ཝང་ཅན་ཅུན་གྱིས་འགོ་འཛིན་བྱས་ཏེ་མཚོ་སྔོན་ཞིང་ཆེན་རྒྱལ་ཁབ་ལྟ་ཞིབ་སྒྲིག་སྲོལ་བཅོས་སྒྱུར་ཚོད་ལྟའི་བྱ་བ་གཏིང་ཟབ་ཏུ་སྤེལ་བའི་ལས་དོན་ཚན་ཆུང་གི་གྲོས་ཚོགས་ཐེངས་ལྔ་བ་བསྡུས།

ཀྲུང་གོ་བོད་ཀྱི་དྲ་བའི་འཕྲིན། ཟླ་དགུ་བའི་ཚེས་གསུམ་ཉིན་གྱི་སྔ་དྲོར། མཚོ་སྔོན་ཞིང་ཆེན་ཏང་ཨུའི་ཧྲུའུ་ཅི་ཝང་ཅན་ཅུན་གྱིས་འགོ་འཛིན་བྱས་ཏེ། ཞིང་ཆེན་རྒྱལ་ཁབ་ལྟ་ཞིབ་སྒྲིག་སྲོལ་བཅོས་སྒྱུར་ཚོད་ལྟའི་བྱ་བ་གཏིང་ཟབ་ཏུ་སྤེལ་བའི་ལས་དོན་ཚན་ཆུང་གི་གྲོས་ཚོགས་ཐེངས་ལྔ་བ་བསྡུས་ནས། མཚོ་སྔོན་གྱི་ཚོད་ལྟའི་བྱ་བ་སྤེལ་བའི་གནས་ཚུལ་དང་། ཞིང་ཆེན་ཡོངས་ཀྱི་ལྟ་ཞིབ་ལས་ཁུངས་ཀྱི་ཉར་འཇོག་ར་བ་འཛུགས་སྐྲུན་དང་ལྟ་སྲུང་སྟོབས་ཤུགས་ཚན་ཆུང་འཛུགས་སྐྲུན། ཞིང་ཆེན་ཡོངས་ཀྱིསལྟ་ཞིབ་བཅའ་ཁྲིམས་སློབ་སྦྱོང་དང་དྲིལ་སྒྲོག་བྱེད་པར་སྐུལ་འདེད་བཏང་བ། ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་ལྟ་ཞིབ་ཨུ་ཡོན་ལྷན་ཁང་གི་མཉམ་རུབ་གཞུང་སྒྲུབ་ར་བ་བསྒྱུར་བཀོད་སོགས་ཀྱི་གནས་ཚུལ་སྙན་ཞུར་ཉན་པར་མ་ཟད། མུ་མཐུད་དུ་བཅོས་སྒྱུར་ཚོད་ལྟ་གཏིང་ཟབ་དུ་སྤེལ་བའི་སྐོར་གྱི་འབྲེལ་ཡོད་ལས་དོན་ལ་ཞིབ་འཇུག་བྱས། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ཚབ་མ་ལིག་ཉིང་ཚོགས་འདུར་ཞུགས།

གྲོས་ཚོགས་ལས་བསྟན་དོན། རྒྱལ་ཁབ་ལྟ་ཞིབ་སྒྲིག་སྲོལ་གྱི་བཅོས་སྒྱུར་གཏིང་ཟབ་ཏུ་སྤེལ་བ་ནི། བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གིས་བཏོན་པའི་ཇུས་ཆོད་བཀོད་སྒྲིག་གལ་ཆེན་ཞིག་ཡིན་ལ། རྒྱལ་ཁབ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་བསྒྱུར་བའི་བྱེད་ཐབས་གལ་ཆེན་ཞིག་ཀྱང་ཡིན། ཏང་ཀྲུང་དབྱང་གི་ཡང་དག་པའི་འགོ་ཁྲིད་འོག་ཏུ། མཚོ་སྔོན་གྱི་ལྟ་ཞིབ་སྒྲིག་སྲོལ་བཅོས་སྒྱུར་བྱ་བའི་ལངས་ཕྱོགས་བརྟན་ལ་ལྟ་བ་གསར་བ་ཡིན་པ། བྱེད་ཐབས་ལུགས་མཐུན་ཡིན་པས། ཕན་འབྲས་ལྡན་པའི་སྒོ་ནས་ཁྲིམས་སྐྱོང་དང་སྤྱོད་ལམ་བཅོས་སྐྱོང་། རང་སྲུང་དང་གཞན་སྲུང་། སྒྲིག་ཁྲིམས་སྦྲེལ་མཐུད། ཁྲིམས་དང་ཁྲིམས་སྲོལ་སྦྲེལ་མཐུད་སོགས་ཀྱི་གནད་དོན་ཐག་བཅད་དེ། དུས་རིམ་རང་བཞིན་གྱི་ཕན་འབྲས་ངེས་ཅན་བླངས་ཡོད་ཟེར།

གྲོས་ཚོགས་ལས་ནན་གྱིས་བསྟན་དོན། བློ་བརྟན་འགྱུར་མེད་ངང་དུས་རབས་གསར་བའི་ཏང་སྲོལ་སྲིད་གཙང་འཛུགས་སྐྲུན་དང་རུལ་སུངས་ལ་ངོ་རྒོལ་བྱེད་པའི་བྱ་བ་ཡར་ལྡན་དུ་སྤེལ་དགོས། སྟག་སྦྲང་མཉམ་དུ་གསོད་པའི་བྱེད་ཕྱོགས་རྒྱུན་འཁྱོངས་བྱས་ཏེ། བློ་ཐག་རྦད་ཆོད་སྒོས་མང་ཚོགས་ཉེ་འཁོར་གྱི་སྤྱོད་ལམ་ལོག་པ་དང་རུལ་སུངས་ཀྱི་གནད་དོན་ཅི་ཡོད་ལེགས་སྒྲིག་བཅོས་སྐྱོང་བྱས་ནས། སྤྱོད་ལམ་རྣམ་དག་དང་སྒྲིག་ཁྲིམས་ནན་མོ་ཡོང་བར་འབད་ནས། རུལ་སུངས་ལ་ངོ་རྒོལ་བྱེད་པའི་བྱ་བར་ཕན་འབྲས་གསར་བ་ཐོབ་པར་བྱེད་དགོས་ཤིང་། བར་མ་ཆད་པའི་སྒོ་ནས་ཁྱོན་ཡོངས་ནས་ཏང་བཅོས་སྐྱོང་ནན་མོ་བྱེད་པའི་ལས་སྒོ་གཏིང་ཟབ་ས་ནས་ཟབ་སར་སྤེལ་ནས། སྤྱོད་བཟང་གཞུང་དྲང་གི་ཆབ་སྲིད་སྐྱེ་ཁམས་བསྐྲུན་དགོས་ཟེར།

ཐེངས་འདིའི་ཚོགས་འདུར་ཞུགས་པའི་ཞིང་ཆེན་གྱི་འགོ་ཁྲིད་ལ་ཐིན་ཙཱ་ཚའེ་དང་ཝང་ཡུས་པོ། ཡུས་ཚུང་ལི། མཱ་ཝེ། དབྱིན་པའེ་བཅས་ཡོད། བྱ་བའི་ཚན་ཆུང་གི་ཁོངས་གཏོགས་ལས་ཁུངས་ཀྱི་འབྲེལ་ཡོད་འགན་ཁུར་བློ་མཐུན་རྣམས་ཀྱང་ཐེངས་འདིའི་ཚོགས་འདུར་ཞུགས། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།