མཚོ་སྔོན་གྱི་གཞས་པ་བསྟན་འཛིན་ཉི་མས《ཀྲུང་གོའི་སྐད་སྙན》འགྲན་བསྡུར་གྱི་ཨང་དང་པོ་བླངས།

ཀྲུང་གོ་བོད་ཀྱི་དྲ་བའི་འཕྲིན། ཟླ10བའི་ཚེས7ཉིན། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་ནས་ཡིན་པའི་འགྲན་ཞུགས་གླུ་བ་བསྟན་འཛིན་ཉི་མས2018ལོའི《ཀྲུང་གོའི་སྐད་སྙན》འགྲན་བསྡུར་ཁྲོད་ཨང་དང་པོ་བླངས།

2.jpg

3.jpg

བསྟན་འཛིན་ཉི་མ་ནི་མཚོ་སྔོན་མི་རིགས་སློབ་ཆེན་གྱི་དགེ་རྒན་ཞིག་ཡིན་ལ། ཁོས་རང་ཉིད་ཀྱི་རོལ་དབྱངས་གི་ཕུགས་འདུན་ནམ་ཡང་མ་དོར་བར་འབད་པ་ལྷོད་མེད་བྱས་མཐར། དུས་ཡུན་ལོ་ཕྱེད་རིང་གྲ་སྒྲིག་དང་འགྲན་བསྡུར་བྱས་པ་བརྒྱུད《ཀྲུང་གོའི་སྐད་སྙན》གྱི་གར་སྟེགས་སྟེང་། བོད་གཞས་དང་དར་ཆེའི་རོལ་དབྱངས་གཉིས་ཟུང་དུ་སྦྲེལ་ནས། རྒྱ་ཆེའི་ལྟད་མོ་རྣམས་ཀྱི་ཡིད་དབང་ཅིག་ཅར་དུ་འཕྲོགས་པས་དགའ་བསུ་ཚད་མེད་ཐོབ་པ་མ་ཟད། ཐེངས་འདིའི་འགྲན་རྩོད་ཁྲོད་རྣམ་པར་རྒྱལ་བ་རེད།

4.jpg

1.jpg

བསྟན་འཛིན་ཉི་མས་བཤད་རྒྱུར། 《ཀྲུང་གོའི་སྐད་སྙན》གྱི་གར་སྟེགས་ཆེན་མོ་འདི་བརྒྱུད་ནས། ངས་རང་མི་རིགས་ཀྱི་གླུ་གཞས་དེ་འཛམ་གླིང་གི་ཉན་མཁན་མང་པོར་བླངས་ན་འདོད་པས། རང་མི་རིགས་ཀྱི་གླུ་གཞས་དང་དར་ཆེའི་གླུ་གཞས་གཉིས་ཟུང་དུ་སྦྲེལ་ནས་ཉན་མཁན་སྔར་ལས་མང་པོ་ཞིག་ལ་བོད་ཀྱི་ཁྱད་ཆོས་ལྡན་པའི་རོལ་དབྱངས་ལ་རོལ་མྱོང་བྱེད་དུ་བཅུག་ན་འདོད་ཡོད་ཟེར། །

རྩོམ་སྒྲིག་པ། རྡོ་རྗེ་བསམ་འགྲུབ།

དཔྱད་མཆན 0 ཡོད།