ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ས་གནས་དེ་གའི་དུས་ཚོད་ཟླ8ཚེས21ཉིན། མཐོང་རྒྱུ་ཧ་ཅང་དཀོན་པའི་ཉི་མ་རིལ་འཛིན་གྱི་མཛེས་ལྗོངས་ཤིག་ཨ་རིའི་སྐམ་ས་ཆེན་པོ་ཀུན་ཏུ་ཤར་ཞིང་། འདི་ནི1918ལོ་ནས་བཟུང་ཨ་རི་ཁོ་ནར་མཐོང་ཐུབ་ལ་ཨ་རིའི་ཤར་ནུབ་གཉིས་ནས་ལྟ་དཔྱད་ཚད་འཇལ་བྱེད་ཐུབ་པའི་ཉི་མ་རིལ་འཛིན་ཐེངས་དང་པོ་བྱུང་བ་ཡིན་པ་རེད། ཉི་མ་རིལ་འཛིན་ནི་ཟླ་བ་གོ་ལ་འཁོར་ནས་ཉི་མ་དང་སའི་གོ་ལ་གཉིས་ཀྱི་བར་དུ་སླེབས་སྐབས་ཉི་མའི་འོད་ཡོད་ཚད་བསྒྲིབས་པའི་ནམ་དུས་ཀྱི་གནས་ཚུལ་ཞིག་རེད།
