ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ་གཉིས་པའི་ཚེས་བཅོ་ལྔ་ཉིན། ཝེ་ནེ་ཙུའེ་ལཱའི་ཕྱི་འབྲེལ་བློན་ཆེན་ལོ་ཏི་ལི་ཀི་སི་ཝེ་ནེ་ཙུའེ་ལཱའི་ཅཱ་ལཱ་ཅཱ་སི་ནས་གསར་འགྱུར་སྒྲོག་སྤེལ་ཚོགས་འདུར་ཞུགས།ཝེ་ནེ་ཙུའེ་ལཱའི་ཕྱི་འབྲེལ་བློན་ཆེན་ལོ་ཏི་ལི་ཀི་སི་ཡིས་ཚེས་བཅུ་དགུའི་ཉིན་ཨ་མེ་རི་ཁས་ཝེ་ནེ་ཙུའེ་ལཱའི་ནང་སྲིད་ལ་ཐེ་གཏོགས་བྱས་པར་སྐྱོན་འཛུགས་བྱས།
ལོ་ཏི་ལི་ཀི་སི་ཡིས་ཨ་མེ་རི་ཁའི་རྒྱལ་སྲུང་བློན་ཆེན་ཏིས་ལེ་སུན་གྱིས་ཉིན་དེའི་ཝེ་ནེ་ཙུའེ་ལཱའི་གནས་བབ་ལ་སེམས་ཁུར་བྱེད་པའི་གཏམ་བཤད་སྤེལ་བར་རྒོལ་གཏམ་བཏང་བ་དང་། དེ་ནི་ཨ་མེ་རི་ཁས་ཝེ་ནེ་ཙུའེ་ལཱའི་ནང་སྲིད་ལ་ཐེ་གཏོགས་བྱེད་པའི་བྱ་སྤྱོད་ཚབས་ཆེན་ཞིག་ཡིན། དེའི་སྔོན་ཝེ་ནེ་ཙུའེ་ལཱའི་ཙུང་ཐུང་མཱ་ཏུའུ་ལོ་ཡིས་གཏམ་བཤད་སྤེལ་སྐབས་བསྟན་དོན། ཨ་མེ་རི་ཁས་ཝེ་ནེ་ཙུའེ་ལཱ་རྒྱལ་ནང་གི་དྲག་ཤུགས་དང་རྔམ་སྟོན་ཁྲོམ་སྐོར་ལ་ཇུས་འགོད་དང་ངན་སྐུལ་བྱས་ཏེ་སྲིད་འགྱུར་སློང་བའི་གཡོ་ཇུས་འཐེན་བཞིན་ཡོད་པར་བཤད།
ཚེས་བཅུ་དགུའི་ཉིན། ཝེ་ནེ་ཙུའེ་ལཱའི་སྲིད་འཛིན་ཏང་དང་ངོ་རྒོལ་ཏང་གི་རྒྱབ་སྐྱོར་མཁན་གྱིས་སོ་སོར་གཞི་རྒྱ་ཆེ་བའི་རྔམ་སྟོན་ཁྲོམ་སྐོར་བྱ་འགུལ་སྤེལ་ཏེ་མི་གཉིས་རྐྱེན་ལམ་དུ་ཤོར།
ཉིན་དེའི་ཕྱི་དྲོར་མཱ་ཏུའུ་ལོ་ཡིས་བསྟན་དོན། ངོ་རྒོལ་ཏང་མནའ་འབྲེལ་དང་ཨ་མེ་རི་ཁའི་སྲིད་འགྱུར་གཡོ་ཇུས་ཕམ་པར་བཏང་ཡོད་ཟེར། ངོ་རྒོལ་ཏང་མནའ་འབྲེལ་གྱིས་མུ་མཐུད་དུ་རྔམ་སྟོན་ཁྲོམ་སྐོར་བྱ་འགུལ་མུ་མཐུད་དུ་སྤེལ་ཏེ། སྲིད་གཞུང་གིས་རྩ་ཁྲིམས་ཀྱི་སྒྲིག་ལམ་སླར་གསོ་བྱས་ཏེ་འདེམ་བསྐོའི་དུས་ཚོད་རེའུ་མིག་གཏན་འཁེལ་གསལ་བོ་བྱེད་དགོས་པའི་རེ་བ་བཏོན། །