས་རྒྱལ་ཁབ་ཀྱི་ཁེ་ཕན་ལ་ཁ་ཡ་མ་བྱས་པར་དམག་བཀོལ་ལོས་ཏཱའི་གཞི་གྲངས་ཁྱབ་སྒྲོག་བྱས་པ་ཡིན། གལ་ཏེ་གཞི་གྲངས་དེ་དག་མེད་ན་ལྷོ་བྱང་གཉིས་ཀྱི་སྔོག་བཤེར་ས་ཁོངས་གཉིས་གཏན་འཁེལ་བྱེད་ཐབས་མེད་ལ། རྒྱལ་སྤྱིའི་ལས་ཁུངས་ཀྱི་རོགས་རམ་ཡང་ཐོབ་ཐབས་མེད་ཟེར། ཁོས་བསྟན་དོན། མཱ་ལེ་ཞི་ཡཱ་ཡིས་འགྲུལ་བའི་ཁེ་ཕན་དེ་རྒྱལ་ཁབ་ཀྱི་བདེ་འཇགས་ལས་ལྷག་པའི་གོ་གནས་སུ་བཞག་ཡོད་ཟེར།

    གསར་འགོད་པས་མཱ་ལེ་ཞི་ཡཱའི་དམག་བཀོལ་ལོས་ཏཱ་ཡིས་ཡོང་ཁུངས་མི་གསལ་བའི་གནམ་གྲུ་མཐོང་བཞིན་དུ་ཅིའི་ཕྱིར་བཀག་འགོག་མ་བྱས་པའི་གནད་དོན་འདྲི་སྐབས། མཱ་ལེ་ཞི་ཡཱའི་མཁའ་དམག་གི་སི་ལིན་ཏཱ་ཝུའུ་ཏི་ཡིས་གནད་དོན་དེར་ལན་བཏང་ཡོད་པས་ཡང་བསྐྱར་ལན་འདེབས་པའི་དགོས་པ་མེད་ཟེར། ཏཱ་ཝུའུ་ཏི་ཡིས་ཉེ་སྔོན་འགྲེལ་བཤད་བྱས་པ་ལྟར་ན། དམག་ཕྱོགས་ཀྱིས་བལྟས་ན་ལོས་ཏཱ་ཡིས་མཐོང་བའི་ཡོང་ཁུངས་མི་གསལ་བའི་གནམ་གྲུ་དེར་རྒྱུན་ལྡན་མིན་པའི་བྱ་སྤྱོད་གང་ཡང་མེད་པས་འཐབ་འཛིང་གནམ་གྲུ་མངག་ནས་བཀག་འགོག་མ་བྱས་ཟེར།

    ཞེ་ཧྲ་མུའུ་ཏེན་གྱིས་གསར་འགྱུར་སྒྲོག་སྤེལ་ཚོགས་འདུའི་སྟེང་བཤད་རྒྱུར། ལྷོ་ཕྱོགས་ཀྱི་སྔོག་བཤེར་ས་ཁོངས་ཧ་ཅང་ཆེ་བས་མ་འོངས་པའི་སྔོག་བཤེར་བྱ་བར་དཀའ་ཁག་ཆེན་པོ་འབྱུང་སྲིད། དེ་བས་མཱ་ལེ་ཞི་ཡཱ་ཕྱོགས་ཀྱིས་ཨོ་སི་ཁྲུ་ལི་ཡཱ་དང་ཧིན་རྡུ་ཉི་ཞི་ཡཱའི་རོགས་སྐྱོར་ཐོབ་པར་བརྩོན་ལེན་བྱས་པ་ཡིན་ཟེར།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག