སྨྱན་མང་གཟུགས་བསླབ་ཆས་ཀྱི་བཟོ་ཐབས་སྐོར་རགས་ཙམ་གླེང་བ། (2)

46.9K

གཉིས་པ། སྤྱི་མཚན་རང་བཞིན་དང་ཐད་མཐོང་རང་བཞིན་ཟུང་འབྲེལ་གྱི་ཐབས་ཇུས།A9eཀྲུང་གོ་བོད་ཀྱི་དྲ་བ།

སློབ་གྲྭ་ཆུང་འབྲིང་གི་སློབ་མའི་བསམ་གཞིག་གི་ཁྱད་ཆོས་གཙོ་བོ་ནི་ཐད་མཐོང་རང་བཞིན་ནས་སྤྱི་མཚན་རང་བཞིན་དུ་རིམ་པར་འགྱུར་པའི་སྐབས་ཡིན་ལ།སློབ་མའི་སེམས་ཁམས་ཀྱི་ཁྱད་ཆོས་འདིར་གཞིགས་ནས་དགེ་རྒན་གྱིས་སྨྱན་མང་གཟུགས་བསླབ་ཆས་བཟོ་སྐབས་ཡི་གེ་དང་པར་རིས་བར་གྱི་སྡེབ་སྒྲིག་འབྲེལ་བར་མཉམ་འཇོག་བྱེད་དགོས་པ་དང་སྨྱན་མང་གཟུགས་བསླབ་ཆས་ཀྱིས་སློབ་མར་ཐེབས་པའི་ཤུགས་རྐྱེན་ཚད་སོགས་ཀྱི་གནད་དོན་ལའང་སྣང་འཇོག་བྱེད་དགོས།འགུལ་རིས་ཀྱི་གསལ་སྟོན་མང་ན་ཚད་ངེས་ཅན་ཞིག་གི་ཐད་ནས་སློབ་སྦྱོང་ལ་ཡར་སྐུལ་དང་སྤྲོ་སྣང་བསྐྱེད་པར་ཕན་ཐོགས་མོད།མང་དྲགས་ན་དེ་ལས་ལྡོག་པའི་འབྲས་བུའང་འབྱུང་སྲིད། རྩ་བའི་ཐད་ནས་བཤད་ན་སྨྱན་མང་གཟུགས་བསླབ་ཆས་ཀྱིས་སློབ་མའི་རང་འགུལ་གྱི་བསམ་གཞིག་གི་ཚབ་བྱེད་མི་ཐུབ་པས་སློབ་ཁྲིད་ཀྱི་སྐབས་སུ་སྣེ་ཁྲིད་དང་མཛུབ་སྟོན་གྱི་ནུས་པ་འཐོན་དགོས་པར་སེམས།སློབ་མའི་རྟོགས་དཀའ་བའི་སྤྱི་མཚན་རང་བཞིན་གྱི་གནད་དོན་དེ་སྨྱན་མང་གཟུགས་ཀྱི་ལམ་ནས་ཐད་མཐོང་ཅན་དུ་བསྒྱུར་དགོས།དཔེར་ན་སློབ་ཆུང་གི་གྲངས་རིག་ཁྲོད་དུ།སྒོར་དབྱིབས་ཀྱི་མཐའ་འཁོར་རིང་ཚད་དང་ཚངས་ཐིག་གི་འབྲེལ་བ་ཞེས་པ་སློབ་ཁྲིད་བྱེད་སྐབས་སྨྱན་མང་གཟུགས་བསླབ་ཆས་ཀྱི་ལམ་ནས་སློབ་མས་གསར་རྟོགས་བྱུང་པར་ཞིབ་བཤེར་བྱས་ཏེ་སྒོར་དབྱིབས་ཀྱི་མཐའ་འཁོར་རིང་ཚད་ནི་ཚངས་ཐིག་གི་ལྡབ་གསུམ་ལྷག་ཡིན་པ་རྟོགས་སུ་འཇུག་དགོས།སྨྱན་མང་གཟུགས་བསླབ་ཆས་ད་དུང་རྒྱུན་ལྡན་གྱི་སློབ་ཁྲིད་བྱེད་ཐབས་དང་ཟུང་འབྲེལ་བྱས་ཏེ་སློབ་ཁྲིད་ཀྱི་ནང་དོན་འགྲེམ་སྟོན་བྱེད་ཆོགདཔེར་ན་སའི་གོ་ལ་དང་ཉི་མ།ཟླ་བ་སོགས་སྐར་ཁྱིམ་གྱི་འགུལ་སྐྱོད་གནས་ཚུལ་ཁྲིད་སྐབས་སྲོལ་རྒྱུན་སློབ་ཁྲིད་བྱེད་ཐབས་ཡིན་ན་འདྲ་པར་དང་འདྲ་རིས་བཀོལ་ནས་སློབ་ཁྲིད་བྱ་དགོས་པ་དང་སྨྱན་མང་གཟུགས་བསླབ་ཆས་བཀོལ་ན་སྐར་ཁྱིམ་གྱི་འགུལ་སྐྱོད་གནས་ཚུལ་དེ་འགུལ་རིས་ཀྱི་རྣམ་པས་སློབ་མའི་མིག་ལམ་དུ་སྟོན་ཐུབ་པ་དང་ནང་དོན་དེ་ཐད་མཐོང་ཅན་དུ་བསྒྱུར་ཐུབ་པས་སློབ་ཁྲིད་ཀྱི་ནང་དོན་གོ་བར་བླ་ལྷག་གི་ནུས་པ་ཐོན་ཐུབ།A9eཀྲུང་གོ་བོད་ཀྱི་དྲ་བ།

གསུམ་པ། སྤྲོ་སྣང་རང་བཞིན་དང་བབ་བསྟུན་རང་བཞིན་ཟུང་འབྲེལ་གྱི་ཐབས་ཇུས།A9eཀྲུང་གོ་བོད་ཀྱི་དྲ་བ།

རྩིས་འཁོར་ནི་ངོ་མཚར་ཆེ་བའི་སྒྱུ་འཕྲུལ་ཞིག་མིན་པར་དགེ་རྒན་ནི་ད་གཟོད་སྒྱུ་མ་མཁན་ངོ་མ་ཡིན།དགེ་རྒན་གྱིས་སློབ་མའི་ཁྱད་ཆོས་དང་མཐུན་པའི་སློབ་སྦྱོང་གི་བྱེད་ཐབས་བཀོལ་ཚེ།ད་གཟོད་སློབ་མས་དོན་ངོ་མར་སློབ་སྦྱོང་དང་ལེན་བྱ་ནུས་ཤིང༌།སློབ་མའི་འཚོལ་སྙེག་གི་སྤྲོ་སྣང་རྣལ་མ་སློང་ནུས་པ་ཡིན།སྤྲོ་སྣང་ནི་མཆོག་གྱུར་གྱི་དགེ་རྒན་ཡིན་པས།སྨྱན་མང་གཟུགས་ཀྱི་བསླབ་ཆས་ནི་དམིགས་འབེན་དེ་དང་བརྒྱུད་རིམ་དེ་མངོན་འགྱུར་འབྱུང་བའི་ཐབས་ཤེས་བཟང་པོ་ཡིན།སྨྱན་མང་གཟུགས་བསླབ་ཆས་ནི་དགེ་རྒན་གྱི་སློབ་ཁྲིད་མངོན་འགྱུར་འབྱུང་བའི་ཐབས་ལམ་དང་སློབ་མས་སློབ་སྦྱོང་མྱོང་ཚོར་བྱེད་པའི་ལམ་བུ་ཞིག་ཡིན་པས་དགེ་རྒན་གྱིས་སྨྱན་མང་གཟུགས་བསླབ་ཆས་ཇུས་འགོད་བྱེད་པའི་དུས་མཚུངས་སུ་སློབ་མའི་ལོ་ཚོད་ལ་གཞིགས་རྒྱུ་ཧ་ཅང་གལ་ཆེ།རང་ཉིད་ཀྱི་ཇུས་འགོད་དེ་སློབ་མའི་འཚོ་བ་དང་ཉེ་ཅི་ཐུབ་དང༌།སློབ་མས་དང་ལེན་བྱེད་སླ་བར་དམིགས་དགོས།སློབ་མས་སྨྱན་མང་གཟུགས་བསླབ་ཆས་ཉམས་སུ་མྱོང་སྐབས།ངོ་མཚར་ཞིང་བློ་ཡུལ་ལས་འདས་པ་མ་ཟད། བྲོ་བ་ཕུན་སུམ་ཚོགས་པའི་ཚོར་སྣང་སྟེར་རིགས།བྱ་ར་འདེམ་འགོད་ཀྱི་ཆ་ནས་བྱིས་པ་དགའ་བའི་འགུལ་རིས་ཀྱི་རྣམ་པ་འདེམས་པ་དང༌།དེ་ལ་འོས་ཤིང་འཚམ་པའི་སྒྲ་དང་ཡི་གེ་ཁ་གསབ་བྱས་ཆོགའདི་ལྟ་བུའི་སྟབས་བདེ་ཞིང་གོ་ཆོད་པའི་བྱེད་ཐབས་འདིས་སློབ་ཁྲིད་ཀྱི་གཙོ་གནད་འབུར་དུ་ཐོན་ནུས་སོ།སྨྱན་མང་གཟུགས་བསླབ་ཆས་ཇུས་འགོད་ཀྱི་བབ་བསྟུན་རང་བཞིན་དེ་ཧ་ཅང་གལ་ཆེ།ཇུས་འགོད་ཐབས་ཤེས་དང་སྨྱན་མང་གཟུགས་བསླབ་ཆས་ཡོད་ཚད་སློབ་ཐུན་རེ་རེར་བཀོལ་ཐུབ་པའི་ངེས་པ་མེད།སློབ་མ་ནི་སློབ་སྦྱོང་གི་བདག་པོ་ངོ་མ་ཡིན་པས།སློབ་ཁྲིད་ཀྱི་འབྲས་བུ་དེ་མཐར་ཐུག་ན་སློབ་མ་རང་སྟེང་གི་སློབ་སྦྱོང་ལ་བརྟེན་ནས་མངོན་འགྱུར་བྱ་དགོས།འོན་ཀྱང་སློབ་ཁྲིད་བརྒྱུད་རིམ་ཁྲོད་དུ་སློབ་མའི་བསམ་ཚུལ་འདྲ་མིན་སྣ་ཚོགས་ཚང་མ་དུས་ལྟར་སྨྱན་མང་གཟུགས་བསླབ་ཆས་ཁྲོད་སྣང་མི་ནུས་པས་སློབ་ཁྲིད་ཀྱི་དོན་སྙིང་ཤོར་སླ།དེ་བས་ང་ཚོས་སྨྱན་མང་གཟུགས་བསླབ་ཆས་ཇུས་འགོད་ཀྱི་སྐབས་སུ་གནད་དོན་འདི་དག་ལ་བསམ་བློ་ཞིབ་ཏུ་བཏང་ཞིང༌།གང་ནུས་ཅི་ལྕོགས་ཀྱིས་སློབ་མར་འབྱུང་སྲིད་པའི་གནས་ཚུལ་ཡོད་དོ་ཅོག་ལ་བསམ་གཞིགས་བྱས་རྗེས་སྨྱན་མང་གཟུགས་བསླབ་ཆས་དུ་མངོན་པར་བྱ་དགོས།དེ་ལྟར་བྱས་ཚེ་སློབ་མས་དྲི་བ་ཅི་ཞིག་བཏོན་ཡང་དགེ་རྒན་ལ་གྲ་སྒྲིག་ཡག་པོ་ཡོད་ཕྱིར་དགེ་རྒན་དང་སློབ་མ་གཉིས་ཀྱི་དཔེ་ཁྲིད་དང་སློབ་སྦྱོང་གཉིས་མཐུན་སྦྱོར་ལེགས་པོ་ཡོང་ནུས་པ་རེད།A9eཀྲུང་གོ་བོད་ཀྱི་དྲ་བ།

ལྔ་བ། སྨྱན་མང་གཟུགས་བསླབ་ཆས་བཟོ་བའི་གོ་རིམ།A9eཀྲུང་གོ་བོད་ཀྱི་དྲ་བ།

གོང་གི་ཇུས་འགོད་དང་ཐབས་ཇུས་ལ་བརྟེན་ནས་ང་ཚོས་རྟོགས་ཐུབ་པ་ནི།སྨྱན་མང་གཟུགས་བསླབ་ཆས་ནི་མཇུག་མཐར་གསར་བཟོ་པས་ཇུས་འགོད་དང་གསར་བཟོ་བྱ་དགོས།ལག་ལེན་དངོས་ཀྱི་ཉམས་མྱོང་ལས་སྨྱན་མང་གཟུགས་བསླབ་ཆས་ཀྱི་བཟོ་ཐབས་ལ་གཤམ་གྱི་གོ་རིམ་འགའ་ཡོད་པར་བསམ་ཏེ།A9eཀྲུང་གོ་བོད་ཀྱི་དྲ་བ།

༡ སློབ་ཁྲིད་ཀྱི་དམིགས་ཚད་གཏན་ཁེལ་བྱས་ཏེ་ཇུས་བཟོ་ལེགས་པོ་བྱེད་པ།A9eཀྲུང་གོ་བོད་ཀྱི་དྲ་བ།

སྨྱན་མང་གཟུགས་བསླབ་ཆས་ཇུས་བཟོ་བྱེད་སྐབས།ཐོག་མར་སློབ་ཁྲིད་ཀྱི་གཙོ་གནད་དང་དཀའ་གནད་སོགས་ངེས་པར་དུ་གསལ་བོ་རྟོགས་དགོས།སྨྱན་མང་གཟུགས་བསླབ་ཆས་ཀྱི་ནང་དུ་གནད་དོན་གཙོ་བོ་ཅི་ཞིག་ཐག་གཅོད་བྱ་དགོས་པ་ཁ་གསལ་དགོས་པ་དང་ཇུས་བཟོ་པས་འོས་འཚམ་གྱི་སློབ་ཁྲིད་རྒྱུ་ཆ་བདམས་ནས་འོས་མཐུན་གྱི་མཚོན་ཐབས་བཀོལ་ཏེ་སློབ་ཁྲིད་ཁྲོད་ཀྱི་གནད་དོན་ཐག་གཅོད་དང་འཁྲབ་གཞུང་གསར་རྩོམ་བྱ་དགོས།རྨང་གཞི་འདིའི་སྟེང་དུ་སྨྱན་མང་གཟུགས་ཀྱི་སྒྲོམ་གཞི་དང་ཆགས་ཚུལ།འཆར་ངོས་ཀྱི་མཚོན་ཐབས་དང་རྣམ་པ་སོགས་གཏན་ཁེལ་བྱས་ནས་སྨྱན་མང་གཟུགས་བསླབ་ཆས་ཀྱི་རྩ་བའི་རིག་ལམ་དང་སྒྲོམ་གཞི་སོགས་མཁོ་འདོན་བྱ་དགོས་པ་སྟེ།དཔེར་ན་སྨྱན་མང་གཟུགས་བསླབ་ཆས་འདིས་སློབ་མར་ཆ་འཕྲིན་ཅི་ཞིག་འདོན་སྤྲོད་བྱ་དགོས་པ་དང་ཇི་ལྟར་འདོན་སྤྲོད་བྱེད་པ།མཚོན་ཐབས་ཀྱི་མགོ་མཇུག་གི་གོ་རིམ་དང་རྣམ་པ་ཅི་ཞིག་གི་སྟེང་ནས་མཚོན་པ་སོགས་ཡིན་ལ།ཡང་གཅིག་བཤད་ན་འཁྲབ་གཞུང་ཁྲོད་ཆེས་གཙོ་བོ་ཞིག་ནི་སྨྱན་མང་གཟུགས་བསླབ་ཆས་ཀྱི་སྒྲོམ་གཞིའི་རི་མོ་ཡིན།མཇུག་མཐར་ཇུས་བཟོ་པས་སྒྲོམ་གཞི་རི་མོའི་ཤེས་བྱའི་སྡེ་ཚན་ཁག་གཞིར་བཟུང་ནས་རྩོམ་སྒྲིག་བྱ་དགོས་པ་ཞིག་ཡིན།A9eཀྲུང་གོ་བོད་ཀྱི་དྲ་བ།

༢ སློབ་ཁྲིད་ཀྱི་རྒྱུ་ཆ་འཚོལ་སྡུད་དང་ལས་སྣོན་གསར་བཟོ་བྱེད་པ།A9eཀྲུང་གོ་བོད་ཀྱི་དྲ་བ།

སྨྱན་མང་གཟུགས་བསླབ་ཆས་ཇུས་བཟོ་བྱེད་སྐབས་སློབ་ཁྲིད་རྒྱུ་ཆ་གསར་བཟོ་དང་འཚོལ་སྡུད་ནི་ཧ་ཅང་གལ་ཆེ་ཞིང་ཤིན་ཏུ་ཚེགས་ཆེ་བའི་བྱ་བ་ཞིག་ཡིན།སྡུད་པ་དང་བསྡུས་པའི་རྒྱུ་ཆ་ལས་སྣོན་གྱི་དུས་ཚོད་ནི་ཏག་ཏག་སྨྱན་མང་གཟུགས་བསླབ་ཆས་ཇུས་བཟོའི་དུས་ཚོད་ལས་ཀྱང་རིང༌།སློབ་ཁྲིད་རྒྱུ་ཆ་སྡུད་པའི་བྱ་བ་དེ་སྤྱིར་བཏང་དུ་གཤམ་གྱི་ཐབས་ལམ་བརྒྱུད་དེ་བསྒྲུབ་དགོས་ཏེ།༡ སྨྱན་མང་གཟུགས་བསླབ་ཆས་ཀྱི་རྒྱུ་ཆའི་འོད་སྡེར་ཁྲོད་ནས་ཐད་ཀར་རིས་དབྱིབས་དང་བརྙན་གཟུགས། སྒྲ། འགུལ་རིས་སོགས་བླངས་ཆོག༢ སྨྱན་མང་གཟུགས་བསླབ་ཆས་འོད་སྡེར་གཞན་དག་གི་ཁྲོད་ཀྱི་འབྲེལ་ཡོད་དཀར་ཆག་ལས་སྒྲའི་ཡིག་ཆ་ཐད་ཀར་བླངས་ཆོག ༣ རྒྱལ་སྤྱིའི་མཉམ་འབྲེལ་དྲ་རྒྱའི་སྟེང་ནས་བཙལ་ཏེ་གང་མཁོའི་རྒྱུ་ཆ་བླངས་ཆོག  དྲ་རྒྱའི་སྟེང་གི་རྒྱུ་ཆ་ནི་ཆེས་མང་པ་དང་ཆེས་འཛོམས་པོ་ཞིག་ཡིན། ཆེས་བཟང་བའི་ཐོན་ཁུངས་འདི་ང་ཚོས་མཉམ་སྤྱོད་བྱས་ཏེ་བཀོལ་སྤྱོད་ལེགས་པོ་བྱེད་ཆོག ༤  ཇུས་བཟོ་པས་རང་ཉིད་ཀྱི་དགོས་མཁོ་ལྟར་ཇུས་འགོད་དང་གསར་བཟོ་བྱས་ནའང་ཆོག  དེའི་ཕྱིར་ང་ཚོས་ནམ་རྒྱུན་གྱི་སློབ་ཁྲིད་རྒྱུ་ཆ་འཚོལ་སྡུད་ཀྱི་བྱ་བར་མཐོང་ཆེན་དང་གཙིགས་ཆེན་བྱ་དགོས། ཕྲན་གྱི་ལྟ་ཚུལ་ཡིན་ན་གཞི་རིམ་གྱི་སློབ་གྲྭ་ཞིག་ལ་མཚོན་ན་རང་ས་གནས་དང་མཐུན་པ།མི་རིགས་ཀྱི་ཁྱད་ཆོས་དང་མཐུན་པའི་སྨྱན་མང་གཟུགས་བསླབ་ཆས་ཀྱི་རྒྱུ་ཆའི་བང་མཛོད་ཞིག་འཛུགས་སྐྲུན་བྱ་རྒྱུ་ནི་ཧ་ཅང་གལ་ཆེ་ཞིང་དོན་སྙིང་ལྡན་པ་ཞིག་རེད་བསམ།སློབ་ཁྲིད་རྒྱུ་ཆ་ལས་སྣོན་དང་གསར་བཟོ་བྱེད་པའི་བརྒྱུད་རིམ་ནི་དེ་བས་ཀྱང་ཞིབ་ཚགས་དང་ཡུན་རིང་དགོས་པའི་བྱ་བ་ཞིག་རེད།འདི་ནི་སྨྱན་མང་གཟུགས་བསླབ་ཆས་ཀྱིས་སློབ་མའི་མིག་དབང་དང་སྙན་དབང་གསོ་བའི་བདུད་རྩི་རུ་འགྱུར་མིན་དང༌།སློབ་མའི་སློབ་སྦྱོང་གི་དགའ་སྣང་དང་ཡིད་འགུགས་ཀྱི་ནུས་པ་ཐོབ་མིན།སློབ་ཁྲིད་ཀྱི་མཇུག་འབྲས་བཟང་པོ་ཞིག་ཡོང་མིན་བཅས་ཀྱི་སྔོན་འགྲོའི་ཆ་རྐྱེན་ཡིན།ཡི་གེའི་རྒྱུ་ཆ་ཐད་ཀར་གཏག་ཅིང་ཆོག་ལ་སྔོན་ནས་གྲ་སྒྲིག་བྱས་ཏེ་ཉར་ཚགས་བྱས་ཀྱང་ཆོགདེ་ལས་གཞན་པའི་སློབ་ཁྲིད་ཀྱི་རྒྱུ་ཆ་ཚང་མ་ཞིབ་ཚགས་ཀྱིས་འཚོལ་སྡུད་དང་གསར་བཟོ།ལས་སྣོན་བྱ་དགོས།འདྲ་པར་དང་རིས་དབྱིབས་ཀྱི་ལས་སྣོན་སྤྱིར་བཏང་དུ་རྩད་བཤེར་འཕྲུལ་ཆས་དང་གྲངས་འགྱུར་པར་ལེན་འཕྲུལ་ཆས་སོགས་ཕྱིའི་སྒྲིག་ཆས་བཀོལ་ནས་འདྲ་པར་དང་རིས་དབྱིབས་ཨང་གྲངས་ཀྱི་རྣམ་པར་བརྗེ་རྗེསAdobePhotoshopcs4སོགས་ཆེད་ལས་རིས་དབྱིབས་མཉེན་ཆས་སྤྱད་དེ་ལས་སྣོན་དང་གསར་བཟོ་བྱ་དགོས། བརྙན་གཟུགས་ཀྱི་ལས་སྣོན་གསར་བཟོ་བྱེད་པར་བརྙན་ལེན་འཕྲུལ་ཆས་སོགས་སྒྲིག་ཆས་བཀོལ་ནས་མངོན་འགྱུར་བྱ་དགོས་པ་དང་མཉམ་དུpremiereདང3dstudio སོགས་མཉེན་ཆས་སྤྱད་ནས་སྒྲིག་གཅོད་བྱ་དགོས།སྒྲའི་ཡིག་ཆ་ལས་སྣོན་དང་གསར་བཟོ་ལ་མཉེན་ཆསAdobeAudieion3.0དང་Goldwove.v5.14སོགས་བཀོལ་ནས་སྒྲིག་གཅོད་དང་ལས་སྣོན་སྣ་ཚོགས་བྱེད་ཆོགསློབ་ཁྲིད་རྒྱུ་ཆའི་གསར་བཟོ་དང་ལས་སྣོན་དེ་ཐབས་ངེས་ཅན་ཞིག་གི་ཆ་ནས་བཤད་ན་ངེས་པར་དུ་མཁྲེགས་ཆས་དང་མཉེན་ཆས་ལ་རྒྱབ་བརྟེན་བྱས་ཏེ་ལེགས་འགྲུབ་བྱ་དགོས།ང་ཚོས་མཉམ་འཇོག་རྒྱུ་ཞིག་ལ་རྒྱུ་ཆ་འཚོལ་སྡུད་དང་ལས་སྣོན།སྒྲིག་གཅོད་ཀྱི་བྱ་བ་དེ་ནན་ཏན་གྱིས་སློབ་ཁྲིད་ཀྱི་རེ་འདུན་དང་ཇུས་འགོད་ཀྱི་རེ་བར་མཐུན་དགོས་ལ་སྤུས་ལེགས་ཚད་ལྡན་ཞིག་བཟོ་དགོས།གཤམ་གསལ་ནི་རྒྱལ་ནང་གི་སྨྱན་མང་གཟུགས་བསླབ་ཆས་བཟོ་བའི་འབྲེལ་ཡོད་ཐོན་ཁུངས་དྲ་ཚིགས་འགའ་ཡིན།A9eཀྲུང་གོ་བོད་ཀྱི་དྲ་བ།

ཀྲུང་གོའི་སློབ་མའི་དྲ་བ།http://www.6to23.comA9eཀྲུང་གོ་བོད་ཀྱི་དྲ་བ།

ཀྲུང་གོའི་སློབ་གྲྭ་ཆུང་འབྲིང་གི་སློབ་གསོའི་སློབ་ཁྲིད་དྲ་བ།http://www.k12.com.cnA9eཀྲུང་གོ་བོད་ཀྱི་དྲ་བ།

སྨྱན་མང་གཟུགས་སློབ་གསོའི་དྲ་བ།http://fscjh.myetang.comA9eཀྲུང་གོ་བོད་ཀྱི་དྲ་བ།

སྒུལ་ཤུགས་སློབ་གསོའི་ཐོན་ཁུངས་དྲ་བ། http://www.py89.myetang.comA9eཀྲུང་གོ་བོད་ཀྱི་དྲ་བ།

སློབ་ཁྲིད་རྒྱུ་ཆའི་དྲ་བ།http://www.ruiwen.comA9eཀྲུང་གོ་བོད་ཀྱི་དྲ་བ།

༣ འོས་འཚམ་གྱི་གསར་བཟོ་ལས་སྟེགས་འདེམས་པ།A9eཀྲུང་གོ་བོད་ཀྱི་དྲ་བ།

སྨྱན་མང་གཟུགས་བསླབ་ཆས་ཀྱི་གསར་བཟོ་ལས་སྟེགས་འོས་ཤིང་འཚམ་པ་ཞིག་འདེམས་ཤེས་རྒྱུ་དེ་ཡང་ཧ་ཅང་གལ་ཆེན་ཞིག་རེད།མིག་སྔར་སྨྱན་མང་གཟུགས་བསླབ་ཆས་གསར་བཟོ་ལས་སྟེགས་ཀྱི་རིགས་ཤིན་ཏུ་མང༌།རེ་རེར་རང་རང་གི་ཁྱད་ཆོས་རེ་ལྡན།བྱེད་ནུས་ཆེ་བ་དང་བཀོལ་བདེ་བའི་མཉེན་ཆས་དེ་རང་གི་སྨྱན་མང་གཟུགས་བསླབ་ཆས་གསར་བཟོའི་ལས་སྟེགས་སུ་འདེམས་ན་བྱ་བའི་ལས་ཕྱོད་མཐོར་འདེགས་སུ་གཏོང་ཐུབ་ལ་ལས་ཀའི་ཚེགས་ཀྱང་ཇེ་ཡང་དུ་འགྲོ། སྤྱིར་བཏང་དུ་བཤད་ན།གསར་བཟོའི་དུས་ཚོད་ཉུང་པ་དང་སྨྱན་མང་གཟུགས་བསླབ་ཆས་ཀྱི་སྒྲིག་གཞིའི་རེ་འདུན་དེ་འདྲ་མི་མཐོ་ན་ང་ཚོསMicrosoftofficePowerPoint2007དངWPSoffice/2007འདེམས་ན་འགྲིག་པར་འདོད་དེ།འདི་གཉིས་ནི་ཅུང་སྟབས་བདེ་ཡིན་ལ་བྱེད་ནུས་ཆེ་བ་དང་ལྷག་པར་དུ་དེ་གཉིས་ཀྱི་ནང་དུ་རི་མོ་སྣ་ཚོགས་དང་བརྙན་གཟུགས། སྒྲ(WAV/mp3)ཧི་མ་ལའི་བོད་ཡིག་(MicrosoftofficePowerPoint2007)བདེ་བླགས་ངང་ནང་འཇུག་བྱེད་ཐུབ། འགུལ་རིས་བཟོ་ཐབས་ཀྱང་ཧ་ཅང་སླ་མོ་ཞིག་ཡིན།མཉེན་ཆས་དེས་མཁོ་སྤྲོད་བྱས་པའི་འགུལ་རིས་དང་སྒྲ་དབྱངས་ཀྱང་ཕུན་སུམ་ཚོགས་པ་ཡོད། འདིས་སྤྱིར་བཏང་གི་སློབ་ཁྲིད་ཀྱི་དགོས་མཁོ་སྐོང་ཐུབ། སྨྱན་མང་གཟུགས་བསླབ་ཆས་བཟོ་བའི་རྨང་གཞི་ཅུང་བཟང་བའི་དགེ་རྒན་ཞིག་ཡིན་ནAuthorware7.05དངDreamwaver8.0། Flashcs3དང་དབྱིབས་རྩིས་རིས་པང་སོགས་ཀྱི་མཉེན་ཆས་དེ་དག་བྱ་བའི་ལས་སྟེགས་སུ་འདེམས་ན་ཤིན་ཏུ་ལེགས།Authorware7.05 ལ་སྨྱན་མང་གཟུགས་ཀྱི་བརྡ་སྤྲོད་པའི་རང་བཞིན་གྱི་བྱེད་ནུས་ཧ་ཅང་བཟང༌། Dreamwaver8.0 ཀྱིས་དྲ་ངོས་སྦྲེལ་མཐུད་རང་བཞིན་གྱི་རྣམ་པ་ལྡན་་པའི་སྨྱན་མང་གཟུགས་བསླབ་ཆས་བཟོ་ཐུབ་པ་མ་ཟད་འགུལ་རིས་གསལ་སྟོན་སྣ་ཚོགས་མངོན་འགྱུར་བྱེད་ཐུབ་པ་དང་དྲ་རྒྱའི་སྟེང་འགྲེམ་སྤེལ་བྱེད་ཆོག  IE འཆར་ངོས་བརྒྱུད་ནས་ལྟ་གཟུགས་བྱས་ཀྱང་ཆོག Flashcs3 མཉེན་ཆས་ནི་བྱེད་ནུས་ཧ་ཅང་བཟང་བའི་སྙོམས་ངོས་འགུལ་རིས་བཟོ་བྱེད་ཀྱི་མཉེན་ཆས་ཁྱད་དུ་འཕགས་པ་ཞིག་ཡིན།དེར་རྩེག་རིས་སོགས་སྙོམས་ངོས་རིས་དབྱིབས་ཇུས་འགོད་ཀྱི་བྱེད་ནུས་ལྡན་ལ༌། དུས་ཀྱི་མདའ་ཁབ་སོགས་འགུལ་རིས་བཟོ་བྱེད་ཀྱི་བྱེད་ནུས་་མཆིས་པ་མ་ཟད་ཕུན་སུམ་ཚོགས་པའི་བྱ་རིམ་བཀའ་བརྡའི (Actionscript) བྱེད་ནུས་ཡོད་པས་ཡིད་དབང་འཕྲོག་པ་དང་བརྡ་སྤྲོད་རང་བཞིན་ལྡན་པའི་སྨྱན་མང་གཟུགས་བསླབ་ཆས་བཟོ་ཐུབ།དབྱིབས་རྩིས་རིས་པང་ལ་དུས་རབས་ཉེར་གཅིག་པའི་འགུལ་རྣམ་དབྱིབས་རྩིས་ཞེས་བརྗོད་ཅིང་དབྱིབས་རྩིས་རིག་པ་སློབ་པའི་ལག་ཆ་གལ་ཆེན་ཞིག་ཡིན།མདོར་ན་གང་ལ་གང་འཚམ་གྱི་བྱ་བའི་ལས་སྟེགས་འདེམས་ཤེས་རྒྱུ་ནི་གནད་དམ་པའོ།A9eཀྲུང་གོ་བོད་ཀྱི་དྲ་བ།

དྲུག་པ།  སྤྱི་སྡོམ།A9eཀྲུང་གོ་བོད་ཀྱི་དྲ་བ།

སྨྱན་མང་གཟུགས་བསླབ་ཆས་ཇི་ལྟར་ཇུས་བཟོ་ལེགས་པོ་ཞིག་བྱེད་པ་དང་བེད་སྤྱོད་གང་ལེགས་བྱ་རྒྱུ་དེ་དགེ་རྒན་གྱི་ཇུས་བཟོ་ལག་རྩལ་དང་སློབ་ཁྲིད་ཀྱི་འདུ་ཤེས་ལ་རག་ལས།གལ་ཏེ་དགེ་རྒན་གྱི་སློབ་ཁྲིད་འདུ་ཤེས་དང་ཇུས་འགོད་ཆུ་ཚད་དེ་སྔར་གྱི་སྒོ་སམ་དང་ཕོག་གྲིབ་གཟུགས།བརྙན་འཕྲིན་སོགས་སྲོལ་རྒྱུན་གྱི་སློབ་ཁྲིད་རམ་འདེགས་བྱེད་ཐབས་ནས་གློག་ཀླད་བཀོལ་སྤྱོད་རགས་རིམ་ཙམ་དང་བརྙན་ཤེལ་ཆེན་པོ་སྟོན་པ་ཙམ་དུ་ལུས་ཚེ།སློབ་གསོའི་རྒྱུ་ཆ་དང་ཐོན་ཁུངས་ཀྱི་ཆ་འཕྲིན་རང་བཞིན་ལ་བཅོས་བསྒྱུར་བྱས་ཀྱང་སློབ་གསོའི་མ་གཞི་ལ་འགྱུར་བ་ཅི་ཡང་འབྱུང་མི་ནུས།དུས་མཚུངས་སུ་ང་ཚོས་སྔོན་ཆད་དཔེ་དེབ་ནི་བྱིས་པའི་འཇིག་རྟེན་དང་ད་ལྟ་འཇིག་རྟེན་ནི་བྱིས་པའི་དཔེ་དེབ་ཡིན་པའི་དོན་དངོས་འདི་མཐོང་དགོས་ཏེ།སྨྱན་མང་གཟུགས་བསླབ་ཆས་ཀྱི་ལག་རྩལ་དང་བེད་སྤྱོད་ཆུ་ཚད་དེ་སྨྱན་མང་གཟུགས་བསླབ་ཆས་མཛེས་ཤིང་སྡུག་པ་ཞིག་ཅི་ལྟར་ཇུས་བཟོ་བྱེད་པ་དང༌།དགེ་རྒན་ལ་རམ་འདེགས་ཅི་ལྟར་བྱས་ནས་སློབ་ཁྲིད་གྲ་སྒྲིག་ལེགས་པོ་ཞིག་བྱེད་པ་ཁོ་ནའི་སྟེང་ནས་སྡོད་མི་རུང་བར་དགེ་རྒན་གྱིས་ལྟ་བ་དང་བསམ་བློར་རྩ་བའི་ཆ་ནས་བསྒྱུར་བཀོད་བྱས་ཏེ།ཁྲིད་ཐབས་ཇུས་འགོད་བྱེད་པ་དེ་སློབ་ཐབས་ཇུས་འགོད་བྱེད་པའི་སྟེང་དུ་བསྒྱུར་པ་དང་སློབ་ཁྲིད་དེ་ནམ་ཡང་སློབ་སྦྱོང་ལ་ཞབས་ཞུ་བསྒྲུབ་རྒྱུའི་སྟེང་དུ་དྲངས་ཤིང༌།སློབ་ཁྲིད་ཀྱི་ཁྲོད་དུ་ཧུར་བརྩོན་གྱིས་སློབ་མའི་གཙོ་གཞིའི་ནུས་པ་མངོན་པར་བྱས་ཏེ།སློབ་མ་རེ་རེར་ཚད་རིམ་མི་འདྲ་བར་འཆམ་མཐུན་གྱིས་འཕེལ་རྒྱས་ཡོང་བ་མངོན་འགྱུར་བྱ་དགོས་སོ།།A9eཀྲུང་གོ་བོད་ཀྱི་དྲ་བ།

འབྲེལ་གཏུག་བྱེད་ས།  མགོ་ལོག་ཁུལ་ཨུ་ཏང་གི་སློབ་གྲྭའི་དགེ་རྒན་འབྲུག་རྒྱལ་ཚེ་རིང༌།A9eཀྲུང་གོ་བོད་ཀྱི་དྲ་བ།

འབྲེལ་གཏུག་ཁ་པར། 13649754868    མྱུར་འཕྲིན།    GoLozhoujia@163.comA9eཀྲུང་གོ་བོད་ཀྱི་དྲ་བ།

རྩོམ་སྒྲིག་པ། རྡོ་རྗེ་བསམ་འགྲུབ།

དཔྱད་མཆན 0 ཡོད།