སྐྱེ་བ་གཉིས་ཀྱི་འདས་དོན།

སྒོ་མེ་ཚེ་རིང་བཀྲ་ཤིས། uuQཀྲུང་གོ་བོད་ཀྱི་དྲ་བ།

1978ལོ། དབྱར་ཁ།uuQཀྲུང་གོ་བོད་ཀྱི་དྲ་བ།

དེ་ནི་དུས་ཚོད་ཀྱིས་རིང་དུ་བསྐྱུར་པའི་འདས་སོང་གི་ལོ་ཟླ་ཞིགuuQཀྲུང་གོ་བོད་ཀྱི་དྲ་བ།

ཉི་འོད་ནི་ནམ་རྒྱུན་ལས་ཀྱང་ཚ་བེར་བེར་བྱེད་ཅིང་། མཁའ་དབུགས་ཁྲོད་དུ་ཅི་ཞིག་མེ་ཡིས་འཚིག་པ་ལྟར་གཞོབ་དྲི་ཞིག་གིས་ཀུན་ནས་ཁྱབ། དབྱར་ཟླ་དྲུག་པའི་ཕྱི་དྲོ་དེར། ཉི་འོད་ཀྱིས་གསེར་ཆུ་བྱུགས་པའི་རི་ལ་ཐང་ཀུན་མཐའ་མེད་གཏིང་མེད་ཀྱི་ལྷིང་འཇགས་ཤིག་གི་ཁྲོད་དུ་ཁུ་སིམ་མེར་གཉིད་འདུག མངོན་གསལ་གྱིས་ནུབ་ནས་ནུབ་ཏུ་གཟུར་བའི་ཉིན་བྱེད་ཁོ་ནས་ཅི་ཞིག་བློས་མི་ཐོངས་པ་བཞིན། མི་ཡུལ་གྱི་ཕྱི་དྲོ་དེར་ཡང་ཡང་ཕྱི་མིག་བསློགས་ཏེ་འབྲལ་མི་ཕོད་པའི་རྣམ་འགྱུར་སྟོན། སྤོ་བོས་སྔོན་ལ་ལག་པ་རྒྱབ་ལག་བྱས་ཏེ་ཞིང་ཚུགས་བར་ནས་ཕར་འགྲོ་ཚུར་འགྲོ་ལན་འགའ་བྱས་ཤིང་། དེ་ནས་ལག་གཡས་དཔྲལ་ངོས་སུ་བཙུགས་ཏེ་ཉི་འོད་སྒྲིབ་ཀྱིན། མདུན་ཕྱོགས་ཀྱི་སོག་ལེའི་སོ་ཁ་ལྟ་བུའི་རི་བོའི་ཚོགས་ལ་མིག་ཞགས་ཤིག་འཕངས་པ་དང་། སླར་ཡང་མིག་དབང་བསྡུས་ཏེ་ལོགས་གཉིས་ཀྱི་ཞིང་ཐང་ལ་ལྟ་ཙམ་ལྟ་ཙམ་བྱེད། ཞིང་ནང་དུ་ཐར་ཐོར་དུ་སྐྱེས་པའི་གྲོ་མྱུག་ནི་གྲོ་མྱུག་ཟེར་བ་ལས། སེར་པོ་འགྱུར་མ་རན་གོང་ནས་སེར་པོར་གྱུར་པའི་རྩྭ་ལྡུམ་ཕོན་པ་ཞིག་རེད་ཅེས་བཤད་ཆོག ཁོང་གིས་ཅི་ཞིག་བཤད་འདོད་ཀྱི་ཁ་ཤ་འཕག་ཙམ་འཕག་ཙམ་བྱས་མོད། མཐའ་མར་ཅི་ཡང་མ་ཤོད་པར་མགོ་གཅུད་དམར་པོས་ཨ་ལོང་ཞིག་བཅོས་ཏེ་གདུང་མར་བཏགས་ཤིང་། རལ་བ་སྦོམ་པོ་དེ་མགོ་ལ་དམ་པོར་དཀྲིས་རྗེས་སྐེ་ནི་རང་དབང་མེད་པ་ལྟར་ཨ་ལོང་ནང་དུ་བསྲིངས……uuQཀྲུང་གོ་བོད་ཀྱི་དྲ་བ།

དེ་ལྟར་སྤོ་བོ་ནི་ལོ་དེའི་དབྱར་ཁའི་ཕྱི་དྲོ་དེར་སྡེ་འདབས་ཀྱི་མཚམས་ཁང་ཆུང་ཆུང་དེའི་ནང་དུ་རང་ཤི་བརྒྱབ་པ་རེད། སྤོ་བོས་འཇིག་རྟེན་ལ་མཐའ་མཇུག་གི་ཕྱི་མིག་སློག་པའི་སྣང་བརྙན་དེ་ནི་ཆུང་དུས་སུ་ཞིག་གིས་ང་ལ་ཞིབ་བརྗོད་གནང་བ་འཆད་རྒྱུ་མི་འདུག་མོད། དེ་ནི་བློ་བཟོ་འབའ་ཞིག་རེད་ཟེར་ན་ང་རང་གིས་རྩ་བ་ནས་ཁས་ལེན་བྱ་མི་འདོད། ངའི་བག་ཆགས་ཀྱི་གཏིང་རིམ་ཞིག་ཏུ་དྲན་པ་དེ་འདྲ་ཞིག་བྱེད་པོ་གང་ཞིག་གིས་སྦས་པ་བཞིན་རབ་རིབ་ཅིག་ཉར་འདུག ལོ་ཟླའི་ཆར་རླུང་གིས་ཡང་ཡང་བྲན་པའི་མཚམས་ཁང་དེ་ནི་སྡེ་དཔོན་བཀོད་པ་ཅན་ཞིག་གིས་ཆེད་དུ་སྤོ་བོར་སེར་བ་འགོག་སྤྱད་དུ་བརྩིགས་པ་ཡིན། མཚམས་ཁང་དེའི་སྒོ་དྲུང་ནས་ཆོས་སྐད་ལྷང་ལྷང་ངང་འུར་སྐྱའི་ཁུད་དུ་ཡུངས་དཀར་བཞག་ནས་མགོ་ལ་བསྐོར་ཞིང་། ནམ་མཁའི་དབྱིངས་ཀྱི་སྤྲིན་ནག་གི་འདུ་འགོད་ཕྱོགས་སོར་དཀྲུགས་ཐེངས་རེ་ལ། ཁོང་གི་གདོང་གི་རྣམ་ཀུན་མཐོང་དཀོན་པའི་གཟབ་ནན་གྱི་རྣམ་འགྱུར་གསེང་ལ་འབྱར་བའི་གཟི་ཉམས་དེ། ལོ་མང་པོའི་རྗེས་སུ་ད་དུང་གྲོ་ཞིང་ཁའི་ལོ་ལོན་ཚོས་གཅིག་ཁར་གཉིས་བཏགས་ནས་གླེང་བཞིན་འདུགuuQཀྲུང་གོ་བོད་ཀྱི་དྲ་བ།

དེ་དུས་ང་རང་ད་དུང་འཇིག་རྟེན་དཀར་ངོགས་སུ་བསླེབས་མེད་དེ། ང་སྐྱེས་དུས་ནི་ཕྱི་ལོའི་སྟོན་ཁ་སྟེ་སྤོ་བོ་འདས་ནས་ཏག་ཏག་ལོ་གཅིག་དང་ཟླ་གཅིག་འགོར་མ་འགོར་ཙམ་ཡིན། སྡེ་མི་རྒན་པ་ཚོས་ང་ལ་ཁྱོད་ཀྱི་སྤོ་བོ་ནི་སྔགས་རྒན་བརྗིད་པོ་ཟེར་བ་ཡིན་ཡ། མི་ལ་གུས་ཤིང་སྐྲག་པའི་སྣང་བ་དུས་གཅིག་ཏུ་སྦྱིན་པར་བྱེད་ཟེར། ཨ་ཕས་བཤད་ཀྱང་བདག་གི་སྤོ་བོ་ནི་གཟུགས་བོངས་ཆེ་ཞིང་ཕྲག་ཞེང་ཡངས་ལ། སྤྱན་དཀྱུས་རིང་ཞིང་སྣ་བོ་ཤིན་ཏུ་ཆེ་བ་དང་། ལྷག་ཏུ་མགོ་ཡི་རལ་བ་སྦོམ་པོ་དེ་ལ་བལྟས་མ་ཉིད་ནས་གདོད་མའི་གྱད་མི་ཞིག་དང་དབྱེར་མ་མཆིས་ཟེར། དེ་ནི་བདེན་པ་བདེན་རྐྱང་ཡིན་པ་གོར་མ་ཆག་སྟེ། ཕ་རྒན་གྱིས་ཞིབ་བརྗོད་བྱས་པའི་སྤོ་བོའི་སྣང་བརྙན་དེ་ལ་འུད་བརྗོད་དང་སྒྲོ་འདོགས་ཀྱི་ཆ་ཅི་ཡང་ཡོད་མི་སྲིད། རྒྱུ་མཚན་ནི་ངའི་ཕ་རྒན་ཀུན་བཟང་གིས་ཁོའི་ཕ་རྒན་མཐོ་རིས་པོ་སྟེ་ངའི་སྤོ་བོའི་གཟུགས་བྱད་རྒྱུན་འཛིན་བྱས་ཡོད་དེ། གཟུགས་བོངས་ཆེ་ཞིང་ཕྲག་ཞེང་ཡངས་ལ། སྤྱན་དཀྱུས་རིང་ཞིང་སྣ་བོ་ཤིན་ཏུ་ཆེ་བ་དང་། མགོ་ཡི་རལ་བ་སྦོམ་པོ་བཅས་ཀྱི་སྟེང་ནས་སྤོ་བོའི་སྣང་བརྙན་ཇི་བཞིན་དུ་རྟོག་བཟོ་བྱ་ཐུབ།uuQཀྲུང་གོ་བོད་ཀྱི་དྲ་བ།

ཡིན་ནའང་། ངས་ཤེས་འདོད་ཀྱང་ཤེས་ཐབས་བྲལ་བ་ནི་སྤོ་བོས་ཅིའི་ཕྱིར་རང་ཤི་བརྒྱབ་པ་དེ་རེད།uuQཀྲུང་གོ་བོད་ཀྱི་དྲ་བ།

སྤོ་བོས་ཅིའི་ཕྱིར་རང་ཤི་བརྒྱབ་པ་ཡིན་ནམ།uuQཀྲུང་གོ་བོད་ཀྱི་དྲ་བ།

སྤོ་བོའི་རང་ཤི་བརྒྱབ་པར་བཤད་ཚུལ་མི་འདྲ་བ་ཁ་ཤས་ཡོད་དེ། སྤོ་བོ་དང་གྲུབ་མཐའི་ཕྱོགས་རིས་ཀྱི་དབང་གིས་ཞེ་འགྲས་སུ་སོང་ཡོད་པའི་དགེ་བོ་ལོ་ལོན་དེས་བཤད་ན། སྤོ་བོས་སེར་འགོག་གི་རིང་ལ་ལྷ་ཀླུ་གཉན་གསུམ་གྱི་ཐུགས་སེམས་མང་དུ་དཀྲུགས་པས། ལྷ་ཀླུ་གཉན་གསུམ་མ་རངས་པར་སྤོ་བོའི་སྲོག་ཕྲོགས་པ་རེད་ཟེར། ཡང་སྤོ་བོ་དང་ན་ཚོད་མཉམ་པའི་སྔགས་རྒན་རིག་འཛིན་གྱིས་བཤད་ན། སྤོ་བོས་སེར་འགོག་གི་རིང་ལ་ཕྱོགས་ལ་ལུང་གི་དཀོར་ཟས་དཀོར་ཆུ་འཐུང་དྲགས་པས་རྣམ་སྨིན་འཁོར་བ་རེད་ཟེར། སྔ་མ་ནི་གྲུབ་མཐའི་དབང་གིས་ཡིན་ཟེར་ན། ཕྱི་མ་ནི་ཕྲག་དོག་གི་སྐད་ཆ་ཁོ་ན་རེད་ཅེས་ཁ་ཚོན་བཅད་ཆོག་མོད། འོན་ཀྱང་། སྤོ་བོས་རང་ཤི་བརྒྱག་དགོས་པའི་རྒྱུ་མཚན་ནི་བདག་གི་ཕ་རྒན་ལ་ཡང་གསལ་བོ་ཞིག་འཆད་རྒྱུ་མི་འདུགuuQཀྲུང་གོ་བོད་ཀྱི་དྲ་བ།

ཨ་ཕ་ནི་སེམས་ཀྱི་འགྱུ་བ་གདོང་ལ་མངོན་མཁས་པའི་མི་དེའི་རིགས་མིན་ནའང་། ཨ་ཕའི་གདོང་ལ་སྐྱོ་ཉམས་ཤིག་དོད་ཅིང་། སྔོན་ལ་དངན་པ་གཅིག་འཐེན་གཉིས་འཐེན་བྱེད་ཅིང་། དེ་ནས་གདོང་ལ་སྐྱོ་ཉམས་རབ་རིབ་ཅིག་འཁོར་ཞིང་། བདག་གི་མགོ་ལ་རེག་རེག་བྱེད་ཞོར། “མུན་ནག་གི་ལོ་ཟླ་དེའི་ནང་དུ་ཁྱོད་ཀྱི་སྤོ་བོས་མགོ་ལ་ཡོང་ཡོང་ཞིག་གཞན་གྱི་མགོ་ལ་ཡོང་མེད་ཟེར། སྤོ་བོར་ཤོག་བུའི་ཞྭ་མོ་བསྐོན་ཞིང་མི་ཚོགས་ཀྱི་སྔུན་ནས་ཡར་འདེད་མར་འདེད་བྱས་པ་མ་ཟད། སྤོ་བོར་བླ་མའི་ཚུལ་དུ་བཀུར་ཞིང་ཐོད་པ་གཏུག་མྱོང་བའི་ཧུར་ཐག་པ་མང་པོས་མཆིལ་ཞགས་འཕངས་ཤིང་རྡོག་ཐོས་གཞུས་པ་ཡང་བགྲངས་ཀྱིས་མི་ལངས”ཟེར།uuQཀྲུང་གོ་བོད་ཀྱི་དྲ་བ།

ང་རང་ནར་སོན་རྗེས། ཨ་ཕས་རྒྱུན་དུ་གླེང་བའི་མུན་ནག་གི་ལོ་ཟླ་ཟེར་བ་ནི། མི་རྣམས་ཀྱི་སེམས་ལ་འཇིགས་པ་དང་རྨ་ཁ་ཟབ་མོ་བརྐོས་མྱོང་བའི་རིག་གསར་ལ་སྟོན་པ་ཤེས། ཨ་ཕས་གསལ་བོར་མ་བཤད་ཀྱང་། ཁོང་གི་སྐད་ཆའི་ཤུགས་སུ་སྤོ་བོའི་ཤི་རྐྱེན་ནི་མུན་ནག་གི་ལོ་ཟླ་དེ་དང་འབྲེལ་བ་ཡོད་པའི་དོན་ཞིག་བསྐུངས་འདུག ངས་ཨ་ཕར་ཅི་ཡང་མ་བཤད་མོད། འོན་ཀྱང་བསམ་ཚུལ་དེ་ལ་ང་ཡང་མི་འཐད། སྤོ་བོའི་འདས་རྐྱེན་ནི་སྐྱི་གཡའ་བའི་དོན་རྐྱེན་དེ་དག་དང་འབྲེལ་བ་ཡོད་དམ། རླུང་བཞིན་ལྡང་ཞིང་མེ་བཞིན་འབར་བའི་ལོ་ཟླ་དེའི་ནང་དུའང་སྤོ་བོར་དྲན་ཚུལ་དེ་འདྲ་མ་སྐྱེས་པར། མགོ་ལ་ལྷུང་བ་ཡོད་ཚད་ཕྲག་ལ་བླངས་ཤིང་དཀའ་སྡུག་མཐའ་དག་གདོང་གིས་བསུས་པ་མ་ཟད། ཁོང་གིས་ད་དུང་མགོ་ལ་ཡོང་དགོས་པ་དག་ཅིས་ཀྱང་ཡོང་དགོས་པ་རེད། དེ་ལ་གཞའ་ས་སྦས་ས་མེད། ཡང་གཅིག་བཤད་ན་དེ་ནི་ལས་ཀྱི་བཀོད་སྒྲིག་ཡིན་པ་རེད་ཟེར། དེ་བས། སྤོ་བོའི་གབ་ཚིག་ལྟ་བུའི་འདས་རྐྱེན་ནི་དུས་ཡུན་རིང་བོ་ཞིག་ལ་གྲོ་ཞིང་ཁ་དང་ཐ་ན་ལུང་པ་དེའི་མི་རྣམས་ཀྱི་གླེང་གཞིར་གྱུར་མྱོང་།uuQཀྲུང་གོ་བོད་ཀྱི་དྲ་བ།

ཆུང་དུས་སུ། ཨ་ཕས་སྤོ་བོ་གླེང་ཡོང་དུས་ང་སྤོ་བོའི་སྟེང་དུ་སྦྱོར་ཅིང་། ང་གླེང་ཡོང་དུས་སྤོ་བོ་ངའི་སྟེང་དུ་སྦྱོར་བའི་བྱེད་སྟངས་དེར་གཏན་ནས་གོ་བ་ལེན་མ་ཐུབ། ཨ་ཕས་ངའི་གདོང་གི་མངལ་རྟགས་གོར་གོར་དེ་བསྟན་ནས“ཁྱོད་ཀྱི་གདོང་གི་རྨ་ཤུལ་འདི་ཚེ་འབུམ་ཁ་ཆེ་ཡིས་བཏོད་པ་རེད”ཟེར་དུས། ངས་ཅི་ཡིན་ཧ་མ་གོ་བར“ ཚེ་འབུམ་ཁ་ཆེ་ཟེར་བ་སུ་རེད། ཁོས་ཅིའི་ཕྱིར་ངའི་གདོང་དུ་རྨ་ཁ་བཏོད་པ་རེད”ཅེས་འདྲི་དུས། ཁོང་གིས་ད་གཟོད་ཅི་ཞིག་རྟོགས་སོང་བ་ལྟར“མ་རེད། ཁྱོད་ཟེར་བ་མིན། ཚེ་འབུམ་ཁ་ཆེ་ནི་དེ་དུས་ཀྱི་ཧུར་ཐག་པ་ཞིག་ཡིན། ཁོས་ཁྱོད་ཀྱི་སྤོ་བོའི་གདོང་ལ་རྟ་ལྕག་གིས་བྲབས་པ་རེད”ཟེར། ཨ་ཕའི་སྐད་ཆ་དེ་བཤད་དུས། གདོང་གི་ཆ་ཤས་གང་ཞིག་གློག་གིས་བརྒྱབ་པ་ལྟར་འདར་ཙམ་འདར་ཙམ་བྱེད་ལ། ལག་ཟུང་སྙིང་གར་སྦྱར་ནས་དཀོན་མཆོག་གསུམ་པོས་མཁྱེན་ཟེར་བཞིན་གསོལ་བ་དྲག་ཏུ་འདེབས་པར་བྱེད།uuQཀྲུང་གོ་བོད་ཀྱི་དྲ་བ།

ང་ནི་རྨི་ལམ་མང་བའི་མི་ཞིག་སྟེ། ནམ་རྒྱུན་མཚན་གྱི་སྨག་རུམ་གྱིས་འཇིག་རྟེན་གཡོགས་ཤིང་། གཉིད་ཀྱི་ལག་པས་ང་ལ་གཡབ་མོ་བྱེད་ཐེངས་རེར། མི་རྒན་རྟ་དཀར་པོར་བཅིབས་པ་ཞིག་རྩྭ་ཐང་ཡངས་པོའི་ཕང་བ་རུ་གློག་ཞགས་བཞིན་འཁྱུག་ཅིང་། དེ་ནས་ང་ལ་ཕྱོགས་ཏེ་ཀི་རིང་ཞིག་འདེབས་བཞིན་བང་གིས་བརྒྱུགས་འོངས། མི་རྒན་དེ་ཏག་ཏག་ངའི་དྲན་པར་རབ་རིབ་ཅིག་ཉར་ཡོད་པའི་སྤོ་བོའི་སྣང་བརྙན་དང་ཀུན་ནས་མཚུངས། མི་རྒན་དེས་རྟ་ཐོག་ནས་ཐང་ལ་བབས་ཤིང་། ང་ལ་ཕྱོགས་ནས་འཛུམ་ཙམ་བྱེད་པ་དང། དེ་ནས་ངའི་ལག་ཏུ་རྩམ་པ་འཆིང་བུ་ཞིག་བཞག་རྗེས་སླར་ཡང་གློག་ཞགས་བཞིན་སྐད་ཅིག་གི་རིང་ལ་ཡལ་འགྲོ། མི་ལོ་མང་པོ་ཞིག་ལ་ངས་རྨི་ལམ་དེ་བསྟུད་མུར་ཐེངས་མང་རྨིས་མྱོང་ཞིང་། མཚམས་རེར་ངས་རྨི་ལམ་དེ་རྨི་ལམ་ཞིག་ཡིན་པའང་བརྗེད་དེ་རྨི་ལམ་གྱི་ཁྲོད་ནས་དགའ་སྟེ་བགད་ནས་སད་འོངས། ཡི་མུག་པའི་ཚོར་བ་མཐའ་དག་ནི་རྨི་ལམ་ལས་སད་རྗེས་བྱུང་བ་འབའ་ཞིག་སྟེ། ང་རང་རྔ་མ་མེད་པའི་རྨི་ལམ་དེར་འཁྲེང་ནས་སེམས་པ་སྐྱོ་ངལ་གྱི་གཡང་དུ་ལྷུང་བ་ཐེངས་གཅིག་མིན། དེ་དུས་ངས་མུ་མཐུད་དུ་མིག་ཟུང་བཙན་གྱིས་བཙུམ་སྟེ་རྨི་ལམ་དེའི་མཇུག་སྐྱོང་འདོད་ཀྱི་འདོད་ཧམ་བཅངས་ནའང་། ནམ་ཡང་རྨི་ལམ་དེའི་མཇུག་ནི་ལྷ་འདྲེ་སུ་ཞིག་གིས་བསམ་གཟས་ནས་དུམ་སེ་བཅད་པ་ལྟར་ངའི་རྨི་ལམ་གྱི་ཞིང་དུ་མངོན་རྒྱུ་མ་བྱུང་།uuQཀྲུང་གོ་བོད་ཀྱི་དྲ་བ།

ཆུང་ངུའི་དུས་ཀྱི་དྲན་པ་དག་ནི་རྡོ་ལ་རི་མོ་བརྐོས་པ་བཞིན་བསུབ་མེད་སྒྲིལ་བྲལ་དུ་ངའི་སྣང་ངོར་གསལ་ལེར་ཤར་འོངས། སྡེ་དཀྱིལ་གྱི་མ་ཎི་ཁང་དེ་ནི་ལྐོག་གྱུར་གྱི་གསང་གནས་ཞིག་དང་འདྲ་བར་འགུགས་ཤུགས་ཆེས་ཆེར་ལྡན་པ་ཞིག་ཡིན། རྨོ་མོས་ང་ཁོའི་རྗེས་ལ་ཁྲིད་དེ་ལྐོག་གྱུར་གྱི་གསང་གནས་གང་དེར་བགྲོད་དུས། ལྷ་ཚོགས་ཀྱི་ཞལ་བཞིན་དག་ནི་སྔོན་ནས་འདྲིས་པ་བཞིན་ང་ལ་རྒྱུས་མེད་ཀྱི་སྣང་བ་ཅི་ཡང་མ་བྱིན། ཐ་ན་ངས་མ་ཎི་ཁང་གི་རྩིགས་ལྡེབས་སུ་དཔྱངས་ཡོད་པའི་རྔ་ཀོར་ཏེ་པང་པང་དུ་རྡུང་དུས་ཀྱང་། རྨོ་མོས་མིག་ནས་མཆི་མ་ཉིལ་ལེར་སྐལ་བཟང་ཞེས་སྤོ་བོའི་མིང་ངམ་ཡང་ན་ངའི་མིང་ནས་ང་ལ་འབོད་པ་ལས་བཀག་འགོག་ཅི་ཡང་མི་བྱེད། རྡོ་རྗེ་གོ་ཁར་ལྷུང་ན་བུ་ཆུང་གི་རྩེ་སྤྱད་ཟེར་བ་ལྟར། སྤྱིར་ན་ཆོས་སྤྱོད་ཡོ་བྱད་དག་ནི་བྱིས་པས་རྩེད་ཆས་སུ་གཏན་ནས་མི་རུང་སྟེ། དེ་དག་ནུ་བོའམ་སྲིང་མོའི་ལག་ཏུ་ཤོར་ཚེ། རྨོ་མོས་འཕྲལ་དུ་ལག་ནས་ཕྲོགས་ཏེ་བཀག་འགོག་བྱེད་སྲིད་པ་ཁོ་ཐག་ཡིན། ཡིན་ནའང་ངས་དྲིལ་བུ་དང་སྦུབས་ཆ་ཡང་ན་རྡོ་རྗེ་གང་རུང་ལག་ཏུ་བཟུང་ནས་སིང་སིང་དུ་དཀྲོལ་བའམ་ཆ་ཆ་ཞེས་བརྡུངས་ནའང་། རྨོ་མོས་མིག་ཧྲིག་གེར་ང་ལ་ལྟ་བ་ལས་སྡང་སྡིགས་ཅི་ཡང་བསྟན་མ་མྱོང་། དེ་ལ་སྲིང་མོ་དང་ནུ་བོ་གཉིས་ཀས་རྨོ་མོར་དུས་ཡུན་རིང་བོ་ཞིག་ལ་བསམ་འཆར་བཤད་ཀྱིན་འདུག ཡང་གཅིག་བཤད་ན། སྲིང་མོ་དང་ནུ་བོ་གཉིས་ཀ་མཚམས་རེར་བ་རྫིའམ་ར་རྫིར་འགྲོ་དགོས་མོད། འོན་ཀྱང་ངའི་ཆུང་དུས་ཀྱི་ལོ་ཟླ་རྨོ་མོ་དང་འགྲོགས་ནས་མ་ཎི་ཁང་གི་ཁྱམས་རར་ཡོད་པའི་མ་ཎི་འཁོར་ཆེན་དེ་ཉིན་དང་ཉིན་བསྟུད་ནས་བསྐོར་བ་ཡིན།uuQཀྲུང་གོ་བོད་ཀྱི་དྲ་བ།

གྲོ་ཞིང་ཁ་སྡེ་བའི་རྩིབས་ལོགས་སུ་སྡོང་ར་ཆེན་པོ་ཞིག་ཡོད། སྡོང་ར་ནི་རྗེས་ཀྱི་འབོད་སྟངས་རེད། ཨ་ཕས་བཤད་པའི་མུན་ནག་གི་ལོ་ཟླ་དེའི་ནང་སྡོང་ར་དེ་ད་དུང་སྡོང་ར་ཞིག་མིན། དེ་ནི་གཞི་ཁྱོན་ཅུང་ཆེ་བའི་ཕག་གསོ་ར་བ་ཞིག་ཡིན། རྗེས་སུ་ས་ཞིང་སྒེར་ལ་བགོས་རྗེས་སྡོང་ཕྲུག་མང་པོ་བཙུགས་ཤིང་ཁྱིམ་ཚང་རེ་རེར་བགོས་ཏེ་ད་ལྟའི་སྡོང་ར་དེར་བསྒྱུར་པ་རེད། སྤོ་བོ་དེ་སྔ་ཕག་ར་དེའི་ཕག་གསོ་མཁན་བྱས་མྱོང་བས། སྡེ་མི་ཚོས་སྤོ་བོར་ཕག་དཔོན་ཞེས་པའི་ཟུར་ཟའི་མིང་ཞིག་ཀྱང་བཏགས་མྱོང་བ་རེད། དེ་ནི་རྨོ་མོས་ང་ལ་བཤད་པའི་གཏམ་རྒྱུད་ཅིག་སྟེ། ཟ་མ་དཀའ་ཞིང་མུ་གེ་རྒྱུན་ཆད་མེད་པའི་ལོ་དེ་དག་གི་རིང་ལ། ཟ་མའི་ཡན་ན་རིན་པོ་ཆེ་ཞིག་ཡོད་མི་སྲིད། ཕག་ཤ་འགྲངས་ཐག་ཆོད་པ་ཞིག་ཟོས་པའི་གཏམ་རྒྱུད་དེ་ནི་ད་དུང་ཡང་སེམས་ཀྱི་གཏིང་ཞིག་ཏུ་ཀྲིག་ཀྲིག་ཏུ་འགུལ་བཞིན་འདུག་ཟེར། སྤོ་བོ་ནི་བལྟས་ན་གྱད་མི་ཞིག་དང་མཚུངས་ཀྱང་། སྲོག་གཅོད་པའི་ཐད་དུ་བྱིའུ་ཞིག་གསོད་པར་ཡང་སྙིང་རྩ་འདར་བའི་མི་ཞིག་ཡིན། ལོ་རབས་དེའི་ནང་དུ་བྱིའུ་བསད་དེ་བསྲེགས་ནས་ཟ་མཁན་ཡང་མང་པོ་ཡོད། ཡིན་ནའང་ཁྱེད་ཀྱི་སྤོ་བོས་དེ་ཙམ་ཡང་མི་ནུས། མཚན་མོ་དེར་སྤོ་བོ་འཇབ་ཀྱིན་འཇབ་ཀྱིན་ཁྱིམ་ལ་བསླེབས་དུས། ནམ་གུང་སྔར་ནས་ཡོལ་འདུག་ཅིང་ནམ་ལངས་པར་དུས་ཡུན་རིང་བོ་མེད། ཁོའི་ལག་ཏུ་དཀར་རྡོག་སེ་འདུག་པའི་དངོས་པོ་ཞིག་བཟུང་འདུག་ཅིང་། ཟླ་འོད་ཤིན་ཏུ་གསལ་བས་དཀར་རྡོག་སེ་འདུག་པའི་དངོས་པོ་དེ་ནི་མིག་ལམ་དུ་འོད་ཀྲིག་ཀྲིག་བྱེད་ཟེར། རྨོ་མོས་དེ་ལྟར་བཤད་དུས། གདོང་ལ་དགའ་སྐྱོ་ཟུང་འབྲེལ་གྱི་རྣམ་པ་ཞིག་ཀུན་ནས་ཤར་འདུག རྨོ་མོས་སྤོ་བོར་ཁྱེད་ཀྱི་ལག་གི་དེ་ཅི་ཡིན་ཞེས་འདྲི་དུས། སྤོ་བོས་སྐད་མགོ་ཧ་ཅང་དམའ་མོས་ངང“འདི་ཕག་ཤ་ཡིན། ངས་ཕག་ཕྲུག་ཅིག་བསད་པ་ཡིན”ཟེར། སྤོ་བོས་སྐད་ཆ་དེ་བཤད་དུས་ཁོང་གི་སྐད་མངོན་གསལ་གྱིས་འདར་གྱིན་འདུག་ཟེར། གཏམ་དེ་ནི་འགད་རྫས་ཤིག་དང་འདྲ་བར་ཟླ་འོད་ཀྱི་བཀྲགས་མདངས་བརྒྱུད་དེ་རྨོ་མོའི་རྣ་ལམ་དུ་ལྷུང་དུས། མོ་ནི་སྐྲག་ཅིང་དངངས་ཏེ་ཏབ་ཅིག་ལ་ཁ་ཤ་འགུལ་ཙམ་འགུལ་ཙམ་བྱེད་པ་ལས་ཁ་ནས་ཚིག་གཅིག་ཀྱང་སྒོར་འབྱིན་མ་ཐུབ་ཟེར། རྨོ་མོས་རང་ཁྱིམ་གྱི་གྲུ་ག་སོ་སོར་བསམ་བཞིན་དང་བསམ་བཞིན་མ་ཡིན་པར་མིག་ཉུལ་ཞིག་བྱས་རྗེས“མྱུར་དུ་ཁྱིམ་ལ་འཛུལ་རོགས”ཞེས་སྤོ་བོར་བསྐུལ་བ་ན་ཐོ་ཡོར་བཞིན་འགྲེངས་པའི་སྤོ་བོའང་གློ་བུར་སད་པ་བཞིན་ཡང་ཡང་རང་གི་རྗེས་ལ་ཕྱི་མིག་སློག་བཞིན་ཁྱིམ་དུ་འཛུལ། མཚན་མོ་དེའི་ཟླ་འོད་ནི་དུས་རྒྱུན་ལས་ཀྱང་གསལ་གྱི་ལེར་འཕྲོས་ཡོད་པས། སྤོ་བོ་དང་རྨོ་མོ་གཉིས་ཀྱིས་མཚན་མོ་དེའི་ནམ་མཁའ་ནས་སྤྲིན་ནག་གིས་གར་སྟབས་ལང་ལོང་བསྒྱུར་པར་རེ་སྒུག་གི་མིག་ཟུང་ཆེས་ཆེར་བགྲད་ཀྱང་། ནམ་མཁའི་མདངས་ནི་ཇེ་གསལ་ནས་ཇེ་གསལ་དུ་གྱུར་ཏེ་མཐའ་མར་ནམ་ལངས་སོང་ཟེར། སྤོ་བོར་སྤྲིན་ནག་གི་འདུ་འགོད་དཀྲུགས་པའི་འཇོན་ཐང་ལྡན་ནའང་། སྤོ་བོར་སྤྲིན་ནག་གི་འདུ་འགོད་མཁའ་ལ་བསུ་བའི་ནུས་པ་རྩ་ནས་མི་འདུག་ཅེས་རྨོ་མོས་འཁང་ར་ལྟ་བུ་ཞིག་བྱས་སོང་། རྨོ་མོས“ཟླ་འོད་གསལ་བའི་མཚན་མོར་ཐབ་ཁུང་དུ་མེ་བུས་ཚེ། དུ་ཁུང་ལས་དུ་བ་རྨུ་ཐག་བཞིན་མཁའ་ལ་འཐེན་སྲིད་ཅིང། མཚན་མོའི་གྲུ་ག་སོ་སོར་འུག་པ་བཞིན་མིག་ཟུང་ཧྲིག་གེར་སྡོད་པའི་ཧུར་ཐག་པ་མང་པོ་ཡོད། མཚན་མོར་མེ་འབུད་པ་ནི་དགྲ་བོར་གཡབ་མོ་བྱེད་པ་དང་འདྲ”ཟེར། མཐའ་མར་ཐབས་ཟད་དེ་སྤོ་བོས་  ཕག་ཕྲུག་ཆུང་ཆུང་དེའི་ཤ་ལབ་དོང་གི་གཏིང་དུ་མི་སྦས་ཀ་མེད་བྱུང་།uuQཀྲུང་གོ་བོད་ཀྱི་དྲ་བ།

ཕྱི་ཉིན་གྱི་དོན་དག་ནི་བདག་གི་གདོང་ལ་བབས་པའི་མངལ་རྟགས་གོར་གོར་དེ་དང་འབྲེལ་བ་ཡོད་པ་རེད། ཧུར་ཐག་པ་ཚེ་འབུམ་ཁ་ཆེ་ཡིས་རྟ་ལྕག་གིས་སྤོ་བོའི་གདོང་ལ་འབྲབ་བཞིན། ཕག་ཕྲུག་ཅིག་གློ་བུར་བོར་སོང་ཟེར་ན་སུ་རྣར་འགྲོ། གཤོག་པ་ཡོད་ན་མཁའ་ལ་འཕུར་སོང་ཟེར། སྡེར་མོ་ཡོད་ན་ས་ལ་འཛུལ་སོང་ཟེར་ཞེས་ཁ་རྒྱ་སྒོ་ལྟ་བུའི་ནང་ནས་ཚིག་མདའ་མོ་བཞིན་འཕེན་གྱིན། རྟ་ལྕག་གིས་ཡང་བསྐྱར་སྤོ་བོའི་གདོང་ལ་ཤུགས་ཀྱིས་འབྲབ་དུས། སྤོ་བོས་ན་ཟུག་བཟོད་ཅི་ཐུབ་ཀྱིས་མི་ངན་ཚེ་འབུམ་ལ་ཞུ་འབོད་ཀྱི་ཚིག་གཅིག་ཀྱང་མ་བཤད། སྤོ་བོའི་ཨམ་གཙིགས་བསྡམས་ཏེ་ཁ་ནས་ཡང་ཡང་བསྐྱར་ཟློས་ཀྱིས་ཚིག་གཉིས་བཤད་པ་ནི། “ངས་མི་ཤེས། ” “ ངས་ངོ་མ་མི་ཤེས”ཞེས་པ་གཉིས་ཡིན་ཟེར།uuQཀྲུང་གོ་བོད་ཀྱི་དྲ་བ།

“ཁྱོད་ཀྱིས་མི་ཤེས་སམ།”uuQཀྲུང་གོ་བོད་ཀྱི་དྲ་བ།

“མི་ཤེས།”uuQཀྲུང་གོ་བོད་ཀྱི་དྲ་བ།

“ཁྱོད་ཀྱིས་ངོ་མ་མི་ཤེས་སམ།”uuQཀྲུང་གོ་བོད་ཀྱི་དྲ་བ།

“ངས་ངོ་མ་མི་ཤེས།”uuQཀྲུང་གོ་བོད་ཀྱི་དྲ་བ།

ཚེ་འབུམ་ཁ་ཆེ་ཡིས་སྤོ་བོའི་གདོང་ལ་རྟ་ལྕག་གིས་ཚ་བེར་བེར་ཞིག་བྲབས་པ་དེས། སྤོ་བོའི་གདོང་གི་ཤ་སྐྱི་གཉིས་ཀ་འདར་ཙམ་བྱས་ཤིང་། དེ་ནས་གདོང་དུ་ཁྲག་གི་ལྟེང་ཀ་ཆུང་ཆུང་ཞིག་དལ་བུར་འཛུམ་བྱུང་། སྤོ་བོའི་ན་ཟུག་གིས་གཙེས་པའི་གདོང་ནི་རྩ་འཐེན་བྱུང་བ་ལྟར་འགུལ་ཙམ་འགུལ་ཙམ་བྱས་བྱུང་། ཚེ་འབུམ་ཁ་ཆེ་མི་མང་གི་སྔུན་ནས་ཕར་འགྲོ་ཚུར་འགྲོ་ལན་འགའ་བྱས་རྗེས་སླར་ཡང་སྤོ་བོའི་མདུན་དུ་ཡོང་སྟེ། སྤོ་བོའི་ཁྲག་གིས་སྦགས་པའི་གདོང་ལ་མཛུབ་མོ་ཀེར་ཏེ“ངས་ཁྱོད་ལ་མཐའ་མཇུག་གི་དྲི་བ་ཞིག་འདྲི”ཟེར་མོད། དོན་དུ་དྲི་བ་ལྷག་མ་ཅི་ཡང་མ་བཏོན། ཡང་བསྐྱར་གོང་གི་དྲི་བ་དེ་གཉིས་བསྐྱར་ཟློས་ཤིག་བྱས།uuQཀྲུང་གོ་བོད་ཀྱི་དྲ་བ།

“ཁྱོད་ཀྱིས་མི་ཤེས་སམ།”uuQཀྲུང་གོ་བོད་ཀྱི་དྲ་བ།

“མི་ཤེས།”uuQཀྲུང་གོ་བོད་ཀྱི་དྲ་བ།

ཁྱོད་ཀྱིས་ངོ་མ་མི་ཤེས་སམ།uuQཀྲུང་གོ་བོད་ཀྱི་དྲ་བ།

“ངས་ངོ་མ་མི་ཤེས།”uuQཀྲུང་གོ་བོད་ཀྱི་དྲ་བ།

སྤོ་བོའི་ཚིག་དེ་གཉིས་ཀྱིས་ཚེ་འབུམ་ཁ་ཆེའི་ཐབས་བཀོད་བརྒྱ་དང་བརྒྱད་པོ་གཡང་དུ་བརྫངས་ཞིང་། སྤོ་བོའི་ཚིག་དེ་གཉིས་ཀྱིས་ངེད་ཚང་གི་བཟའ་མི་གང་བོས་ཕག་ཤ་རྒྱགས་ཆད་པ་ཞིག་ཟོས་པ་དང་། སྣུམ་གྱིས་བཏང་བའི་ཕོ་བ་དང་རྒྱུ་མ་རྣམས་ཡང་བསྐྱར་སྣུམ་ཤིག་གེར་བཏང་བ་རེད། ཚེ་འབུམ་ཁ་ཆེ་མཇུག་མཐར་ཅི་བྱ་གཏོལ་མེད་དུ་གྱུར་ཏེ“ ད་ནས་བཟུང་ཁྱོད་ཕག་གསོ་ར་བར་གཏན་ནས་སོང་མི་ཆོག”ཟེར། བྱ་བ་དེ་ཡང་རྗེས་སུ་དེ་ལྟར་མཚམས་བསྐྱུར་སོང་།uuQཀྲུང་གོ་བོད་ཀྱི་དྲ་བ།

ཆུང་དུས་སུ། ང་རང་སྡེ་བའི་རྩིབས་ལོགས་ཀྱི་སྡོང་ར་དེར་སོང་བ་རྨོ་མོས་ཤེས་རྗེས།“ སྐལ་བཟང་། སྡོང་རའི་ནང་དུ་འགྲོ་མི་ཉན། ས་དེ་ནི་གཏན་ནས་མི་གཙང། དེ་རུ་དོན་དག་ཡ་མཚན་ཅི་འདྲ་མང་པོ་ཞིག་བྱུང་ཡོད་པ་ཁྱོད་ཀྱིས་ག་ལ་ཤེས”ཟེར། རྨོ་མོས་དེ་ལྟར་བཤད་པ་དེས་ང་རང་ལྷག་ཏུ་སྡོང་རའི་ནང་འགྲོ་འདོད་ཀྱི་འདུན་པ་ཞིག་འགོག་མེད་དུ་སྐྱེས་སུ་བཅུགuuQཀྲུང་གོ་བོད་ཀྱི་དྲ་བ།

དེ་ནི་རྨི་ལམ་ཞིག་ཅིས་ཀྱང་ཡིན་མི་སྲིད།uuQཀྲུང་གོ་བོད་ཀྱི་དྲ་བ།

ཀུན་ལ་བཤད་ཚེ་རྣར་མི་འགྲོ་བ་ལྟ་བུ་ཞིག་ཡིན་མོད། ཐེངས་ཤིག་ང་རང་དངོས་སུ་དོན་དག་ཡ་མཚན་ཞིག་ལ་འཕྲད་བྱུང་། ངའི་སྣང་ངོར་མི་ཆེན་རྟ་རྒན་འདྲ་བ་ཞིག་གིས་ཕག་ཕྲུག་འགའ་དེད་ནས་སྡོང་རའི་ནང་ཕར་འགྲོ་ཚུར་འགྲོ་བྱེད་པའི་སྣང་བརྙན་ཞིག་འཁོར་ཡོང་། ངས་ཀྱང་རྟོག་བཟོའི་ཚུལ་དུ་ཕག་པ་འགའ་མིག་ལམ་དུ་མངོན་པར་བྱས་པ་ན། སྡོང་རའི་ནང་ཕར་འགྲོ་ཚུར་འགྲོ་བྱེད་པའི་མི་ཆེན་དེ་དང་ངེད་གཉིས་ངོ་བོ་གཅིག་ཏུ་འདྲེས་ཤིང་། རྟོག་བཟོ་ནི་དེ་མ་ཉིད་དུ་མངོན་སུམ་དུ་གྱུར་ཅིང་། མངོན་སུམ་གྱི་བྱུང་བ་མཐའ་དག་ངའི་མིག་ལམ་དུ་ཤར་བྱུང་།uuQཀྲུང་གོ་བོད་ཀྱི་དྲ་བ།

……uuQཀྲུང་གོ་བོད་ཀྱི་དྲ་བ།

ཟླ་འོད་རབ་ཏུ་འཚེར་བའི་མཚན་མོ་དེར་ཕག་ཕྲུག་དེ་བསད་པའི་རྣམ་པ་དག་ཀྱང་ཁ་སང་བྱུང་བ་བཞིན་ཡིད་ངོགས་ནས་མིག་ལམ་དུ་འཕོས་འོངས་ཏེ། ཕག་རའི་ནང་གི་མི་རྣམས་རང་ཡུལ་དུ་ལོག་ཤུལ་དུ། ཕག་ར་ནི་སྟོང་ཞིང་འཇགས་པས་ངས་སྒྲོལ་མ་ཚར་འགའ་ཁོག་འདོན་བྱེད་ཀྱིན་ཕག་རའི་ནང་དུ་ཡར་ལྟ་མར་ལྟ་བྱས་ནས་སྡོད་དུས། གློ་བུར་ཕག་ཕྲུག་ཅིག་གིས་ཙིར་སྒྲ་བར་མེད་དུ་བསྒྲགས་བྱུང་། ཕག་ཕྲུག་གིས་ཙིར་སྒྲ་བསྒྲགས་པ་དེས་ང་ལ་འཚབ་སྣང་འགོག་མེད་ཅིག་སྦྱིན་པར་བྱེད། ངས་ཅི་ཡིན་འདི་ཡིན་སྙམ་ནས་མདུན་དུ་ཕྱིན་དུས། ཕག་ཕྲུག་དེས་ཡང་བསྐྱར་ང་ལ་བལྟས་ནས་ཙིར་སྒྲ་བསྒྲགས་བྱུང་། འཚབ་སྣང་ནི་སྐད་ཅིག་ཉིད་ལ་སྡང་སེམས་དུ་གྱུར་དུས། ངས་ཐང་ནས་རྡོ་ཞིག་བླངས་ཏེ་ལག་ཏུ་བཅངས་འདུག སྐབས་དེར་ང་ལ་དྲན་ཚུལ་དེ་འདྲ་ཞིག་ཇི་ལྟར་སྐྱེས་པ་བཤད་རྒྱུ་མེད་ཀྱང་། གང་ལྟར་ཕག་ཕྲུག་དེའི་མགོ་ལ་ལག་ཏུ་བཅངས་པའི་རྡོ་དེས་སྐག་སེ་བརྒྱབ་པ་ན། ང་ལ་འགྲན་སློང་བ་ལྟ་བུའི་ཕག་ཕྲུག་གི་ཙིར་སྒྲ་ནི་སའི་གོ་ལ་རིལ་མོའི་སྒང་ནས་ཤུལ་མེད་རྗེས་མེད་དུ་གྱུར་སོང་། དེའི་ཚབ་ཏུ་རང་ཚུགས་མེད་པར་ཐང་ལ་འགྱེལ་བའི་ཕག་ཕྲུག་དེའི་བེམ་རོ་དང་། ངའི་ལྟིག་ལྟིག་ཏུ་ལྡིང་བར་བྱེད་པའི་སྙིང་གི་འཕར་ལྡིང་གཉིས་རེད།uuQཀྲུང་གོ་བོད་ཀྱི་དྲ་བ།

ལྷིང་འཇགས་ཀྱི་མཚན་མོ་དེར། ལྷིང་འཇགས་ཀྱི་ཁོང་ནས་སྨིན་པའི་འགྱོད་སྣང་དང་སྐྲག་སྣང་གཉིས། ངའི་སེམས་ཁོང་དུ་བང་གིས་རྒྱུག་པའི་རྟ་ཕོ་ཆ་ཞིག་དང་འདྲ་བར་སུ་མགྱོགས་འགྲན་པར་བྱེད་པས། ང་ནི་ཡུན་རིང་བོ་ཞིག་ལ་གྲག་མེད་དུ་འཇིམ་སྐུ་བཞིན་འགུལ་བ་མེད་པར་ལུས། ང་རང་རང་ཉིད་ལས་ཐར་དུས་དུས་ཚོད་ཅི་ཙམ་འགོར་བ་སུས་ཤེས། གློ་བུར་གློ་བུར་བྱུང་བའི་དྲན་ཚུལ་དག་ནི་མཚམས་རེར་དེ་འདྲའི་བློ་གྲོས་དང་ལྡན་པ་ཞིག་སྟེ། ངས་ཕག་ཕྲུག་དེ་ཕག་ལྟོ་བཟོ་བར་གྲ་སྒྲིག་བྱས་པའི་ཆུ་རྒོད་སླ་ང་ཆེན་པོ་གང་ཡོད་པ་དེའི་ནང་དུ་སྦངས་ཤིང་། བདར་རྡོས་སྤུ་རྣམས་བདར་ཅིང་དྲད་དེ་གཙང་དག་ཏུ་བཀྲུས་ཚར་དུས་ནམ་ཕྱེད་ཡོལ་ཟིན……uuQཀྲུང་གོ་བོད་ཀྱི་དྲ་བ།

རྗེས་ཀྱི་བྱ་བ་རྣམས་ནི་ང་ལ་དྲན་རྒྱུ་ཅི་ཡང་མི་འདུག དེ་ནི་ཉིན་གསུམ་འགོར་རྗེས་ཀྱི་མཚན་མོ་ཞིག་ཡིན་ཟེར། རྨོ་མོས་བཤད་པའི་ཕག་ཤ་ཟ་སྐབས་ཀྱི་དགའ་སྣང་དང་སྐྲག་སྣང་དག་ང་ལ་དྲན་རྒྱུ་མི་འདུག རྨོ་མོས་བཤད་ན“ངས་བཟའ་མི་གང་བོར་ཕག་ཤ་བགོ་བཤའ་བརྒྱབ་རྗེས། ང་རང་ཁང་ཐོག་ཏུ་ཡིབས་ནས་སོ་ལྟ་བྱས་པ་རེད”ཟེར། རྨོ་མོས་ད་དུང“ལས་ལེགས་པ་ཞིག་ལ་མཚན་མོ་དེར་ཟླ་ནག་ཆུ་ནག་ཅིག་ཡིན་པས། དུ་ཁུང་ནས་འཕྱུར་བའི་དུ་བ་དང་མཚན་སྨག་གཉིས་གཞིག་གཅིག་ཏུ་འདྲེས་ཏེ་སོ་སོའི་དབྱེ་བ་གཏན་ནས་འབྱེད་དཀའ”ཟེར། གལ་ཏེ་དེ་ལྟར་མིན་ཚེ། རྗེས་ཀྱི་ཕག་ཤ་ཟོས་པའི་དོན་དག་ཀྱང་གླེང་ཐབས་ཡོད་མི་སྲིད། རྨོ་མོས་མུ་མཐུད་དུ་མོའི་ཕྲུ་གུ་དག་ནི་སྤྱང་ཕྲུག་ཅིག་སྤྱང་མའི་མཐའ་ལ་རུབ་པ་བཞིན་མོའི་མཐའ་ལ་རུབ་སྟེ། ཕག་ཤར་སོ་འདེབས་པའི་རྣམ་པ་དེ་ད་དུང་དྲན་ན་ཡིད་འགུལ་ཐེབས་པ་ཞིག་རེད་ཟེར། ཡིན་ནའང་ང་ལ་དེ་དག་དངོས་གནས་ཅི་ཡང་དྲན་རྒྱུ་མི་འདུགuuQཀྲུང་གོ་བོད་ཀྱི་དྲ་བ།

སྤོ་བོ་གྲོངས་པའི་ཕྱི་ལོ་སྟེ། ཡང་ན་ང་རང་འཇིག་རྟེན་མི་ཡུལ་དུ་ཡོང་བའི་ནམ་གུང་དེར་ཟླ་འོད་ཤིན་ཏུ་གསལ་བས། ཨ་ཕས་དེ་ནི་རྟེན་འབྲེལ་ལེགས་པ་ཞིག་ཏུ་བརྩི་ནའང་། རྨོ་མོའི་སེམས་ཀྱི་གཏིང་རིམ་ཞིག་ཏུ་ཟླ་འོད་ནི་མི་ལ་སྐྲག་སློང་སྤྱད་ལྟ་བུ་ཞིག་ཏུ་ཆགས་ཚར་འདུག་པས། ཟླ་འོད་གསལ་བའི་མཚན་མོར་མོ་ལ་ཁྱིམ་གྱི་གྲུ་ག་སོ་སོར་མིག་ཉུལ་བྱེད་པའི་སྲོལ་ཞིག་རྒྱུན་འབྱམས་སུ་གྱུར་ཡོད་པར་བཤད། མཚན་མོ་དེར་ང་འཇིག་རྟེན་མི་ཡུལ་དུ་ཐོག་མར་ཡོང་དུས་ཀྱང་། རྨོ་མོས་མཉམ་བཞག་མ་བཞག་གི་མཚམས་ནས་ཁྱིམ་གྱི་གྲུ་ཁ་སོ་སོར་མིག་ཉུལ་ཞིག་བྱས་སོང་ཟེར། དེ་ནི་ང་ལ་ཨ་ཕས་བཤད་པ་ཡིན། ཟླ་འོད་ལ་སྐྲག་སྣང་གི་སེམས་པ་འཛིན་པའི་རྨོ་མོས་ངས་གདོང་གི་མངལ་རྟགས་གོར་གོར་དེ་ལ་ཞིབ་ལྟ་ཞིག་རྗེས “ རེད། འཆུག་མེད། འདི་ནི་སྐལ་བཟང་རེད” ཅེས་ངའི་སྤོ་བོ་མཐོ་རིས་པོའི་མིང་ནས་ང་ལ་ཐེངས་ཤིག་བོས་པས། ངས་ད་གཟོད་མི་ཡུལ་གྱི་ཆེས་ཐོག་མའི་ངུ་སྐད་དེ་ངེད་ཚང་གི་ཐབ་ཚང་རྙིང་པ་དེའི་ནང་ནས་བསྒྲགས་པ་རེད། ངུ་སྐད་དེ་ནི་ང་རང་འཇིག་རྟེན་མི་ཡུལ་དུ་ཡོང་བའི་མཚོན་རྟགས་ཀྱང་ཡིན་ནོ།།uuQཀྲུང་གོ་བོད་ཀྱི་དྲ་བ།

དེ་ནས་བཟུང་ང་དང་ངའི་སྐྱེས་པ་སྔོན་མ་གཉིས་ནི་མི་གཅིག་དང་མིང་གཅིག་གི་བདག་ཉིད་དུ་གྱུར་སོང་། རྗེས་སུ་ཨ་ཕས་རྨོ་མོ་ལ་ང་ཚོ་དགོན་པའི་བླ་མའི་མདུན་དུ་ཕྱིན་ནས་ང་ལ་མིང་ཞིག་སློང་བའི་གྲོས་མགོ་བཏོན་པ་ན། རྨོ་མོས“ཕྲུ་གུར་མིང་ཡོད་པ་མིན་ནམ”ཞེས་བཤད་ཞོར། མོའི་པང་དུ་ཡོད་པའི་ང་ལ་བལྟས་ནས“སྐལ་བཟང་། སྐལ་བཟང”ཞེས་འབོད་པར་བྱེད་ཟེར། ཨ་ཕས་ད་དུང་ང་ལ། ཁོང་གིས་དུས་ཡུན་རིང་བོ་ཞིག་ལ་ཁོང་གི་ཕའི་མིང་ནས་ངའི་མིང་ལ་འབོད་པ་དེ་གང་ཞིག་ནས་མི་ནུས་པར་འདུག་པས། དེ་ལ་ཁོང་གིས་ངའི་མིང་ལ“སྐལ་བྷ”ཞེས་གཅེས་མིང་ཞིག་བཏགས་ཀྱང་། ང་གོམ་པ་སྤོ་ཤེས་པ་ཙམ་མམ་སྐད་ཆ་བཤད་ཤེས་པ་ཙམ་ནས“ང་ནི་སྐལ་བྷ་མིན། ང་ནི་སྐལ་བཟང་ཡིན”ཞེས་གལ་ཏེ་སུ་ཞིག་གིས་ང་ལ“སྐལ་བྷ”ཞེས་བོས་ཚེ་གཏན་ནས་ཨ་ལན་མི་སྟེར་ཟེར།uuQཀྲུང་གོ་བོད་ཀྱི་དྲ་བ།

རྨོ་མོ་འདས་པའི་ལོ་དེར་ང་རང་ཕོ་ལོ་བཅོ་བརྒྱད་ཡིན། ལོ་དེར་ང་རང་རྒྱང་རིང་ནང་ལོགས་ཀྱི་གྲོང་ཁྱེར་ཞིག་ཏུ་སློབ་ཆེན་འགྲིམ་བཞིན་ཡོད། ཨ་ཕས་མལ་ཁང་དུ་ཁ་པར་བཏང་ཡོང་ནས་ང་ལ་རྨོ་མོ་འདས་སོང་ཞེས་བརྡ་སྤྲོད་པའི་མཚན་མོ་དེར། ང་ནི་གྲོགས་མོ་དང་མཉམ་དུ་སློབ་གྲྭའི་ར་སྐོར་ནང་འཆམ་འཆམ་དུ་ཕྱིན་ཅིང་། གྱེས་ཁར་ད་དུང་ཕན་ཚུན་དམ་པོར་བསྡམས་ཤིང་མཆུ་སྒྲོས་ལས་ཀ་ར་གཞིབས་པ་བཞིན་ཡུན་རིང་འཇིབ་འཇིབ་ནས་ཕྱིར་ལོག་མ་ཐག་ཡིན། ཨ་ཕས་ཁ་པར་བཏང་ཡོང་དུས། ངས་གསང་སྤྱོད་ཁང་དུ་ལུས་ཕུང་བཀྲུ་བཞིན་པའི་སྒང་ཡིན། ངས་ཀྱང་ཁ་པར་གྱི་སིང་སྒྲ་གསལ་བོར་ཐོས་བྱུང་། དེ་དུས་མལ་ཁང་གི་སྒོ་བརྒྱབ་མེད་པས། ཁ་པར་གྱི་སིང་སྒྲ་ནི་ཁྱམས་རིང་བརྒྱུད་དེ་ངའི་རྣ་ལམ་དུ་ལྷུང་ཡོང་། དེར་མཐུད་ནས་ང་དང་མལ་ཁང་གཅིག་ཡིན་པའི་མིག་དམར་གྱིས“སྐལ་བཟང་། སྐལ་བཟང”ཞེས་ངའི་མིང་ནས་བོས་བྱུང་། ངས་ཁ་པར་གྱི་ཉན་ཆས་རྣ་རྩར་བླངས་པ་ན། ཨ་ཕས“རྨོ་མོ་དེ་རིང་ཕྱི་དྲོ་མ་བདེ་ཐལ། ཁྱེད་རང་འདས་མཆོད་བསྒྲུབ་པར་ཡོང་མི་དགོས། རྨོ་མོའི་རྗེས་སུ་མ་ཎི་ཚར་འགའ་ཐོན་དང་དེ་ལས་བཟང་བ་མེད”ཟེར་དུས་སྐད་ཆའི་གདངས་ལ་བབས་ཆགས་པའི་བཟོ་ལྟ་ཞིག་ཡོངས་སུ་མངོན་འདུགuuQཀྲུང་གོ་བོད་ཀྱི་དྲ་བ།

མི་ཡི་ཚེ་ཐག་ལྟར་ན། རྨོ་མོ་ནི་རབ་ཏུ་སྨིན་ཏེ་སིལ་ཏོག་བཞིན་ལྗོན་རྩེ་ནས་ལྟིག་སེ་སར་ལྷུང་བ་ལས། སུ་དང་གང་གིས་བཏོག་སྟེ་ལྷུང་བ་དང་གཏན་ནས་མི་འདྲ། རྨོ་མོ་ནི་ལོ་དེར་དགུང་ལོ་བརྒྱད་ཅུ་གྱ་དགུ་ལ་བསླེབས་ཟིན་པས། ད་ལོ་གཅིག་ལ་བསྡད་ན་དགུང་ལོ་དགུ་ཅུ་རེད། ང་ཚོའི་ཡུལ་ཕྱོགས་སུ་དགུང་ལོ་དེ་འདྲའི་མཐོན་པོར་བསྡད་པའི་མི་ཞིག་ད་སྔ་ཡན་ཆོད་དུ་བྱུང་མྱོང་བ་སུ་ལའང་ལབ་རྒྱུ་མེད། མིའི་ཚེ་ཚད་ཀྱི་ངོས་ནས་བཤད་ཀྱང་། རྨོ་མོ་ཚེ་ཕྱི་མར་འགྲོ་རན་འདུག་པ་ནི་སྨོས་སུ་མེད་མོད། “རྨོ་མོ་མ་བདེ་ཐལ”ཞེས་བཤད་དུས་ངས་རང་གི་སེམས་འགྱུར་ཚོད་འཛིན་བྱེད་ཐབས་བྲལ། ངའི་སེམས་པ་ནི་གློ་བུར་འཁྱགས་སིབ་སིབ་ཏུ་གྱུར་ཅིང་། མིག་ལས་མཆི་མ་ཤ་ར་ར་བབས་བྱུང་། ནང་སེམས་ཀྱི་ཅི་ཞིག་ཁ་པར་ནང་གི་གཏམ་དེས་ཕྱི་ལ་བཏོན་པ་དང་འདྲ་སྟེ། ངའི་ལུས་སེམས་གཉིས་ཀ་སྟོང་ཧང་ཧང་དུ་གྱུར་སོང་།uuQཀྲུང་གོ་བོད་ཀྱི་དྲ་བ།

རྨོ་མོ་འདས་པའི་ལོ་དེ་ནི་ངེད་ཚང་ལ་མཚོན་ནས་བཤད་ན་སྐྱིད་སྡུག་མཉམ་བྱུང་གི་ལོ་ཞིག་ཡིན་ཏེ། ངའི་སྲིང་ཆུང་མ་ལྷ་མོ་གནས་ལ་བྱིན་ནས་རིང་བོ་མ་འགོར་བར་རྨོ་མོ་ཚེ་ལས་འདས་པས། ཨ་ཕས་སྲིང་མོ་གནས་ལ་བྱིན་ཚར་ནའང་སྟོན་མོའི་ཆོ་ག་རྗེས་སུ་བསྣུར་དགོས་བྱུང་། རྨོ་མོ་གཤེགས་པའི་མཚན་མོ་དེ་ནི་ལུགས་རྙིང་གི་ཚེས་པ་བཅོ་ལྔར་འཁེལ་ཡོད། རྒྱང་རིང་གི་ནང་ལོགས་ཀྱི་གྲོང་ཁྱེར་དེ་ནས་ངའི་མཁའ་དབྱིངས་སུ་ལྟ་དུས། ནང་ལོགས་ཀྱི་གྲོང་ཁྱེར་དེའི་མཁའ་དབྱིངས་ཀྱི་བཅོ་ལྔའི་དུང་ཟླ་ནི་ཕ་ཡུལ་མཐོ་སྒང་དང་བསྡུར་ཐབས་བྲལ་ཀྱང་། འོད་མག་མོག་ཅིག་སྤྲོ་བར་བྱེད་པའི་ཟླ་འོད་ནི་གློག་ཞུན་གྱིས་གསལ་བར་བཏང་བའི་མཁའ་དབྱིངས་ནས་ལྷོད་གྱིག་གེར་བཞུགས་འདུག ཟླ་འོད་ལ་ཞེད་པའི་རྨོ་མོ་ནི་ཟླ་འོད་གསལ་བའི་མཚན་མོ་དེར་ཁེར་རྐྱང་ངང་བདེ་ལྡན་གྱི་ཞིང་དེར་ཆས་དགོས། རྨོ་མོ་ནི་ཚེ་གང་བོར་ཟླ་འོད་དང་འབྲེལ་ཐག་གཅོད་མི་ཐུབ་པའི་མི་ཞིག་ཡིན་པ་འདྲ། ངས་མ་ཎི་ཚར་འགའ་ཁོག་འདོན་བྱས་ནས་རིང་བོ་མ་འགོར་བར། ངོ་མཚར་བ་ཞིག་ལ་ནམ་མཁའི་ངོ་གདོང་ངང་གིས་འགྱུར་ཅིང་མཐའ་མར་ཆར་བ་ཟམ་ཟིམ་ཞིག་མཚན་ཀློང་ནས་དལ་བུར་བབས་བྱུང་སྟེ། ངའི་མིག་ལ་ལེ་དབར་བརྒྱ་ཕྲག་མང་པོའི་ཕ་རོལ་གྱི་མཐོ་སྒང་གི་གྲོང་ཚོ་དེའི་ནམ་མཁར་ཡང་། སྤྲིན་པོ་སྲབ་མོ་ཞིག་ཕར་གཡོ་ཚུར་གཡོ་བྱེད་ཅིང་ཟླ་འོད་ཀྱི་མདངས་གཉོམ་ནས་གཉོམ་དུ་གྱུར་པའི་བརྙན་རིས་ཤིག་ག་ལེ་ག་ལེར་མངོན་བྱུང་། སྣང་བ་ཞིག་ལ་རྨོ་མོས་མུན་ནག་གི་ཀློང་ནས་ང་ལ་ཅེ་རེར་བལྟས་འདུག འཛུལ་དམུལ་དམུལ་ངང་བལྟས་འདུགuuQཀྲུང་གོ་བོད་ཀྱི་དྲ་བ།

རེད་དེ། རྨོ་མོས་གདོང་ལ་འཛུམ་མདངས་བསྣམས་ནས་བདེ་ལྡན་གྱི་ཞིང་གང་དེར་ཆས་སོང་།uuQཀྲུང་གོ་བོད་ཀྱི་དྲ་བ།

སྲིང་ཆུང་མ་ལྷ་མོ་གནས་ལ་ཕྱིན་པའི་ཕྱི་ལོར་མོར་མངལ་འཁོར་ཞིང་བུ་མོ་སྙིང་རྗེ་བོ་ཞིག་སྐྱེས། རྟགས་དང་མཚན་མའི་སྟེང་ནས་སྒྲུབ་བྱེད་དུ་འགྲོ་བ་ཅི་ཡང་བགྲང་རྒྱུ་མེད་མོད། ལོ་སར་གྱི་སྐབས་སུ་སྲིང་མོས་བུ་མོ་འཁུར་ཏེ་རང་གི་ཕ་ཁྱིམ་ལ་ཕྱག་འཚལ་དུ་ཡོང་དུས། ཨ་ཕས་ཚ་མོའི་གདོང་ལ་ཡང་ཡང་འོ་བྱེད་བཞིན། སྲིང་ཆུང་མར“འདི་ནི་ཁྱོད་ཀྱི་རྨོ་མོ་ཡིན་ཁོ་ཐག་ཡིན། བུ་མོ་འདི་སྐྱེས་པའི་མཚན་མོ་དེར་ང་ལ་རྨི་ལམ་ཞིག་རྨིས་བྱུང་། རྨི་ལམ་དུ་མེ་ཏོག་ཁྲ་ལམ་མེར་བཞད་པའི་རྩྭ་ཐང་ཞིག་ཏུ་རྨོ་མོས་ཁྱོད་ཀྱི་ལག་པ་ནས་འཇུས་ཏེ་འགྲོ་བཞིན་འདུག”ཟེར། དེ་དུས་ཁ་གྲག་རྒྱུར་མི་དགའ་བའི་ཨ་མ་ཡང་ང་ཚོའི་ཁ་བརྡའི་ཁྲོད་དུ་བསྲེས་ནས“བུ་མོ་འདི་མ་སྐྱེས་པའི་སྔོན་དུ་ང་ལའང་རྨི་ལམ་ཞིག་རྨིས་བྱུང་སྟེ། རྨི་ལམ་དུ་རྨོ་མོས་ངའི་ལག་ཏུ་མེ་ཏོག་ཁྲ་ལམ་མེར་བཞད་པ་ཞིག་བཞག་ནས། འདི་ལྷ་མོར་བྱིན་ཞེས་བཤད་རྗེས་མི་སྣང་བར་ཡལ་སོང”ཟེར། ངས་སྲིང་མོའི་བུ་མོ་སྟེ་ཚ་མོ་པང་ནས་ཁ་སློང་དུས་མོས་ང་ལ་བལྟས་ནས་མིག་གཉིས་རིག་རིག་ཏུ་འགུལ་བར་བྱེད་ཅིང་། ལག་པས་ཡང་ཡང་ངའི་སྐེ་ལ་བཏགས་ཡོད་པའི་བ་སོའི་ཕྲེང་བ་དེར་རེག་ཡོང་། བ་སོའི་ཕྲེང་བ་དེ་ནི་རྨོ་མོས་ང་ལ་བསྐྱུར་པ་རེད། བ་སོའི་ཕྲེང་བ་དེ་ངའི་སྐེ་རུ་བཏགས་བཏགས་ལ་ཡོད། བ་སོའི་ཕྲེང་བ་དེ་སྐེ་ལ་བཏགས་ཚེ་རྨོ་མོ་ནམ་ཡང་ང་དང་ཁ་བྲལ་མེད་པའི་སྣང་བ་ཞིག་སྦྱིན་པར་བྱེད། སྲིང་མོ་དང་ཚ་མོ་གཉིས་ཕྱིར་ལོག་སྐབས་ངས་རང་གི་སྐེ་ཡི་བ་སོའི་ཕྲེང་བ་དེ་ཚ་མོའི་སྐེ་ལ་བསྐོན་ནས“དེ་རིང་ནས་བཟུང་ཁྱེད་ཀྱི་ཕྲེང་བ་ཕྱིར་ཁྱེད་ལ་སྤྲད་པ་ཡིན”ཞེས་བཤད་དུས། ཚ་མོའི་ཞོ་ཤ་ཆགས་པའི་བཞིན་ལ་འཛུམ་ཞིག་ལངས་འདུག་ཅིང་། ང་ལ་ཡང་ཡང་ཕྱི་མིག་སློག་པའི་རྣམ་འགྱུར་ལ་བལྟས་ན་ཤིན་ཏུ་འབྲལ་མི་འདོད་པ་ཞིག་དང་འདྲ་བས། ང་དང་ཨ་མ་གཉིས་ཀྱིས་སྲིང་མོ་དང་ཚ་མོ་གཉིས་ཀ་སྡེ་འདབས་བར་དུ་བསྐྱལ་བ་ཡིན། ངས་སྲིང་མོ་དང་ཚ་མོ་གཉིས་ཀྱི་འགུལ་ཙམ་འགུལ་ཙམ་བྱེད་པའི་རྒྱབ་གཟུགས་ལ་ཅེར་སྡོད་དུས། གློ་བུར་སེམས་པའི་མཐོངས་སུ་དཀར་ཁུང་ཞིག་བཏོད་པ་དང་འདྲ་བར་འོད་ལམ་མེར་གྱུར་པ་མ་ཟད། བག་ཕེབས་པའི་ཚོར་བ་ཞིག་གིས་ང་རང་བདེ་འབོལ་ལེར་བཏང་སོང་།uuQཀྲུང་གོ་བོད་ཀྱི་དྲ་བ།

ཨ་ཕས་རྗེས་སུ་སྤོ་བོའི་ཕུང་བོ་ཞུགས་ལ་འབུལ་དུས་ཀྱི་ཞོགས་པ་དེའི་རྣམ་པ་བཤད་སྐབས། ཕྱིར་དྲན་གྱིས་ཚུལ་དུ། ཞོགས་པ་དེར་ནམ་གསལ་མ་གསལ་གྱི་མཚམས་སུ། ཕ་མཐོ་རིས་པོའི་ཕུང་བོ་ཁོས་ལོ་མང་པོར་སྒྲུབ་སྦྱོང་བྱས་མྱོང་བའི་མཚམས་ཁང་དེའི་གཡས་ལོགས་སུ་མེ་ལ་བསྒྲོན་པ་རེད། ཐབ་ཁུང་ལས་མཆེད་པའི་དུ་བ་མགོ་མ་ནི་རླུང་དང་བསེར་བུ་གང་གི་རམ་འདེགས་ལ་མ་བརྟེན་པར། དེ་ལྟར་རང་ཁྱིམ་གྱི་ཕྱོགས་སུ་དེངས་ནས་ཐལ། རྨོ་མོས་དེ་ནི་ལྟས་བཟང་ཞིག་ཡིན། ཁྱེད་ཀྱི་ཕ་རྒན་སླར་ཡང་རང་ཁྱིམ་ནས་སྐྱེ་རྒྱུ་ཡིན་པའི་རྟགས་རེད་ཅེས་མིག་ནས་མཆི་མ་ཉིལ་ལེར་བྱེད་ཟེར། ང་ནར་སོན་དུས་ཀྱང་རྨོ་མོས་མཆི་མ་ཉིལ་ལེར་ཞོགས་པ་དེའི་དྲན་ཚུལ་གླེང་བྱུང། རྨོ་མོ་དང་ཨ་ཕས་བཤད་པའི་ཞོགས་པ་དེའི་རྣམ་པ་གཉིས་བར་ཡིག་འབྲུ་གཅིག་གིས་མི་མང་ལ་གཅིག་གིས་མི་ཉུང་བས། རྨོ་མོའི་རྒས་གཉེར་གྱི་ཟབ་ས་རུ་ཞོགས་པ་དེའི་མཁའ་དབུགས་ལ་ཚོར་རྟོགས་བྱེད་ཐབས་བྲལ་ཀྱང་། རྨོ་མོས་སྐད་ཆ་དེའི་བཤད་སྐབས་ཀྱི་རྣམ་འགྱུར་དང་སེམས་ཀྱི་འགྱུ་བ་ནི་ད་དུང་ཞོགས་པ་དེའི་མཁའ་དབུགས་ཁྲོད་ལུས་འདུག་པ་ཚོར་ཐུབ།uuQཀྲུང་གོ་བོད་ཀྱི་དྲ་བ།

རྨོ་མོས་ངའི་གདོང་ལ་གཅེས་པའི་འོ་བྱེད་ཀྱིན་ལག་པས་མགོར་བྱིལ་བྱིལ་གཏོང་དུས། ངས“རྨོ་མོ། རྨོ་མོ། དེས་ན་ཁྱོད་སུའི་རྣམ་ཤེས་ཡིན”ཞེས་དྲིས་པ་ཡིན།uuQཀྲུང་གོ་བོད་ཀྱི་དྲ་བ།

རྨོ་མོས་ང་ལ་རྒྱང་རིང་གི་རི་བོ་མཐོ་རྒྱུ་མེད་པ་དེ་བསྟན་ནས“ང་ནི་གན་གི་ཕར་ནང་ནས་ཡོང་བ་ཡིན”ཟེར།uuQཀྲུང་གོ་བོད་ཀྱི་དྲ་བ།

“ཁྱོད་ཀྱིས་ཇི་ལྟར་ཤེས་པ་ཡིན།”uuQཀྲུང་གོ་བོད་ཀྱི་དྲ་བ།

“ངའི་ཕ་མཐོ་རིས་པོས་ང་ཆུང་དུས་སུ‘ཁྱོད་གང་ནས་ཡོང་བ་ཡིན’ ཞེས་འདྲི་དུས། ངས་རི་བོ་གན་བསྟན་ནས། ང་ནི་རི་བོ་གན་གི་ཕར་ནང་ནས་ཡོང་བ་ཡིན”ཟེར་ཞེས་བཤད།uuQཀྲུང་གོ་བོད་ཀྱི་དྲ་བ།

“དེས་ན་ཁྱོད་རང་རི་བོ་གན་གི་ཕར་ནང་འདིར་ཅི་བྱེད་དུ་ཡོང་བ་ཡིན་ནམ།”uuQཀྲུང་གོ་བོད་ཀྱི་དྲ་བ།

“དེ་ནི་སྐྱེས་པ་སྔོན་མའི་ཚོགས་གསོག་རེད། ཡང་ན་ངས་ཡུལ་འདི་ཞིག་ལ་སྨོན་ལམ་བརྒྱབ་ཡོད་ཀྱང་སྲིད།”uuQཀྲུང་གོ་བོད་ཀྱི་དྲ་བ།

“རྨོ་མོ། ཚོགས་གསོག་ཟེར་བ་ཅི་རེད།”uuQཀྲུང་གོ་བོད་ཀྱི་དྲ་བ།

“དགེ་བ་བསྒྲུབས་པ་ལ་ཟེར།”uuQཀྲུང་གོ་བོད་ཀྱི་དྲ་བ།

“དགེ་བ་བསྒྲུབས་པ་ཟེར་བ་ཅི་རེད།”uuQཀྲུང་གོ་བོད་ཀྱི་དྲ་བ།

“དགེ་བ་བསྒྲུབས་པ་ནི་ལས་ངན་པ་སྤངས་ཤིང་། ལས་བཟང་བོ་བསྒྲུབས་པ་ལ་ཟེར།”uuQཀྲུང་གོ་བོད་ཀྱི་དྲ་བ།

“དེས་ན་རྨོ་མོས་ལས་ངན་པ་བསྒྲུབས་མྱོང་ངམ།”uuQཀྲུང་གོ་བོད་ཀྱི་དྲ་བ།

“མུན་ནག་གི་དུས་སྐབས་དེའི་ནང་ལས་ངན་པ་གཅིག་ཀྱང་བསྒྲུབས་མ་མྱོང་མཁན་ཞིག་ག་ལ་ཡོད།”uuQཀྲུང་གོ་བོད་ཀྱི་དྲ་བ།

“ཁྱོད་ཀྱིས་ལས་ངན་པ་ཅི་ཞིག་བསྒྲུབས་མྱོང་།”uuQཀྲུང་གོ་བོད་ཀྱི་དྲ་བ།

“གཞུང་གི་མཛོད་ཁང་ནས་གྲོ་སྒྱེ་མོ་ཆུང་ཆུང་གང་བརྐུས་མྱོང་། ད་དུང་ཁ་རོག་གེར་ཞིང་ནང་ནས་ཞོག་ཁོག་སླེ་བོ་གང་བསློགས་མྱོང་།”uuQཀྲུང་གོ་བོད་ཀྱི་དྲ་བ།

“དེ་ཡང་ལས་ངན་པ་ཡིན་ནམ།”uuQཀྲུང་གོ་བོད་ཀྱི་དྲ་བ།

“ལོས་ཡིན།”uuQཀྲུང་གོ་བོད་ཀྱི་དྲ་བ།

“……”uuQཀྲུང་གོ་བོད་ཀྱི་དྲ་བ།

ཕྱིར་དྲན་ཞིག་བྱས་ན། རྨོ་མོ་ནི་སུན་སྣང་གིས་སྟོངས་པའི་མི་ཞིག་ཡིན། ངས་རྨོ་མོར་ཅི་དྲིས་ཀྱང་མོས་དལ་བྲེལ་མེད་པར་རེ་རེ་བཞིན་ལན་འདེབས་པར་བྱེད་ཅིང་། ད་དུང་མཚམས་རེར་དྲིས་ལན་ཞིག་ལས་འཕྲོས་ཏེ་གཏམ་རྒྱུད་རེ་ཡང་བཤད་འོངས། རྨོ་མོས་ང་ལ་ཚེ་འབུམ་ཁ་ཆེ་ཡི་གཏམ་རྒྱུད་བཤད་པ་དེ་ངས་ད་དུང་དྲན་བཞིན་འདུག་སྟེ།uuQཀྲུང་གོ་བོད་ཀྱི་དྲ་བ།

……ཚེ་འབུམ་ཁ་ཆེ་ནི་ཆུང་དུས་སུ་མི་དབུལ་བོ་དབུལ་ནག་ཅིག་ཡིན་ལ། ཕ་མ་གཉིས་འདས་རྗེས་ཁྱོད་ཀྱི་སྤོ་བོ་མཐོ་རིས་པོའི་ཕ་རྒན་མཐོ་རིས་པོས་བདག་སྐྱོང་བྱས་པ་རེད། དེ་དུས་ང་དང་ཁྱོད་ཀྱི་སྤོ་བོ་མཐོ་རིས་པོ། ད་དུང་ཚེ་འབུམ་ཁ་ཆེ་བཅས་ང་ཚོའི་ན་ཚོད་ལ་ཆེ་ཆུང་ཆེན་པོ་མི་རྒྱུག་པས་རྩེད་ར་གཅིག་གི་རྩེ་གྲོགས་ཡིན། ཚེ་འབུམ་ཁ་ཆེ་ནི་དེ་དུས་ནས་བྱིས་པ་བསམ་ནག་ཅིག་ཡིན་ཅེས་བཤད་ཆོག ཁོས་ང་ལ་བརྙས་བཅོས་ཐེངས་མང་བྱས་མྱོང་། ཁོས་ང་ལ་བརྙས་བཅོས་ཐེངས་བྱེད་ཐེངས་རེར་ཁྱོད་ཀྱིས་སྤོ་བོ་ངའི་རྒྱབ་རྩར་ལངས་ཏེ་ཁོ་ལ་ཁུ་ཚུར་རེའམ་འགྲམ་ལྕག་རེ་སྦྱིན་སྲིད། རྨོ་མོས་དེ་ལྟར་བཤད་དུས། ངའི་མིག་ལམ་དུ་ངས་ཚེ་འབུམ་ཁ་ཆེ་ཟེར་བའི་བྱིས་པ་ཞིག་ལ་འགྲམ་ལྕག་གིས་གཞུས་པའི་སྣང་བརྙན་ཞིག་མངོན་བྱུང་། རྨོ་མོས་ཁྱོད་ཀྱི་སྤོ་བོའི་ཕ་མཐོ་རིས་པོ་ཡང་སྔགས་རྒན་ཞིག་ཡིན་པས། ཆུང་ངུའི་དུས་སུ་ཁོ་གཉིས་ལ་མཉམ་དུ་རྒྱུན་སྤྱོད་ཀྱི་ཞལ་འདོན་རིགས་བསླབས་མོད། ཚེ་འབུམ་ཁ་ཆེ་ཡིས་རང་གིས་འདོན་མི་ཤེས་པ་མ་ཟད་ད་དུང་ཁྱོད་ཀྱི་སྤོ་བོའི་ཁ་གཅོལ་ནས་སྒྲ་ལོག་དོན་ལོག་ཏག་ཏག་འདོན་པས། ཁྱོད་ཀྱི་སྤོ་བོའི་ཕ་མཐོ་རིས་པོ་ཡང་ཐབས་ཟད་དེ་ཁྱོད་ཀྱི་སྤོ་བོ་ལ་མུ་མཐུད་དུ་ཆོས་ལུགས་ཆོ་ག་སྣ་ཚོགས་དཔྱིས་ཕྱིན་པ་ཞིག་ཁྲིད་ཀྱང་། ཚེ་འབུམ་ཁ་ཆེ་ར་རྫིར་མི་མངགས་ཀ་མེད་བྱུང་། དྲང་མོར་བཤད་ན་ཁྱོད་ཀྱི་སྤོ་བོ་དང་ཚེ་འབུམ་ཁ་ཆེ་གཉིས་ཁྱིམ་གཅིག་ནས་སྐྱེས་པ་ཡིན་པས། ཁོས་ཁྱོད་ལ་མི་མང་ཚོགས་སར་དེ་ལྟར་རྟ་ལྕག་གིས་འབྲབ་དོན་མེད། རྨོ་མོས་དེ་ལྟར་བཤད་ཞོར་བདག་གི་གདོང་གི་མངལ་རྟགས་གོར་གོར་དེར་ལག་པས་རེག་ཙམ་བྱས་སོང་།uuQཀྲུང་གོ་བོད་ཀྱི་དྲ་བ།

རྨོ་མོས་མུ་མཐུད་དུ། ཚེ་འབུམ་ཁ་ཆེ་ཡིས་རྗེས་སུ་སྟོན་སྐུ་ཞིག་སྐུབས་སྟེགས་བྱས་ཤིང་། དཔེ་ཆ་སྣ་རིང་ཞིག་གིས་སྣབས་ཕྱིས་བཞིན། ང་ལ་ཆོས་སློབ་མི་འདོད་ཀྱང་ཁོའི་ཕ་རྒན་གྱིས་བཙན་གྱིས་འཁྲིད་པ་རེད། ངས་དེ་དུས་ནས་དེ་ནི་རྨོངས་དད་ཡིན་པ་རྟོགས་ནས་དང་ལེན་མ་བྱས། ད་ལྟ་ཡིན་ནའང་དེ་རེད། སུ་ཞིག་གིས་རྨོངས་དད་བྱས་ན་དེ་རང་ཕམ་པར་བརྒྱག་དགོས་ཞེས་བཙན་ངར་གྱིས་བཤད་ཅིང་། ཚེ་འབུམ་ཁ་ཆེ་ཡིས་ད་དུང་ང་འདི་བ་ཚང་གིས་གཡོག་ལ་བཀོལ་ནས་ར་རྫི་བྱས་པ་རེད། ད་ནི་སྐྱིན་པ་ལེན་དགོས་ཞེས་ཁྱོད་ཀྱི་སྤོ་བོའི་སྐེ་ལ་ཞོན་ནས་ཡར་འདེད་མར་འདེད་བྱས་པ་རེད། རྨོ་མོས་དེ་ལྟར་བཤད་དུས། ཡང་ངའི་མཐོང་ལམ་དུ་ཚེ་འབུམ་ཁ་ཆེ་ཟེར་བའི་མི་ངན་དེས་ངའི་སྐེ་ལ་ཞོན་ནས་རྫིག་རྫིག་རྔམ་རྔམ་བྱེད་པའི་བཟོ་ལྟ་ཞིག་ཝ་ལེར་ཤར་ཡོང་།uuQཀྲུང་གོ་བོད་ཀྱི་དྲ་བ།

བདག་གི་ཨ་མས་བཤད་ན་རྗེས་སུ་བྱུང་བའི་དོན་དག་དེ་རྣམས་ནི་རྣམ་སྨིན་རེད་ཟེར། ཚེ་འབུམ་ཁ་ཆེའི་བུ་ཆེ་བ་དགུན་ཁ་ཞིག་ལ་སྡེ་འདབས་ཀྱི་གྲམ་ཆུར་ལྷུང་སྟེ་འཁྱག་ཤི་ཐེབས་པ་དང་། དེ་ནས་ལོ་གཅིག་མ་འགོར་བར། ཚེ་འབུམ་ཁ་ཆེའི་བུ་ཆུང་བ་ཡང་རྟ་རྒན་ཞིག་གིས་གཡང་ལ་བརྫངས་སོང་། གསར་བརྗེ་སྐྱིད་ཟེར་བའི་སྨྱོན་པ་དེ་ལོས་ཤེས། ངག་ལྐུགས་ཤིང་རྣ་འོན་ནས་ཕལ་ཆེར་ལོ་བཞི་བཅུ་འགོར་ཟིན་པ་དེ་རེད། ཨ་མས་དེ་ལྟར་བཤད་དུས་ཤུགས་རིང་ཞིག་འབྱིན་བཞིན་མི་ལ་སྣོག་རྒྱུ་གཏན་ནས་མང་མི་ཉན་ཟེར། དེ་ནི་ཁ་གྲག་རྒྱུར་མི་དགའ་བའི་ངའི་མ་རྒན་གྱིས་རྒྱུན་པར་ཁ་ལ་འཕྲེད་ཀྱིས་བཟུང་ཡོད་པའི་གདམ་ངག་ཀྱང་ཡིན།uuQཀྲུང་གོ་བོད་ཀྱི་དྲ་བ།

……uuQཀྲུང་གོ་བོད་ཀྱི་དྲ་བ།

ལོ་མང་པོ་འགོར་བའི་དེ་རིང་། ང་རང་ཡང་བསྐྱར་ཕ་ཡུལ་དུ་ལོག་ཅིང་། སྤོ་བོ་སོང་མྱོང་བའི་རྐང་ལམ་དེད་ནས་སྡེ་འདབས་ཀྱི་མཚམས་ཁང་རྙིང་རལ་དེའི་འགྲམ་དུ་ཕྱིན་པ་ཡིན། མཚམས་ཁང་དེ་ནི་ད་དུང་ཡང་ལོ་རྒྱུས་ཀྱི་དོད་དུ་འགྱེལ་མ་ལངས་ཤིག་བྱས་ནས་ཁུ་སིམ་མེར་བསྡད་འདུག ངས་མཚམས་ཁང་གི་རྩིགས་པར་རྒྱབ་བསྙེས་ཏེ་བསམ་གཞིག་གི་གཤོག་པ་མཐར་ཇི་ལྟར་བཅད་ཀྱང་། སྐྱེ་བ་སྔོན་མའི་འདས་རྐྱེན་ནི་ཡིད་ལ་རབ་རིབ་ཙམ་ཡང་འཁོར་རྒྱུ་མ་བྱུང་། ཡིན་ཀྱང་ང་ལ་གློ་བུར་བསམ་ཚུལ་ཞིག་སྐྱེས་པ་ནི། སྤོ་བོའི་ཤི་རྐྱེན་ནི་དོན་དུ་ཁོང་གིས་ཕུང་བོ་ཞིག་བརྗེས་འདོད་པ་ལས་རྒྱུ་རྐྱེན་གཞན་གང་ཡང་མེད་ཀྱང་སྲིད་ཅེས་པ་དེའོ།། ངས་དེ་ལྟར་དྲན་པ་ན་ལྗིད་ཏིག་གེའི་ཁུར་བོ་ཞིག་ཐང་ལ་ཕོག་པ་དང་འདྲ་བར། ལུས་སེམས་གཉིས་ཀ་ངང་ངམ་ཤུགས་ཀྱིས་ཡང་ཟོར་རེར་བུད་སོང་། ང་རང་རྣང་ཞིང་གི་ཐེམ་པ་བརྒལ་ཏེ་མདུན་དུ་ཕྱིན་ཅིང་། ལག་གཡས་དཔྲལ་ངོས་སུ་བཙུགས་ཏེ་མེ་ཕུང་ཞིག་དང་མཚུངས་པའི་ཉིན་བྱེད་ལ་ཡུན་རིང་ཅེར། མིག་ལ་གཙེས་པའི་ཉིན་བྱེད་ཀྱིས་ཀྱང་ང་ལ་འགུལ་མེད་དུ་ཅེར་འདུག དེ་ནས་ངས་མིག་ཟུང་ཟུམ་ཙམ་ཟུམ་ཙམ་བྱས་རྗེས། མཐོང་ལམ་དུ་སྔོ་ལྟེམ་སེར་ཡོད་པའི་ལོ་ཏོག་གི་ཚོགས་ལ་མིག་གཡེང་ཞིག་བྱས། དེ་དུས་གར་ཡོང་ཆ་མེད་ཀྱི་རླུང་བུ་ལྡོམ་པོ་ཞིག་བསིལ་བསིལ་དུ་ལྡང་བ་ན། སེར་ལམ་ལམ་བྱེད་པའི་ལོ་ཏོག་གི་ཚོགས་ཟླ་དྲུག་པའི་ཞིང་ཐང་དུ་རྒྱ་མཚོའི་རླབས་བཞིན་ཤིག་ཤིག་ཏུ་གཡོས་བྱུང་།uuQཀྲུང་གོ་བོད་ཀྱི་དྲ་བ།

རྩོམ་སྒྲིག་པ། དོ་རྒྱ་དོན་གྲུབ་ཚེ་བརྟན།

དཔྱད་མཆན 0 ཡོད།