མིག་ནད་བར་འགྲིབ་ཀྱི་ནད་རྟགས་དང་བཅོས་ཐབས།

མིག་ནད་བར་འགྲིབ་ནི་མཐོང་བྱེད་རྒྱལ་མོའི་དྭངས་གསལ་བདར་དབྱིབས་གཟུགས་རབ་རིབ་ཉོག་རྫོབ་དུ་གྱུར་པ་ལ་བརྟེན་ནས་འོད་ཚུར་བསྡུ་བའི་ནུས་པ་ཉམས་ཤིང་གཟུགས་འཛིན་ནུས་པའམ་མཐོང་ཤུགས་མར་འགྲིབ་པའི་ནད་ཅིག་སྟེ། འདི་ཉིད་རྒྱུད་འདེད་དང་སྨུག་ཕྱིའི་འོད་ཐིག་འཚོ་བཅུད་ལ་སོགས་པར་འབྲེལ་བ་ངེས་ཅན་ཞིག་ཡོད་། ཐོག་མའི་རབ་རིབ་ཀྱིས་གཟུགས་འཛིན་ནུས་པར་ཤུགས་རྐྱེན་ཆེར་མེད་ནའང་ཡུན་གྱིས་ཇེ་སྡུག་ཇེ་ཐུར་སོང་སྟེེ་ཐ་ན་མིག་ཞར་འགྲོ་བའི་གནས་ཚུལ་ཡང་འབྱུང་།

མིག་ནད་བར་འགྲིབ་ནི་མིག་སྔར་འཛམ་གླིང་ཧྲིལ་པོའི་ཁྱོན་ནས་བཤད་ནའང་རྨོངས་སྐྱེད་བྱེད་གཙོ་བོ་ཞིག་སྟེ། ད་ལྟ་འཛམ་གླིང་ཡོངས་སུ་ཧ་ལམ་མི་བྱེ་བ་གཉིས་ལྷག་མིག་ནད་བར་འགྲིབ་ཀྱིས་རྐྱེན་པས་རྨོངས་ལོང་དུ་གྱུར་ཡོད་པར་མ་ཟད། བར་འགྲིབ་ཀྱི་ནད་པ་དུང་ཕྱུར་གཅིག་ཙམ་ནི་གཤག་བཅོས་ལ་བརྟེན་ནས་མཐོང་ཤུགས་ཕྱིར་སོས་བྱེད་དགོས་པའི་གནས་སུ་གྱུར་ཡོད།

མིག་མཐིལ་ཁྲག་རྡོལ་བའི་ནད།

ལོ་ལོན་རྒས་ཚུལ་སྤྱི་ཚོགས་སུ་འགྱུར་བཞིན་པའི་དེང་གི་དུས་འདིར་རྒན་རྒོན་དག་ལ་རྒྱུན་དུ་མིག་མཐིལ་ནས་ཁྲག་རྡོལ་བ་མཐོང་།འདི་ནི་མིག་ནད་ཁོ་ན་མ་ཡིན་པར་ནད་གཞན་དག་ལའང་འབྱུང་ངེས་པའི་སྤྱིའི་ནད་རྟགས་ཙམ་རེད།ཁྲག་རྡོལ་བ་ཉུང་བའི་སྐབས་སུ་ནད་པར་འཕུར་ཙི་ནད་ཡོད་ཅིང་། ཁྲག་མ་རྡོལ་གོང་དུ་མཐོང་བྱེད་དྲ་སྐྱི་ལ་ཟུག་གཟེར་བསླངས་ཚེ་འོད་འཚེར་ཚོར་སྣང་འབྱུང་། དེ་བཞིན་དུ་ཁྲག་རྡོལ་བ་མང་ཚེ་ནག་ཐིག་འབྱུང་ཞིང་མིག་རབ་རིབ་ཏུ་གྱུར་ནས་མཐོང་ཤུགས་ཇེ་ཞན་དུ་འགྲོ་བའམ། ཡང་ན་འོད་ཚོར་མེད་པར་འགྱུར་བ་ཡིན། །

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།