མདུན་ཤོག- གསར་འགྱུར།- ཡུལ་གྲུའི་གསར་འགྱུར།- ཀན་སུའུ།

མཁས་དབང་དམུ་དགེ་བསམ་གཏན་རྒྱ་མཆོ་མཆོག་སྐུ་འཁྲུངས་ནས་ལོ་འཁོར་བརྒྱ་ལོན་པའི་རིག་གཞུང་དཔྱད་གླེང་ཚོགས་འདུ་ལྷོ་ནུབ་མི་རིགས་སློབ་ཆེན་དུ་བསྡུས།

  ཡོང་ཁུངས། མཚོ་སྔོན་བོད་སྐད་རླུང་འཕྲིན།  2014-12-02 10:50

མཁས་པའི་དབང་པོ་རྗེ་དམུ་དགེ་བསམ་གཏན་རྒྱ་མཚོ་མཆོག

ཀྲུང་གོའི་བོད་ཀྱི་དྲ་བའི་འཕྲིན། མཁས་དབང་དམུ་དགེ་བསམ་གཏན་རྒྱ་མཚོ་མཆོག་སྐུ་འཁྲུངས་ནས་ལོ་འཁོར་བརྒྱ་ལོན་པའི་རིག་གཞུང་དཔྱད་གླེང་ཚོགས་འདུ་ཟླ་བཅུ་གཅིག་པའི་ཚེས་སུམ་ཅུ་ཉིན་གྱི་སྔ་དྲོར་ལྷོ་ནུབ་མི་རིགས་སློབ་ཆེན་དུ་བསྡུས། ཚོགས་འདུ་འདིར་ནུབ་བྱང་མི་རིགས་སློབ་གྲྭ་ཆེན་མོ་དང་། བོད་ལྗོངས། མཚོ་སྔོན། ལྷོ་ནུབ་མི་རིགས་སློབ་གྲྭ་ཆེན་མོ། ཀྲུང་གོ་བོད་རིག་པ་ཞིབ་འཇུག་ལྟེ་གནས་ཀྱི་མི་སྣ། གཞན་ཕྱི་གླིང་བའི་མཁས་ཆེན་དང་། དགོན་སྡེའི་བླ་སྤྲུལ་མཁས་པ། དགེ་རྒན་ཆེན་མོ། ལས་བྱེད་རྒན་པ། གཞན་ལྷོ་ནུབ་མི་རིགས་སློབ་གྲྭ་ཆེན་མོའི་བོད་རིག་པའི་སྡེ་ཁག་གི་སློབ་མ་སོགས་ཚོགས་མི་བརྒྱ་ཕྲག་འགའ་ཞུགས་ཡོད་ལ། ཐོག་མར་ཚོགས་ཞུགས་པ་ཡོངས་ཀྱིས་མགྲིན་གཅིག་ཏུ་རྗེ་དམུ་དགེ་རིན་པོ་ཆེ་རྗེས་དྲན་སྨོན་ལམ་དང་། བོད་ཀྱི་མཁས་པ་གྲགས་ཆེན་ཁང་དཀར་ཚུལ་ཁྲིམས་དང་བསེ་ཚང་བློ་བཟང་དཔལ་ལྡན་སོགས་ཕྱོགས་སོ་སོའི་བླ་སྤྲུལ་མཁས་དབང་སྐྱེས་ཆེན་མང་པོས་དཔྱད་གླེང་ཚོགས་འདུ་ལ་ཕུལ་བའི་ཤིས་ཚིག་བསྒྲགས་གཏོང་བྱས། ལྷོ་ནུབ་མི་རིགས་སློབ་གྲྭ་ཆེན་མོའི་སློབ་གཙོ་ཙིན་མིན་དང་། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་སྤྱི་ཁྱབ་ལས་འཛིན་གཞོན་པ་བློ་བཟང་ལྷུན་གྲུབ་རྡོ་རྗེ། ནུབ་བྱང་མི་རིགས་སློབ་ཆེན་གྱི་འབུམ་རམས་པའི་འཛུབ་སྟོན་དགེ་རྒན་དོར་ཞི་གདོང་དྲུག་སྙེམས་བློ། རྗེ་དམུ་དགེ་རིན་པོ་ཆེའི་དངོས་སློབ་མཁས་ཆེན་ཤེས་རབ་གྲགས་པ། རྔ་བ་ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་སྟག་ཚ་སྤྲུལ་སྐུ་སོགས་ཀྱིས་རྗེ་དམུ་དགེ་བསམ་གཏན་རྒྱ་མཚོ་མཆོག་གི་མཛད་པ་འཕྲིན་ལས་ལ་ཆེ་བསྟོད་དང་ངོ་སྤྲོད་སོགས་གསུང་བཤད་ཅི་རིགས་མཛད།  །  

རྩོམ་སྒྲིག་པ། ཚེ་རྒྱ།
རྩོམ་སྒྲིག་འགན་འཁུར་བ། མགོན་པོ།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག