ཀན་སུའུ་ཡི་ཞིང་གྲོང་གི་མ་མཐའི་འཚོ་རྟེན་འགན་སྲུང་ཚད་གཞི་ལོ་བདུན་གྱི་རིང་ལ་འཕར་ཚད་ལྡབ་གཅིག་ལས་བརྒལ་བ།

ཀྲུང་གོ་བོད་ཀྱི་དྲ་བའི་འཕྲིན། གསར་འགོད་པས་ཀན་སུའུ་ཞིང་ཆེན་དམངས་སྲིད་ཐིང་ནས་ཤེས་རྟོགས་བྱས་པར་གཞིགས་ན། ཀན་སུའུ་ཞིང་ཆེན་གྱིས་ཉེ་བའི་ལོ་ཤས་རིང་གྲོང་ཁྱེར་དང་གྲོང་གསེབ་ཀྱི་མ་མཐའི་འཚོ་རྟེན་འགན་སྲུང་གི་ཚད་གཞི་རྒྱུན་མཐུད་ངང་མཐོ་རུ་བཏང་། 2012ལོ་དང་བསྡུར་ན་གྲོང་ཁྱེར་དང་གྲོང་གསེབ་ཀྱི་མ་མཐའི་འཚོ་རྟེན་འགན་སྲུང་གི་ཚད་གཞི་འཕར་ཚད་ལྡབ་གཅིག་ལས་བརྒལ་བའི་ནང་གྲོང་ཁྱེར་གྱི་མ་མཐའི་འཚོ་རྟེན་འགན་སྲུང་གི་ཚད་གཞི་འཕར་ཚད101.5%ཟིན་པ་དང་གྲོང་གསེབ་ཀྱི་མ་མཐའི་འཚོ་རྟེན་འགན་སྲུང་གི་ཚད་གཞི་འཕར་ཚད170.2%ཟིན།

ཀན་སུའུ་ཞིང་ཆེན་གྱི་བསྡོམས་རྩིས་གཞི་གྲངས་ལས་མངོན་པར། ཀན་སུའུ་ཞིང་ཆེན་གྲོང་ཁྱེར་གྱི་མ་མཐའི་འཚོ་རྟེན་འགན་སྲུང་གི་ཚད་གཞི་དང་གྲོང་གསེབ་ཀྱི་མ་མཐའི་འཚོ་རྟེན་འགན་སྲུང་གི་ཚད་གཞི་དེ2012ལོའི་སྒོར3120དང་སྒོར1488ནས2019ལོའི་སྒོར6288དང་སྒོར4020བར་མཐོ་རུ་བཏང་ནས་འཕར་ཚད་སོ་སོར101.5%དང170.2%ཟིན་པ་དང་། གྲོང་ཁྱེར་དང་གྲོང་གསེབ་ཀྱི་དམིགས་བསལ་དཀའ་ངལ་ཡོད་པའི་བསྙེན་བཀུར་ཚད་གཞི2012ལོའི་སྒོར་ཁྲི3120དང་སྒོར2400ནས2019ལོའི་སོ་སོར་སྒོར8174དང་སྒོར5266བར་མཐོ་རུ་བཏང་ནས། ཞིང་ཆེན་ཡོངས་ཀྱི་གྲོང་ཁྱེར་དང་གྲོང་གསེབ་ཀྱི་མ་མཐའི་འཚོ་རྟེན་འགན་ལེན་བྱ་ཡུལ་ཁྲི283.8དང་གྲོང་ཁྱེར་དང་གྲོང་གསེབ་ཀྱི་དམིགས་བསལ་དཀའ་ངལ་ཡོད་པའི་མི་ཁྲི10.4ལ་གཞི་རྩའི་འཚོ་རྟེན་འགན་ལེན་བྱས།

དེ་དང་ཆབས་ཅིག་ཀན་སུའུ་ཡིས་གྲོང་གསེབ་ཀྱི་མ་མཐའི་འཚོ་རྟེན་འགན་སྲུང་ལམ་ལུགས་དང་དབུལ་སྐྱོར་གསར་སྤེལ་སྲིད་ཇུས་སྦྲེལ་མཐུད་ནུས་ལྡན་བྱ་རྒྱུར་སྐུལ་འདེད་བཏང་ནས། ཡིག་ཚགས་བསྐྲུན་ནས་བྱང་བུ་བཟོས་པའི་དབུལ་ཕོངས་མི་གྲངས་ཁྲི63.9གྲོང་གསེབ་ཀྱི་མ་མཐའི་འཚོ་རྟེན་འགན་སྲུང་དང་དམིགས་བསལ་དཀའ་ངལ་ཡོད་པའི་བསྙེན་བཀུར་ནང་བཅུག་སྟེ། སྲིད་ཇུས་རང་བཞིན་གྱི་འགན་ལེན་བརྒྱུད་གནད་ཁེལ་དབུལ་སྐྱོར་ལ་སྐུལ་འདེད་བཏང་།

ཤེས་རྟོགས་བྱུང་བར་གཞིགས་ན། 2013ལོ་ནས2018ལོ་བར་ཀན་སུའུ་ཡིས་རིམ་རྩིས་བྱས་ན་སྤྱི་ཚོགས་རོགས་སྐྱོབ་མ་དངུལ་སྒོར་དུང་ཕྱུར597བཏང་ནས་གྲོང་ཁྱེར་དང་གྲོང་གསེབ་ཀྱི་མ་མཐའི་འཚོ་རྟེན་འགན་སྲུང་དང་། དམིགས་བསལ་དཀའ་ངལ་ཡོད་པའི་བསྙེན་བཀུར་སོགས་སྤྱི་ཚོགས་རོགས་སྐྱོབ་ཐད་སྤྱད་དེ་ལོ་ལྟར་དཀའ་ངལ་ཡོད་པའི་མང་ཚོགས་ཁྲི500ལྷག་ལ་རྒྱུན་གཏན་རང་བཞིན་གྱི་འཚོ་བའི་རོགས་སྐྱོབ་དང་མི་ཐེངས་ཁྲི120ལྷག་ལ་གནས་སྐབས་རོགས་སྐྱོབ་བྱས། །